Covid19 new variant: అమ్మ బాబోయ్! పిరోలాగా మారిన కరోనా.. భారత్‌కు ముప్పుందా..?

ప్రపంచాన్ని వణికించిన కరోనా మహమ్మారి ఇంకా పూర్తిగా సమసిపోలేదని ప్రపంచ ఆరోగ్య సంస్థ చెబుతూనే ఉంది. వివిధ దేశాల్లో కొత్త కొత్త వేరియంట్లు పుట్టుకొస్తున్నాయని హెచ్చరించింది. తాజాగా మరో కొత్త వేరియంట్ బీఏ.2.86 ను గుర్తించినట్లు తెలిపింది. పిరోలా గా వ్యవహరిస్తున్న ఈ కొత్తరకం కరోనా కేసులు అమెరికా, యూకే, చైనా, డెన్మార్క్ లలో నమోదవుతున్నాయి. అమెరికాలోని సెంటర్స్ ఫర్ డిసీజ్ కంట్రోల్ అండ్ ప్రివెన్షన్ నిపుణులు పిరోలా వ్యాప్తిపై ఆందోళన వ్యక్తం చేస్తున్నారు. ఈ కొత్త వేరియంట్ ఇప్పటికే పలు రీజియన్లకు పాకిందని, వేగంగా వ్యాపిస్తోందని చెబుతోంది డబ్లూహెచ్‌వో. ఇప్పటి వరకు గుర్తించిన కేసులను పరిశీలించగా.. బాధితులపై పిరోలా లక్షణాల్లో తీవ్రత లేదన్నారు. అయితే, వైరస్ వ్యాప్తి మాత్రం వేగంగా జరుగుతోందని తెలిపారు. విదేశాలలో పిరోలా కేసులు గుర్తించిన నేపథ్యంలో అప్రమత్తంగా ఉన్నట్లు కేంద్ర ఆరోగ్య శాఖ ఓ ప్రకటనలో తెలిపింది. ఇప్పటివరకైతే ఈ వైరస్ మన దేశంలోకి రాలేదని పేర్కొంది.ఇప్పటి వరకు వచ్చిన వేరియంట్లతో పోలిస్తే పిరోలా మరింత శక్తిమంతమైందని వివరించారు. గతంలో కరోనా బారిన పడిన వాళ్లకు, రెండు డోసుల వ్యాక్సిన్ వేసుకున్న వారికీ పిరోలా సోకుతున్న విషయాన్ని గుర్తించినట్లు సీడీసీ నిపుణులు తెలిపారు. దీనిని బట్టి పిరోలా వేరియంట్ చాలా పరివర్తనాలకు గురైందని తెలుస్తోందన్నారు. ఈ వేరియంట్ కు సంబంధించిన శాంపిల్ ఇంకా తమకు అందలేదని, శాంపిల్ ను పరిశీలించాకే ఈ వైరస్ ఎంత ప్రమాదకరమనేది చెప్పగలమని పేర్కొన్నారు. ఇక జ్వరం, ఒళ్లు నొప్పులు, చర్మంపై దద్దుర్లు, కళ్ల కలక, డయేరియా, శ్వాస అందకపోవడం, తలనొప్పి, కండరాల నొప్పులు, దగ్గు, వాసన రుచి కోల్పోవడం పిరోలా లక్షణాలుగా వైద్యులు చెబుతున్నారు..

మరిన్ని వీడియోస్ కోసం:
Videos

Allu Arjun: నేషనల్ అవార్డు విన్నర్స్.. ఈ అవార్డు ప్రైజ్‌ మనీ తెలిస్తే షాకవుతారు..!

Mahesh Babu: హాలీవుడ్‌ గడ్డపై మహేష్‌ దిమ్మతరిగే రికార్డ్‌.. సౌత్ లోనే ఒక్క మగాడిగా రికార్డు.

Viral Video: ప్రభుత్వ స్కూల్ టీచర్స్ ఓవర్ యాక్షన్.. నుదుట బొట్టు, తలలో పూలతో వచ్చారని శిక్ష..