Miami airport: ఎయిర్‌పోర్టులో ప్రయాణికుడి తత్తరపాటు..! ఫ్యాంటు జేబులు చెక్ చేయగా.. గుండె గుభేల్!
న్యూయార్క్‌, మే 5: ఎయిర్‌ పోర్టు అధికారులకు ఓ ప్యాసింజర్‌ షాక్‌ ఇచ్చాడు. ప్యాంటులో రహస్యంగా రెండు పాములున్న సంచిని దాచిపెట్టి తరలిస్తుండగా పట్టుబడ్డాడో ప్రయాణికుడు. అమెరికాలోని మయామీ ఎయిర్పోర్ట్ సిబ్బంది తనిఖీల్లో ఈ విచిత్ర సంఘటన వెలుగులోకి వచ్చింది. యునైటెడ్ స్టేట్స్‌లోని మియామీలోని మియామి ఇంటర్నేషనల్ ఎయిర్పోర్ట్ అధికారులు ఏప్రిల్ 26వ తేదీన సాయంత్రం చెక్ పాయింట్‌ వద్ద ప్రయాణికులను చెక్ చేస్తున్నారు. ఇంతలో ఓ ప్రయాణికుడి ఫ్యాంటు జేబులో చిన్న సైజు బ్యాగ్‌ను కనుగొన్నారు. […]
న్యూయార్క్‌, మే 5: ఎయిర్‌ పోర్టు అధికారులకు ఓ ప్యాసింజర్‌ షాక్‌ ఇచ్చాడు. ప్యాంటులో రహస్యంగా రెండు పాములున్న సంచిని దాచిపెట్టి తరలిస్తుండగా పట్టుబడ్డాడో ప్రయాణికుడు. అమెరికాలోని మయామీ ఎయిర్పోర్ట్ సిబ్బంది తనిఖీల్లో ఈ విచిత్ర సంఘటన వెలుగులోకి వచ్చింది.
యునైటెడ్ స్టేట్స్‌లోని మియామీలోని మియామి ఇంటర్నేషనల్ ఎయిర్పోర్ట్ అధికారులు ఏప్రిల్ 26వ తేదీన సాయంత్రం చెక్ పాయింట్‌ వద్ద ప్రయాణికులను చెక్ చేస్తున్నారు. ఇంతలో ఓ ప్రయాణికుడి ఫ్యాంటు జేబులో చిన్న సైజు బ్యాగ్‌ను కనుగొన్నారు. వెంటనే ఆ సంచిని తెరచి చూడగా.. అందులో రెండు పాము పిల్లలు కనిపించాయి. కళ్లద్దాలు దాచుకునే సంచిలా ఉన్న ఆ బ్యాగ్‌ నుంచి రెండు తెల్ల పాములను భద్రతా సిబ్బంది స్వాధీనం చేసకున్నారు.
అనంతరం వాటిని ఫ్లోరిడా వన్యప్రాణి సంరక్షణ కమీషన్‌కు అప్పగించారు. ఈ మేరకు ఎయిర్‌ పోర్టు అధికారులు US ట్రాన్స్‌పోర్టేషన్ సెక్యూరిటీ అడ్మినిస్ట్రేషన్ అధికారిక ఎక్స్‌ఖాతాలో వివరాలను వెల్లడించారు. ప్రయాణికుడి ప్యాంటు జేబులో దొరికిన సంచితోపాటు అందులో ఉన్న రెండు తెల్లపాముల ఫొటోలను కూడా ఎక్స్‌లో షేర్‌ చేశారు. పాములను ఫ్లోరిడా ఫిష్ అండ్ వైల్డ్‌లైఫ్ కన్జర్వేషన్ కమిషన్‌కు అప్పగించినట్లు TSA వెల్లడించింది.
మరిన్ని జాతీయ వార్తల కోసం క్లిక్‌ చేయండి.