CM Chandrababu: ఆంధ్రప్రదేశ్ లో 13 ఏళ్లలోపు వారికి సోషల్ మీడియా బ్యాన్
ఆంధ్రప్రదేశ్ ముఖ్యమంత్రి చంద్రబాబు నాయుడు 13 ఏళ్లలోపు పిల్లలకు సోషల్ మీడియా వాడకాన్ని నిషేధించనున్నట్లు ప్రకటించారు. 90 రోజుల్లో విధివిధానాలు ఖరారు చేస్తామని తెలిపారు. పిల్లలను సైబర్ బెదిరింపులు, హానికరమైన కంటెంట్, డిజిటల్ వ్యసనం నుండి రక్షించడమే లక్ష్యం. కర్ణాటక కూడా 16 ఏళ్లలోపు వారికి ఇదే విధమైన చర్య తీసుకుంది.
పిల్లలను సామాజిక మాధ్యమాల ప్రతికూల ప్రభావాల నుండి రక్షించేందుకు ప్రభుత్వాలు కీలక చర్యలు తీసుకుంటున్నాయి. ఆంధ్రప్రదేశ్ ముఖ్యమంత్రి నారా చంద్రబాబు నాయుడు 13 ఏళ్లలోపు పిల్లలకు సోషల్ మీడియా వాడకాన్ని నిషేధించనున్నట్లు అసెంబ్లీలో ప్రకటించారు. ఈ విధానానికి సంబంధించిన విధివిధానాలను 90 రోజుల్లో ఖరారు చేయనున్నట్లు తెలిపారు. అదే రోజు కర్ణాటక ప్రభుత్వం కూడా 16 ఏళ్లలోపు పిల్లలకు సోషల్ మీడియా వాడకాన్ని నిషేధించింది. ఈ నిర్ణయాలు పిల్లలను సైబర్ బెదిరింపులు, అశ్లీలత, హానికరమైన కంటెంట్ మరియు అధిక స్క్రీన్ టైమ్ వంటి దుష్ప్రభావాల నుండి కాపాడేందుకు ఉద్దేశించినవి. 13 నుండి 16 సంవత్సరాల వయస్సు పిల్లలకు నిషేధం లేదా పరిమిత ఆంక్షలు విధించాలా అనే అంశంపై ప్రభుత్వం చర్చలు జరుపుతోంది. ప్రపంచవ్యాప్తంగా పలు దేశాలు ఇప్పటికే ఇలాంటి చర్యలు తీసుకుంటున్న నేపథ్యంలో, ఏపీ ప్రభుత్వం కూడా చిన్నారుల ఆన్లైన్ భద్రతకు కట్టుబడి ఉందని సీఎం చంద్రబాబు స్పష్టం చేశారు.
మరిన్ని వీడియోల కోసం ఇక్కడ క్లిక్ చేయండి
Also Watch:
స్కూటీని కారుతో ఢీకొట్టి పరారైన నీలోఫర్ లేడీ డాక్టర్
పెట్రోల్ బంకుల్లో క్యూలైన్లు.. ఇంధన కొరతా ??
Telangana: తెలంగాణ పదో తరగతి హాల్ టికెట్లు విడుదల.. డౌన్లోడ్ చేసుకోండి ఇలా
Sonu Sood: దుబాయ్లో చిక్కుకున్న ప్రయాణికులకు సోనూ సూద్ అభయం