Pushpa 2: ఇండియన్‌ సినిమా చరిత్రలోనే.. నయా రికార్డ్‌ !!
ఇప్పటి వరకు ఏ భారతీయ సినిమాకు ఈ ఘనత దక్కలేదు. ఇండియాన్‌ సినిమా చరిత్రలోనే ఈ స్థాయిలో రిలీజ్‌ కాలేదు. సుకుమార్‌ దర్శకత్వంలో ఐకాన్‌స్టార్‌ అల్లు అర్జున్‌ హీరోగా తెరకెక్కుతున్న చిత్రం పుష్ప: ది రూల్‌ చిత్రం డిసెంబర్‌ 5న ప్రపంచవ్యాప్తంగా విడుదల కానుంది. విడుదల రోజే ఈ సినిమా రికార్డులు సృష్టించనుంది.
ఈ చిత్రాన్ని ప్రపంచవ్యాప్తంగా 11,500 స్క్రీన్స్ లో విడుదల చేయనున్నారు. తాజాగా ఈ విషయాన్ని మేకర్స్‌ వెల్లడించారు. ప్రపంచవ్యాప్తంగా ఆరు భాషల్లో 11,500 స్క్రీన్స్ లో పుష్ప: ది రూల్‌ చిత్రాన్ని గ్రాండ్‌గా రిలీజ్‌ చేసేందుకు భారీగా ప్లాన్‌ చేస్తున్నారు. ఇండియాలో 6,500.. ఓవర్సీస్‌లో 5000 స్క్రీన్స్ లో ఈ చిత్రాన్ని ప్రేక్షకుల ముందుకు తీసుకురానున్నారు. ఇప్పటివరకు ఏ ఇండియన్‌ సినిమా ఈ స్థాయిలో విడుదల కాలేదని ట్రేడ్‌ వర్గాలు చెబుతున్నాయి. బిగ్గెస్ట్‌ రిలీజ్‌ ఇండియన్‌ సినిమాగా పుష్ప2 రికార్డు సృష్టించనుండడం ఖాయమేనని అంటున్నారు. ఈ సినిమా కలెక్షన్లలోనూ సరికొత్త రికార్డులు తన ఖాతాలో వేసుకుంటుందని ట్రేడ్‌ పండితులు అంచనా వేస్తున్నారు. దీంతో అల్లు అర్జున్‌ ఫ్యాన్స్‌ ఆనందంలో మునిగి తేలుతున్నారు. అల్లు అర్జున్‌ సరసన రష్మిక మందన్నా నటిస్తున్న ఈ చిత్రంలో ఫహద్‌ ఫాజిల్‌, సునీల్‌, అనసూయ కీలక పాత్రల్లో కనిపించనున్నారు. మైత్రీ మూవీ మేకర్స్‌ పతాకంపై ఈ సినిమాను నవీన్‌ ఎర్నేని, రవి శంకర్‌ ఈ చిత్రాన్ని నిర్మిస్తున్నారు.
మరిన్ని వైరల్ వీడియోల కోసం ఇక్కడ క్లిక్ చేయండి
Also Watch:
రాత్రి భోజనం మానేస్తున్నారా ?? నిజంగా ధైర్యం ఉంటే ఆ పని చేయండి
Mayonnaise: అమ్మో మయోనైజ్‌.. తింటే అంత డేంజరా ??
Gold Price: బంగారం బరువాయెనా ?? రోజురోజుకు పెరుగుతున్న పసిడి ధరలు