Kurnool: అర్థరాత్రి అమ్మాయి నుంచి న్యూడ్ వీడియో కాల్.. యువకుడికి దిమ్మతిరిగే షాక్..!(వీడియో)

అమ్మాయి నుంచి కాల్.. అందులోనూ అర్థరాత్రి వీడియో కాల్.. ఇంకేముంది మనోడు రెచ్చిపోయాడు. కట్ చేస్తే ఆ వీరావేశంతోనే బొక్కబోర్లా పడ్డాడు యువకుడు. జరగాల్సిందంతా జరిగిపోయాక ఇప్పుడు లబోదిబోమంటున్నాడు. కాపాడండి సారూ అంటూ వేడుకుంటున్నాడు. కర్నూలు జిల్లాలోని ఎమ్మిగనూరులో హాని ట్రాప్ మరోసారి వెలుగులోకి వచ్చింది. సునీల్ అనే యువకుడికి రాత్రి సమయంలో ఓ నంబర్ నుండి వీడియో కాల్ వచ్చింది. ఎవరో అని కాల్ లిఫ్ట్ చేసిన యువకుడు ఒక్కసారిగా అవాక్కయ్యాడు. కాల్ ఎత్తగానే ఓ మహిళ తన డ్రెస్ తీసేస్తూ కాల్ మాట్లాడుతోంది. వెంటనే సునీల్ కాల్ కట్ చేశాడు. అయితే, మరోసారి కాల్ లిఫ్ట్ చేయడమే అతని కొంప ముంచింది. మాట్లాడిన కొద్దిసేపు కాల్‌ను కూడా రికార్డ్ చేశారు అవతలి వ్యక్తులు. సునీల్ ఓ మహిళతో న్యూడ్ వీడియో కాల్ మాట్లాడుతున్నట్లుగా వీడియో క్రియేట్ చేశారు. దానిని మళ్లీ సునీల్‌కే పంపించారు. ఆ వీడియోను చూసిన సునీల్ మైండ్ బ్లాంక్ అయ్యింది. ఏం చేయాలో అర్థం కాక తలపట్టుకున్నాడు.ఇంతలో వీడియో పంపిన మహిళ నుంచి మరో మెసేజ్ వచ్చింది. డబ్బులు ఇవ్వాలని డిమాండ్ చేసింది. లేదంటే ఫేస్‌బుక్, ఇన్‌స్టాగ్రమ్‌లో షేర్ చేస్తానంటూ బెదిరింపులకు పాల్పడింది. సునీల్ ఫ్రెండ్స్‌కు కూడా పంపుతానని బెదిరించింది. అయితే, సునీల్ తన వద్ద డబ్బులు లేవని, వీడియో ఎవరికీ పంపొద్దని వేడుకున్నప్పటికీ వారు వినలేదు. సునీల్‌కు చెందిన ఇద్దరు మిత్రులకు ఆ వీడియోను షేర్ చేశారు. దాంతో తన పరువు పోతుందని భయపడి ఏం చేయాలో అర్థం కాక తనలో తానే కుమిలిపోయాడు. ఇదిలాఉంటే.. మరో నెంబర్ నుంచి వాట్సాప్ కాల్ వచ్చింది సునీల్‌కి. తాము సిబిఐ అధికారులమంటూ.. నీ వీడియో యూట్యూబ్‌లో వచ్చిందని, వెంటనే డబ్బులు ఇచ్చి దానిని డిలీట్ చేయించుకోవాలని బెదిరింపులకు పాల్పడ్డారు. వీరి వేధింపులకు తట్టుకోలేకపోయిన బాధితుడు సునీల్.. పోలీసులను ఆశ్రయించాడు. తనను రక్షించాలని ప్రాధేయపడ్డాడు. సునీల్ ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నారు.

మరిన్ని వీడియోస్ కోసం:
Videos

Nayanthara properties: నయనతారకు అన్ని కోట్ల ఆస్తులు ఉన్నాయా ? ఏకంగా హైదరాబాద్‍లోనే..

Pizza: మార్కెట్‌లో కొత్తరకం పిజ్జా.. అమ్మబాబోయ్.. దీన్ని పిజ్జా అంటారా.. వీడియో చూస్తే..