Wedding: అమ్మాయి పెళ్లికి హాజరైన ఐదుగురు మాజీ లవర్లు.. వధువు చేసిన పనికి అంతా షాక్.. చివరకు..
వివాహం సమయంలో మాజీ ప్రియుడు (మాజీ బాయ్‌ఫ్రెండ్) వస్తే ఎలా ఉంటుందో ఎప్పుడైనా ఊహించుకున్నారా..? గుండెలో ఝల్లు మనిపిస్తుంది.. ఎందుకంటే.. మాజీ లవర్ వివాహంలో
పెళ్లి అనేది పవిత్రమైన బంధం. ఇద్దరు వ్యక్తులు చనిపోయే వరకు జీవితాంతం కలిసిమెలసి ఉంటామంటూ ప్రమాణం చేస్తారు. అయితే.. వివాహం సమయంలో మాజీ ప్రియుడు (మాజీ బాయ్‌ఫ్రెండ్) వస్తే ఎలా ఉంటుందో ఎప్పుడైనా ఊహించుకున్నారా..? గుండెలో ఝల్లు మనిపిస్తుంది.. ఎందుకంటే.. మాజీ లవర్ వివాహంలో ప్రత్యేక్షమైతే ఆ సందర్భం ఎలా ఉంటుందో వర్ణించలేనిది. అచ్చం అలాంటి ఘటనే చైనాలో జరిగింది. అయితే ఇక్కడో ట్విస్ట్ ఉంది. ఒక వధువు తన పెళ్లికి తన మాజీ బాయ్ఫ్రెండ్స్ అందరినీ ఆహ్వానించింది. ఒక్కరో ఇద్దరో అనుకుంటున్నారా..? అలా అయితే పప్పులో కాలేసినట్లే.. మొత్తం ఐదుగురు మాజీ లవర్లను పెళ్లికి పిలిచింది. ఈ వేడుకలో వారికి ప్రత్యేక ట్రీట్‌ ఇవ్వడంతో పాటు ఆహారం కోసం ప్రత్యేక టేబుల్ కూడా ఏర్పాటు చేయించింది. ప్రస్తుతం దీనికి సంబంధించిన ఫోటోలు సోషల్ మీడియాలో వైరల్ అవుతున్నాయి. దీనిపై నెటిజన్లు అమ్మాయిలు ఇలా కూడా ఉంటారా..? అంటూ వ్యాఖ్యానిస్తున్నారు.
సౌత్ చైనా మార్నింగ్ పోస్ట్ వార్తల ప్రకారం.. ఈ వివాహం జనవరి 8న హుబే ప్రావిన్స్‌లో జరిగింది. దీని ఫోటోలు చైనా సోషల్ మీడియా ప్లాట్‌ఫామ్ లో షేర్ అయ్యాయి. ఈ ఫోటోలలో ఐదుగురు అబ్బాయిలు డైనింగ్ టేబుల్ వద్ద కూర్చున్నారు. వీరంతా పెళ్లికి ప్రత్యేకంగా ఆహ్వానించిన వారని.. వధువు మాజీ బాయ్ఫ్రెండ్స్ అని ప్రచారం జరుగుతోంది. ఈ సమయంలో మాజీ లవర్లు అంతా భావోద్వేగానికి గురైనట్లు పేర్కొంటున్నారు.
టేబుల్ మీద వారందరి ముందు నేమ్ ప్లేట్ కూడా ఉంది. దానిపై ‘మాజీ బాయ్ఫ్రెండ్స్’ అని కూడా రాసి ఉంది. అయితే, మాజీలంతా అలా ఎలా కూర్చున్నారు అంటూ.. వివాహ వేడుకకు వచ్చిన వారంతా తెగ చూశారని పేర్కొంటున్నారు. వారితోపాటు ఇద్దరు మహిళలు కూడా టేబుల్ వద్ద కూర్చున్నారు.
Viral News
వైరల్ ఫోటోలను చూసిన నెటిజన్లు షాకవుతున్నారు. మాజీ బాయ్‌ఫ్రెండ్‌లను వివాహానికి ఆహ్వానించడానికి చాలా ధైర్యం కావాలంటూ వ్యాఖ్యానిస్తున్నారు. ఇలాంటి ఘటనలు దాంపత్య జీవితాన్ని పాడు చేసే అవకాశం కూడా ఉందంటూ పేర్కొంటున్నారు. ఇలా వారిని ఆహ్వానికి వధువు ఏమి నిరూపించాలనుకుంటుంది.. వరుడు ఏం అనుకుంటాడు..? అంటూ ఓ నెటిజన్ల ప్రశ్నించాడు.
పెళ్లిలో మాజీ బాయ్‌ఫ్రెండ్‌లను పిలవడం ఇదే మొదటిసారి కాదు. అంతకుముందు జూన్ 2022లో, ‘X బాయ్ఫ్రెండ్స్’ టేబుల్‌పై 9 మంది పురుషులు కూర్చున్న వీడియో కూడా ఒకటి సోషల్ మీడియాలో కనిపించింది. గ్వాంగ్‌డాంగ్ ప్రావిన్స్‌లో ఈ ఉదంతం వెలుగులోకి వచ్చింది.
మరిన్ని ట్రెండింగ్ వార్తల కోసం..