సొంతిల్లు లేనివారికి గుడ్ న్యూస్.. రూ.15 లక్షలకే లగ్జరీ ఇల్లు!
Updated on: Sep 21, 2026 | 8:20 PM
ఆంధ్రప్రదేశ్ పట్టణ ప్రాంతాల్లో పేదలకు టిడ్కో ఇళ్లను కొత్త తరహాలో నిర్మించే ప్రతిపాదనలు తెరపైకి వచ్చాయి. స్థల కొరతను అధిగమించేందుకు G+8 నుంచి G+14 వరకు హైరైజ్ టవర్లను నిర్మించే నమూనాను పరిశీలిస్తున్నారు. 430 చదరపు అడుగుల ఫ్లాట్లు, లిఫ్టులు, పార్కింగ్, నీరు, డ్రైనేజీ వంటి సదుపాయాలను కల్పించేలా ప్రణాళిక ఉంది. అయితే ఫ్లాట్ ధరలు, లబ్ధిదారుల వాటా, అర్హతలు ఇంకా తుది మార్గదర్శకాల కోసం వేచి చూడాల్సి ఉంది.
ఆంధ్రప్రదేశ్ పట్టణ ప్రాంతాల్లో ఇళ్లు లేని పేదలకు ముఖ్యంగా సొంతిల్లు కలగనే మధ్యతరగతి,నిరుపేద కుటుంబాలకు ఏపీ ప్రభుత్వం ఒక బిగ్ అప్డేట్ ఇచ్చింది. గతంలో మాదిరిగా కాకుండా, ఇప్పుడు ఏకంగా 8 నుంచి 14 అంతస్తుల భారీ టవర్లలో లగ్జరీ ఫ్లాట్లు నిర్మించేందుకు రంగం సిద్ధమైంది. అదీ కూడా పట్టణాలకు ఎక్కడో దూరంగా కాకుండా, సిటీ మధ్యలోనే, అందుబాటులో ఉన్న స్థలంలో ఈ అద్భుతమైన ప్రాజెక్ట్ను ప్లాన్ చేస్తున్నారు. అంతేకాదు, అంతస్తులు పెరిగే కొద్దీ ఫ్లాట్ ధర తగ్గుతుందని అధికారులు చెబుతున్నారు. మరి.. ఈ కొత్త టిడ్కో ఇళ్ల ప్రత్యేకతలేంటి? ఒక్కో ఫ్లాట్ ధర ఎంత ఉంటుంది? కేంద్ర, రాష్ట్ర ప్రభుత్వాలు ఇచ్చే సబ్సిడీ పోను లబ్ధిదారులు ఎంత చెల్లించాలి? గ్రౌండ్ ఫ్లోర్లోనే బ్యాంకులు, అంగన్వాడీలు ఉంటాయా? ఈ పూర్తి వివరాలన్నీ క్షుణ్ణంగా తెలుసుకుందాం. మన రాష్ట్రంలో పట్టణ ప్రాంతాల్లో స్థలాల కొరత చాలా ఎక్కువగా ఉంది. అందరికీ ఇళ్లు కట్టించాలంటే చాలా స్థలం కావాలి. అందుకే ఏపీ ప్రభుత్వం ఒక కొత్త ఆలోచన ముందుకు తెచ్చింది. తక్కువ స్థలంలో ఎక్కువ మందికి ఇళ్లు అందించాలనే ఉద్దేశంతో… బహుళ అంతస్తుల టవర్ల నిర్మాణానికి ప్లాన్ చేస్తున్నారు. ఇప్పటివరకు మన దగ్గర ఎక్కువగా G+3 మోడల్లోనే ఇళ్లు కట్టారు. కానీ ఇప్పుడు దీన్ని మార్చి G+8, G+10, G+12, G+14 అంతస్తుల ఎత్తులో టవర్లు నిర్మించాలని నిర్ణయించారు. అంటే ఏకంగా 14 అంతస్తుల వరకు భవనాలు వస్తాయి అన్నమాట. దీనివల్ల చాలా తక్కువ స్థలంలో వందలాది కుటుంబాలకు ఆశ్రయం కల్పించవచ్చు. ఈ టవర్లన్నింటిలోనూ ఆధునిక లిఫ్ట్ సౌకర్యం కూడా కల్పిస్తారు. ఈ ప్రాజెక్ట్ ఎలా ఉండబోతుందో స్టడీ చేయడానికి ఏపీ అధికారులు స్వయంగా తెలంగాణ, కర్ణాటక, తమిళనాడు, ఒడిశా, మహారాష్ట్ర వంటి పలు రాష్ట్రాల్లో పర్యటించారు. అక్కడ సక్సెస్ అయిన మోడళ్లను పరిశీలించి, సీఎం చంద్రబాబు నాయుడుకు నివేదిక సమర్పించారు. సీఎం కూడా ఈ ప్రాజెక్ట్కు సూత్రప్రాయంగా గ్రీన్ సిగ్నల్ ఇచ్చినట్లు సమాచారం. ఇక ఈ ఇళ్ల పరిమాణం, ధరల విషయానికి వస్తే… గతంలో కొన్ని చోట్ల 300, 365 చదరపు అడుగుల ఇళ్లు కూడా కట్టారు. కానీ, కేంద్ర ప్రభుత్వ నిబంధనల ప్రకారం ఇప్పుడు కొత్తగా నిర్మించబోయే ప్రతి టిడ్కో ఫ్లాట్ కూడా కనీసం 430 చదరపు అడుగుల విశాలమైన విస్తీర్ణంతో ఉండనుంది. ఇక్కడో ఇంట్రెస్టింగ్ పాయింట్ ఏంటంటే… అంతస్తులు పెరిగే కొద్దీ ఒక్కో చదరపు అడుగుపై నిర్మాణ వ్యయం తగ్గుతుందని ఇంజనీర్లు చెబుతున్నారు. దాని ఆధారంగా అంచనా వేసిన ధరలు ఇప్పుడు సోషల్ మీడియాలో వైరల్ అవుతున్నాయి. అవేంటో ఒకసారి చూద్దాం. G+8 ఫ్లోర్లు అయితే ఒక్కో ఫ్లాట్ ధర సుమారు రూ. 17.51 లక్షలు ఉంటుంది. G+10 ఫ్లోర్లు అయితే ఒక్కో ఫ్లాట్ ధర సుమారు రూ. 16.52 లక్షలకు తగ్గుతుంది. G+12 ఫ్లోర్లు అయితే ఒక్కో ఫ్లాట్ ధర సుమారు రూ. 16.14 లక్షలు ఉంటుంది. G+14 ఫ్లోర్లు అయితే ఒక్కో ఫ్లాట్ ధర అత్యంత తక్కువగా సుమారు రూ. 15.70 లక్షలుగా నిర్ణయించారు. అంటే మీరు గమనించారా? టవర్ ఎత్తు పెరిగే కొద్దీ ఫ్లాట్ ధర తగ్గుతూ వస్తోంది. ఇందులో కేంద్ర, రాష్ట్ర ప్రభుత్వాలు అందించే సబ్సిడీ వాటా సుమారు రూ. 3 లక్షలు పోను, మిగిలిన మొత్తాన్ని మాత్రమే లబ్ధిదారులు చెల్లించాల్సి ఉంటుంది. గతంలో 2017లో G+3 ఇళ్లు కట్టినప్పుడు వ్యయం తక్కువగా ఉన్నప్పటికీ, లబ్ధిదారుల వాటా సుమారు రూ. 2.65 లక్షల నుంచి రూ. 4.65 లక్షల వరకు ఉండేది. ఇప్పుడు పెరిగిన నిర్మాణ వ్యయాలకు తగినట్లుగా ప్రభుత్వం ఈ ధరలను అంచనా వేసింది. ఇక ఈ కొత్త టిడ్కో టవర్ల డిజైన్ చూస్తే మీరు వావ్ అనాల్సిందే. సాధారణంగా ఇళ్ల నిర్మాణం అనగానే సిటీకి చాలా దూరంలో, కరెంట్, రోడ్లు లేని చోట ఇస్తుంటారనే అభద్రతా భావం ప్రజల్లో ఉంటుంది. కానీ ఈసారి ప్రభుత్వం ఆ తప్పు చేయడం లేదు. పట్టణాల మధ్యలోనే, ఎక్కడైతే ప్రభుత్వ స్థలాలు అందుబాటులో ఉన్నాయో అక్కడే వీటిని ప్లాన్ చేస్తున్నారు. అంతేకాదు, ఈ టవర్ల గ్రౌండ్ ఫ్లోర్ను అద్భుతంగా డిజైన్ చేస్తున్నారు. గ్రౌండ్ ఫ్లోర్లో వాణిజ్య సముదాయాలు, చిన్న చిన్న షాపులు, బ్యాంకులు ఏర్పాటు చేసుకునేలా స్థలం కేటాయిస్తారు. చిన్న పిల్లల కోసం టవర్ కిందనే అంగన్వాడీ స్కూల్స్ ఉంటాయి. కార్లు, బైక్లు పెట్టుకోవడానికి ప్రత్యేకంగా అండర్గ్రౌండ్ లేదా గ్రౌండ్ లెవెల్ పార్కింగ్ స్పేస్ ఉంటుంది. విశాలమైన రోడ్లు, అండర్గ్రౌండ్ డ్రైనేజీ సిస్టమ్, తాగునీటి సరఫరా, నిరంతర విద్యుత్ సౌకర్యం ఇస్తారు. దీనివల్ల నివాసితులు చిన్న చిన్న అవసరాల కోసం కూడా కిలోమీటర్ల దూరం వెళ్లాల్సిన పనిలేదు. అపార్ట్మెంట్ కల్చర్తో పాటు అన్ని సదుపాయాలు ఒకే చోట లభిస్తాయి. మరి ఈ ఇళ్లు ఎవరికి వస్తాయి? అర్హతలు ఏంటి? అనే డౌట్ మీకు రావొచ్చు. ప్రస్తుతం ఏపీ ప్రభుత్వం పట్టణ ప్రాంతాల్లో ఇళ్ల అవసరాలపై ముమ్మరంగా సర్వే నిర్వహిస్తోంది. లబ్ధిదారుల సంఖ్య, ఆయా ప్రాంతాల్లో అందుబాటులో ఉన్న ప్రభుత్వ స్థలం, నిర్మాణ వ్యయం వంటి అంశాలను బట్టి ఏ ప్రాంతంలో ఎన్ని టవర్లు కట్టాలనే దానిపై పూర్తి స్పష్టత వస్తుంది. ప్రస్తుతం ఇవన్నీ ప్రాథమిక ప్రతిపాదనలు, అంచనాలు మాత్రమే. ప్రభుత్వం తరఫు నుంచి అధికారిక మార్గదర్శకాలు, జీవో వెలువడిన తర్వాత తుది విధివిధానాలు, దరఖాస్తు ప్రక్రియ అధికారికంగా ప్రకటిస్తారు. మొత్తానికి ఏపీ ప్రభుత్వం పట్టణ పేదల సొంతింటి కలను నిజం చేయడానికి ఒక పకడ్బందీ మాస్టర్ ప్లాన్తో ముందుకు వస్తోంది. తక్కువ ధరలో, అది కూడా అధునాతన సదుపాయాలతో కూడిన 14 అంతస్తుల టవర్లలో ఇళ్లు రావడం అంటే నిజంగా పేదవాడికి తీపికబురే అని చెప్పాలి.
మరిన్ని వీడియోల కోసం ఇక్కడ క్లిక్ చేయండి
Also Watch:
కొత్త ఫోన్..కొత్త EMI..పాత బిల్లులే! ఐఫోన్ లవర్స్కు సోనూ సూద్ కౌంటర్
Dengue Vaccine: త్వరలో మార్కెట్ లోకి డెంగ్యూ నివారణకు వ్యాక్సిన్!
నేను స్వతంత్రుడిని.. ఎవరికీ సమాధానం చెప్పను.. ఓపెన్ ఏఐ తిరుగుబాటు
ఆహా.. భర్త అంటే నీలా ఉండాలి బాస్.. హ్యాట్సాఫ్!
ఏంట్రా ఇది.. అదేమైనా బస్సా.. విమానంలో షర్ట్స్ చిరిగేలా కొట్టుకున్న ప్రయాణికులు..
Related Video
ఆహా.. భర్త అంటే నీలా ఉండాలి బాస్.. హ్యాట్సాఫ్!
విమానంలో షర్ట్స్ చిరిగేలా కొట్టుకున్న ప్రయాణికులు..
రోబోల చేతికి కత్తెర? బార్బర్ ఉద్యోగాలూ గో..వింద!
చంద్రుడిపై అతి పెద్ద బిలం.. ఏకంగా 728 అడుగుల వెడల్పుతో..
బియ్యంలో తేలే గింజలు.. అసలు నిజమేంటి?
నడిరోడ్డుపై కరెన్సీ నోట్ల కుప్ప.. అసలేం జరిగింది?
పులసలకు మించి క్రేజ్.. ఈ రొయ్యల సొంతం!
