వీధి శునకాలే ఆమె నేస్తాలు.. ఆకట్టుకుంటున్న చిన్నారి వీడియో
పసివాళ్లు దేవుడితో సమానమంటారు. కల్మషం లేని ఆ లేత మనసులు అందరితో ఇట్టే స్నేహం చేస్తాయి. అలా ఓ చిన్నారి వీధిశునకాలతో స్నేహం చేసింది. వాటికి ఆ పాప.. బెస్ట్ ఫ్రెండ్.. కేర్ టేకర్ కూడా. ఇంకా చెప్పాలంటే తను వాటికి కమాండర్. తను వెళ్తుంటే ఆ శునకాలు బాడీ గార్డ్స్లా ఆమె వెంటే వెళ్తాయి. అంతేకాదు ఆ చిన్నారి ఆ శునకాలే వాహనంగా ఎక్కడికి కావాలంటే అక్కడికి వెళ్తుంది.
ఈ అద్భుతమైన వీడియో ఇంటర్నెట్లో వైరల్గా మారింది. కల్మషం లేని మనసులకు ప్రతిరూపం ఈ వీడియో అని పలువురు కామెంట్స్ పెడుతున్నారు. జీవితంలో అనురాగాన్ని పంచడం ఎంత ముఖ్యమో గుర్తుచేసిందంటున్నారు. ఈ వీడియోలో, ఓ చిన్నారి వీధిలో ఉన్న కుక్కలను స్నేహపూర్వకంగా తడుముతూ, వాటితో ఆడుకుంటూ కనిపిస్తుంది. ఓ కుక్క కూడా బాలిక ప్రేమకు ప్రతిస్పందిస్తూ సంతోషంతో తలూపడం చూడొచ్చు. ఈ దృశ్యం చూడటానికి ఎంతో అందంగా ఉంది. నెటిజన్లు ఆ చిన్నారి, కుక్కకు మధ్య ఉన్న స్వచ్ఛమైన అనుబంధాన్ని చూసి ఫిదా అవుతున్నారు. నెటిజన్ల కామెంట్స్ కూడా చాలా బాగున్నాయి. ఒకరు ఈ వీడియో చూసి, ఎలాంటి గజిబిజీ లేని పసి మనుషులు.. ఈ లోకాన్ని మర్చిపోయి ప్రేమలో మునిగిపోయారు అని వ్యాఖ్యానించారు. అలాగే ఈ దృశ్యం చాలాకాలం నా మనసులో నాటుకుపోతుందని మరొకరు ప్రశంసించారు. అయితే ఈ వీడియోలోని చిన్నారి ఎవరు, ఈ సంఘటన ఎక్కడ జరిగింది అని స్పష్టమైన సమాచారం లేదు. కానీ వీడియో మాత్రం నెటిజన్లను ఎంతగానో ఆకట్టుకుంటోంది.
మరిన్ని వీడియోల కోసం ఇక్కడ క్లిక్ చేయండి
Also Watch:
దోష పరిహారమా ?? కామాఖ్య ఆలయంలో ఆషు రెడ్డితో.. పూజలు చేయించిన వేణుస్వామి
గుడ్ న్యూస్ చెప్పిన కమెడియన్ !!
విజయశాంతి ఎవరో కాదు.. రియల్ లైఫ్లో బాలయ్యకు కోడలు అవుతుంది