టెక్నాలజీలో అమెరికాను దాటేసిన ఆసియా దేశం

సాంకేతిక రంగంలో ప్రపంచాన్ని శాసిస్తున్న దేశాల తాజా జాబితా విడుదలైంది. 2026 సంవత్సరానికి గానూ ప్రపంచంలో అత్యంత అధునాతన టెక్నాలజీ కలిగిన దేశాల ర్యాంకులను ‘వరల్డ్ అట్లాస్’ నివేదిక వెల్లడించింది. ఈ జాబితాలో ఆసియా దేశం దక్షిణ కొరియా అగ్రస్థానాన్ని కైవసం చేసుకోగా, టెక్ దిగ్గజం అమెరికా రెండో స్థానానికి పరిమితమైంది. డిజిటలైజేషన్, ఇంటర్నెట్ వేగం, పరిశోధన-అభివృద్ధి పెట్టుబడుల ఆధారంగా ఈ ర్యాంకులను ప్రకటించారు. నివేదిక ప్రకారం, దక్షిణ కొరియా తన జీడీపీలో దాదాపు 5 శాతం నిధులను పరిశోధన-అభివృద్ధి కోసం కేటాయిస్తోంది. సెమీకండక్టర్లు, 5జీ, ఎలక్ట్రానిక్స్‌లో తిరుగులేని ఆధిపత్యం చెలాయిస్తోంది. అమెరికా ఏఐ, సాఫ్ట్‌వేర్ రంగాల్లో దూసుకుపోతున్నా రెండో స్థానంతో సరిపెట్టుకుంది. అధునాతన చిప్‌ల తయారీ కేంద్రం తైవాన్ మూడో స్థానంలో నిలిచింది. ఈ జాబితాలో యూరప్ దేశాలు తమ ప్రత్యేకతను చాటుకున్నాయి. పునరుత్పాదక ఇంధనంలో డెన్మార్క్ 4వ ర్యాంక్, ఫార్మాస్యూటికల్స్‌లో స్విట్జర్లాండ్ 5వ ర్యాంక్‌తో ముందున్నాయి. ఇక స్టార్టప్‌లకు, సైబర్ సెక్యూరిటీకి పెట్టింది పేరైన ఇజ్రాయెల్ ఆరో స్థానంలో నిలిచింది. ఆ దేశం తన జీడీపీలో 6 శాతానికి పైగా నిధులను పరిశోధన-అభివృద్ధి కోసం ఖర్చు చేయడం విశేషం. ఆ తరువాతి స్థానాల్లో ఫిన్లాండ్ , నెదర్లాండ్స్ , స్వీడన్ , నార్వే నిలిచాయి. టెలికాం, గేమింగ్, క్లీన్ ఎనర్జీ వంటి రంగాల్లో ఈ దేశాలు ముందున్నాయి. కేవలం ఆర్థిక పరిమాణం మాత్రమే కాకుండా, టెక్నాలజీని రోజువారీ జీవితంలో ఎంతగా భాగం చేశారనే అంశం ఈ ర్యాంకుల్లో కీలక పాత్ర పోషించింది.

మరిన్ని వీడియోల కోసం ఇక్కడ క్లిక్ చేయండి

Also Watch:

సాయంత్రం 5 తర్వాతే అసలు జీవితం.. భారతీయుడి వీడియో వైరల్

ఏఐ హెడ్‌గేర్‌తో గంటకు రూ.350 కూరగాయలు అమ్మే కుర్రాడి అదనపు సంపాదన

‘స్టార్ హీరో అనే అపోహే లేవకుండా కిందపడేసింది!

నాగార్జున.. నా ముఖం మీద సిగరెట్ పొగ ఊది.. ఐలవ్యూ చెప్పాడు..