Tomato prices : మొన్నటివరకు సామాన్యులకు చుక్కలు, ఇప్పుడు రైతులకు కన్నీళ్లు..రూపాయికే కిలో టమోటా
టమోటా..ఏ కూరలో అయినా వినియోగించొచ్చు. టమోటా కూర మీద అయిష్టత ప్రదర్శించే జనాలు కూడా చాలా తక్కువమంది ఉంటారు. మధ్యతరగతి, పేద వర్గాలు ...
టమోటా..ఏ కూరలో అయినా వినియోగించొచ్చు. టమోటా కూర మీద అయిష్టత ప్రదర్శించే జనాలు కూడా చాలా తక్కువమంది ఉంటారు. మధ్యతరగతి, పేద వర్గాలు ఆర్థికంగా ఇంట్లో ఇబ్బంది ఉన్నప్పుడు కాస్త తక్కువలో వచ్చే టామోటాతో రసమో, చారో పెట్టుకుని రోజు వెళ్లబుచ్చుకుంటారు. అయితే టమోటాకు మరో ప్రత్యేకత కూడా ఉంది. సామాన్యులకు చుక్కలు చూపించాలన్నా, రైతులకు కన్నీళ్లు తెప్పించాలన్నా టమోటాకే చెల్లుతుంది. ఎందుకంటే దిగుబడి తక్కువ..డిమాండ్ ఎక్కువ ఉంటే టమోటా ధర ఉన్నఫలంగా ఆకాశానికి ఎగబాకుంది. దిగుబడి ఎక్కువఉంటే మాత్రం అతి దారుణంగా రూపాయికి పడిపోతుంది. ఇటువంటి సందర్భాాలు ఇప్పటివరకు చాలాసార్లు చూశాం.
ఇటీవల లాక్‌డౌన్ సమయంలో టమోటా ధర విపరీతంగా పెరిగిపోయింది. జూన్, జూలై మాసాల్లో రూ. 100 మార్క్‌ను టచ్ చేసింది. అయితే తాజాగా మరోసారి ధరలు నేలకు దిగిపోయాయి. కర్నూలు జిల్లా…. పత్తికొండ వ్యవసాయ మార్కెట్‌లో టమోటా ధర భారీగా పడిపోయింది. కిలో టమోటా కేవలం 1 రూపాయికే విక్రయిస్తున్నారు రైతులు. దిక్కుతోచని పరిస్థితుల్లో కొందరైతే రోడ్లమీదే పారబోసి వెళ్లిపోతున్నారు. తమకు గిట్టుబాటు ధర దక్కేలా చర్యలు తీసుకోవాలని అధికారులను కోరుతున్నారు .
Also Read :
Tirumala Tirupati : శ్రీవారి సర్వ దర్శనం టోకెన్ల జారీ వివాదం..భక్తుల ఆందోళన..స్పందించిన టీటీడీ
