టీటీడీ డైరీలు, క్యాలెండర్లకు విశేష స్పంద‌న‌

దేశ విదేశాలల్లోని శ్రీ‌వారి భ‌క్తుల నుండి టీటీడీ డైరీలు, క్యాలెండర్ల కు విశేష స్పందన లభిస్తోంది. టీటీడీ ముద్రించిన 2026 సంవత్సర క్యాలెండర్లు, డైరీలను పొందేందుకు భక్తులు ఆసక్తి కనబరుస్తున్నారు. శ్రీవారి భక్తుల సౌకర్యార్థం టీటీడీ 2026 సంవత్సరం క్యాలెండర్లు, డైరీలు, టేబుల్‌ టాప్‌ క్యాలెండర్లు, టీటీడీ అనుబంధ ఆలయాల క్యాలెండర్లు అత్యంత ఆకర్షణీయంగా ముద్రించి అందుబాటులో ఉంచింది. ఇక 12 పేజీల క్యాలెండర్ రూ.130, డీలక్స్ డైరీ రూ.150, చిన్న డైరీ రూ.120, టేబుల్‌ టాప్‌ క్యాలెండర్ రూ.75, 6 పేజీల 3డి డిజిట‌ల్‌ క్యాలెండర్ రూ.450, శ్రీవారి పెద్ద క్యాలెండర్ రూ.20, శ్రీ పద్మావతి అమ్మవారి క్యాలెండర్ రూ.20, శ్రీవారు, శ్రీపద్మావతి అమ్మవారి క్యాలెండర్ రూ.15 ధర నిర్ణయించి టీటీడీ విక్రయిస్తోంది. తెలుగు పంచాంగం క్యాలెండర్ రూ.30 లకు అందుబాటులో ఉంచింది. ఇక టీటీడీ స్థానిక ఆల‌యాల క్యాలెండర్లు రూ.130లకు విక్రయిస్తోంది. తిరుమల, తిరుపతిలోని టిటిడి పరిపాలన భవనం ఎదురుగా సేల్స్ సెంటర్, శ్రీ గోవిందరాజ స్వామి వారి ఆలయం సమీపంలోని ధ్యానమందిరం, శ్రీనివాసం, విష్ణునివాసం ప్రాంతాల్లోనూ, తిరుచానూరులో ఉన్న టిటిడి పబ్లికేషన్ స్టాల్స్‌లలో డైరీ లు, క్యాలెండర్లు అందుబాటులో ఉన్నాయి. చెన్నైలోని శ్రీ వేంకటేశ్వర స్వామి, శ్రీ పద్మావతి అమ్మవారి ఆలయాలు, హైదరాబాద్, బెంగళూరు, విజయవాడ, వైజాగ్‌లోని శ్రీ‌వారి ఆల‌యాలు, ముంబ‌యి, న్యూఢిల్లీ, వేలూరు, కాంచీపురంలోని సమాచార కేంద్రాలు, నెల్లూరు, రాజమండ్రి, కాకినాడ, కర్నూలులోని టీటీడీ కల్యాణ మండపాల్లో కూడా క్యాలెండర్లు, డైరీలు విక్రయిస్తున్నారు. అదేవిధంగా ఒంటిమిట్టలోని శ్రీ కోదండరామ స్వామివారి ఆలయం, దేవుని కడపలోని శ్రీ లక్ష్మీ వేంకటేశ్వర స్వామివారి ఆలయాలతో పాటు టీటీడీ అనుబంధ ఆల‌యాల్లో భ‌క్తుల‌ కోసం డైరీలు, క్యాలెండర్లను టీటీడీ సిద్ధంగా ఉంచింది. డైరీలు, క్యాలెండర్లు టిటిడి వెబ్ సైట్ ద్వారా ఆన్ లైన్ లో భక్తులకు విక్రయిస్తోంది. భక్తులు డిడి తీసి పంపి కూడా టిటిడి క్యాలెండర్‌, డైరీలను పొందవచ్చు. ఇందుకోసం కార్యనిర్వహణాధికారి, టిటిడి, తిరుపతి పేరిట ఏదైనా జాతీయ బ్యాంకులో డిడి తీసి కవరింగ్‌ లెటర్‌తో కలిపి డిప్యూటీ ఈవో, పుస్తక ప్రచురణల విక్రయ విభాగం, ప్రెస్‌ కాంపౌండ్‌, KT రోడ్‌, తిరుపతి అనే చిరునామాకు పంపాల్సి ఉంటుంది. తపాలా శాఖ ద్వారా భక్తులకు టిటిడి క్యాలెండర్‌, డైరీలను పంపడం జరుగుతుంది. రవాణా ఛార్జీలను అదనంగా తపాలా శాఖకు చెల్లించాల్సి ఉంటుంది. ఇక క్యాలెండర్‌, డైరీలకు సంబంధించిన ఇతర సమాచారం కోసం 0877-2264209 నంబర్లలో సంప్రదించవచ్చని టీటీడీ విజ్ఞప్తి చేసింది.

మరిన్ని వీడియోల కోసం ఇక్కడ క్లిక్ చేయండి

Also Watch:

దూసుకెళ్తున్న ఎమ్మెల్యే కారు… ఆపిన పోలీసులు.. ఆ తర్వాత

విషాదం అంటే ఇదే… ఆ దాత నుంచి కిడ్నీ తీసుకున్న వారాలకే

‘దురంధర్‌’ పాటకు పాక్‌లో దుమ్మురేపేలా డాన్స్‌

తిరుమల శ్రీవారి భక్తులకు దక్షిణ మధ్య రైల్వే గుడ్‌ న్యూస్‌

గబ్బిలాలకు పూజలు చేసే గ్రామం.. ఎందుకో తెలుసా ??