నీతా అంబానీ .. భారతదేశంలోని అత్యంత సంపన్న వ్యాపారవేత్త, రిలయన్స్‌ అధినేత ముఖేశ్‌ అంబానీ భార్య మాత్రమే కాదు.. ఎంటర్‌ప్రెన్యూర్‌షిప్, సోషల్ వర్క్ వంటి అనేక రంగాలలో తనకంటూ ప్రత్యేక గుర్తింపును సంపాదించారు. సక్సెస్‌ఫుల్‌ బిజినెస్‌ ఉమెన్‌గా ఆమె తన స్టైల్, ఫ్యాషన్‌తో అభిమానులను కట్టిపడేస్తారు. యాభై ఏళ్ల వయసులో ఎంతో ఎనర్జిటిక్‌గా నడుస్తున్న నీతా డ్యాన్స్‌కి, ఫిట్‌నెస్‌కి ఎంతో ప్రాముఖ్యతనిస్తారు. ఆమె పనితనం వల్లనే కాదు, ఆమె శైలి, అందం కూడా అందరినీ ఆశ్చర్యపోయేలా చేస్తుంది. నీతా బ్యూటీ సీక్రెట్ వెనుక రెగ్యులర్ డైట్ ఉంది. నీతా ఆహారంలో పండ్లు, కూరగాయలు, గింజలు, విత్తనాలు మొదలైనవి ఎక్కువగా ఉంటాయట. రోజూ ఉదయాన్నే వాకింగ్, బ్రేక్‌ఫాస్ట్‌లో నట్స్, పండ్లు, తాజాగా కూరగాయలు తప్పక తీసుకుంటారట. నీతా అంబానీ తన డైట్‌లో తప్పనిసరిగా ఒక గ్లాసు బీట్‌రూట్ జ్యూస్ తీసుకుంటారు. తక్కువ కేలరీలు, ఫైబర్ అధికంగా ఉండే బీట్‌రూట్ జ్యూస్ బరువు తగ్గడానికి సహాయపడుతుంది. విటమిన్ సి, ఇతర యాంటీఆక్సిడెంట్లు పుష్కలంగా ఉన్న బీట్‌రూట్ జ్యూస్ తాగడం వల్ల చర్మ ఆరోగ్యానికి మంచిది. ఇవి రక్తపోటును అదుపులో ఉంచి రక్తహీనతను నివారిస్తాయి.
బరువు తగ్గాలన్నా.. హెల్తీగా ఉండాలన్నా.. శరీరాన్ని డిటాక్స్ చేయడం చాలా అవసరం. అందుకే నీతా రోజూ నిమ్మరసం, పుదీనా కలిపిన డిటాక్స్ డ్రింక్ను తీసుకుంటారు. ఇది ఆమె చర్మ సంరక్షణకు కూడా తోడ్పడుతుంది. పూర్తి ఆరోగ్య కరమైన బ్రేక్ఫాస్ట్‌తో రోజును ప్రారంభిస్తారు నీతా అంబానీ. అల్పాహారంలో తాజా పండ్ల రసాలు, డ్రై ఫ్రూట్స్తీసుకుంటారు. కేలరీలు తక్కువ ఉండేలా చూసుకుంటారు. ఇది తన ఆరోగ్యం కోసమే కాకుండా.. స్కిన్ కేర్ను రక్షించడంలోనూ మేలు చేస్తుంది. ప్రాసెస్ చేసిన ఆహారాల ఎప్పుడూ దూరంగా ఉంటారు నీతా. పుష్కలంగా నీరు తాగుతారు. తన ఆహారంలో ఆకు కూరలు, పండ్లు పుష్కలంగా ఉండేలా చూసుకుంటారు. రాత్రిపూట క్రమం తప్పకుండా వెజిటబుల్‌ సూప్ తీసుకుంటారు. నీతా ప్రతిరోజూ వ్యాయామం, యోగా తప్పనిసరిగా చేస్తారు. ఇదండీ.. నీతా అంబానీ బ్యూటీ & ఫిట్‌నెస్‌ సీక్రెట్.
మరిన్ని వీడియోస్ కోసం:
Videos
రాధమ్మ మదిలో కృష్ణయ్య.. చూడముచ్చటైన జంట గా తారక రామ , ప్రణతి.
ఆ విషయంలో ఇప్పటికీ వరుణ్ తేజ్ పై కోపమే ఉంది.! చిరు కామెంట్స్.