జాలర్ల వలలో అరుదైన 300 కేజీల చేప..
అంబేడ్కర్ కోనసీమ జిల్లా అంతర్వేది సముద్రంలో మత్స్యకారుల వలకు 300 కిలోల అరుదైన టేకు చేప చిక్కింది. ఇది లోతైన సముద్రంలో మాత్రమే కనిపించే చేప, ఇంత భారీ పరిమాణంలో దొరకడం అరుదు. ఔషధాలు, అలంకరణ వస్తువుల తయారీలో ఉపయోగించే ఈ చేపను స్థానికులు ఆసక్తిగా తిలకించారు. వేలంలో దీనిని రూ.20,000కి కొనుగోలు చేశారు.
అంబేడ్కర్ కోనసీమ జిల్లా, సఖినేటిపల్లి మండలం అంతర్వేది సముద్రంలో మత్స్యకారుల వలకు అరుదైన భారీ టేకు చేప చిక్కింది. సుమారు 300 కిలోల బరువు ఉన్న ఈ బాహుబలి చేపను ఒడ్డుకు తీసుకురావడానికి మత్స్యకారులు తీవ్రంగా శ్రమించాల్సి వచ్చింది. అనంతరం దానిని అంతర్వేది ఫిషింగ్ హార్బర్కు తరలించారు. ఈ అతిపెద్ద చేప వార్త క్షణాల్లో వ్యాపించడంతో చుట్టుపక్కల గ్రామాల ప్రజలు హార్బర్కు చేరుకుని ఆశ్చర్యంగా తిలకించారు. సాధారణంగా టేకు చేపలు లోతైన సముద్ర ప్రాంతాల్లో మాత్రమే కనిపిస్తాయని, ఇంత భారీ పరిమాణంలో చిక్కడం అరుదైన విషయమని స్థానిక మత్స్యకారులు తెలిపారు. ఈ చేపను ఔషధాల తయారీలో వినియోగిస్తారని, అలాగే దాని శంకులను ఉపయోగించి అలంకరణ వస్తువులు తయారు చేస్తారని వారు పేర్కొన్నారు. చేపను దగ్గరగా చూడటానికి వచ్చిన వారు సెల్ఫీలు, వీడియోలు తీసుకుంటూ సందడి చేశారు. వేలంలో ఈ భారీ టేకు చేపను నర్సాపురానికి చెందిన వ్యాపారి రూ.20,000కి కొనుగోలు చేశారు.
మరిన్ని వీడియోల కోసం ఇక్కడ క్లిక్ చేయండి
Also Watch:
చలో టాలీవుడ్ అంటున్న తమిళ్ డైరెక్టర్స్.. హిట్ కావాలంటే తప్పదు బాస్
ఐదు వేల కోట్ల టార్గెట్.. డార్లింగ్ ఎలా కలెక్ట్ చేస్తారు..?
Sreeleela: స్టెప్పులేయడానికి శ్రీలీల సిద్ధమైతే.. సాయిపల్లవి సైడిచ్చినట్టేనా ??