సాధారణంగా మహిళల పై వేధింపులు అదీ వివాహితలపై జరిగే గృహహింస మన దేశంలోనే కాదు.. ప్రపంచవ్యాప్తంగా ఎక్కువే. ఎక్కడిక్కడ చట్టాలు ఉన్నా.. ఈ వేధింపులను ఆపడం ఎవరితరమూ కాదు. కొంతమంది మహిళలు అవగాహన లేక ఈ గృహహింసలను భరిస్తూ కాలం వెళ్ళదీస్తారు. ఆమె 47 ఏళ్ల వెనెస్సా రేసర్. న్యూయార్క్లోని రాక్ల్యాండ్లో నివసిస్తున్న సైకోథెరపిస్ట్. ఈమె పెళ్లి కుమార్తె దుస్తులు ధరించి రోడ్డు మీద పరుగులు తీయడం మొదలు పెట్టింది. అది చూసిన ప్రజలు ఆశ్చర్యపోయారు. ఆమె ఊరికే పనిలేక అలా పరుగులు తీయలేదు. ఎందుకు తాను ఈపని చేస్తోందో ఇలా వివరించింది..”నేనే గృహ హింసకు గురయ్యాను. ఈ సమస్యను ఎదుర్కొంటున్న చాలా మంది నా వద్దకు వస్తారు. నాకు తెల్సి చాలామందికి ఈ సమస్యపై సరైన అవగాహనే లేదు. ఈ సమస్యను పరిష్కరించాలని ప్రయత్నించే వారు ఎవరూ నాకిప్పటివరకూ కనిపించలేదు. అందుకే.. నేను ప్రజల్లో అవగాహన కల్పించేలా ఎదోఒకటి చేయాలని అనుకున్నాను. అందుకే ఈ పరుగు మొదలు పెట్టాను. గృహ హింసకు వ్యతిరేకంగా మహిళలు తమ గొంతు విప్పడానికి ఇది ఒక స్ఫూర్తి కావాలని నా ప్రయత్నం.”
మరిన్ని ఇక్కడ చూడండి: రణ్వీర్ సింగ్ న్యూలుక్ సోషల్ మీడియాలో తెగ వైరల్ అవుతున్నా ఫోటోలు ,వీడియో :Ranveer Singh new Look video.