పెళ్లిలో వింత రూల్.. డబ్బులు ఇస్తేనే భోజనం కూపన్.. వెడ్డింగ్ హాల్లోనే ఏటీఎంలు!
సోషల్ మీడియాలో ఒక వీడియో వేగంగా వైరల్ అవుతూ, భారతీయ సోషల్ మీడియా వినియోగదారులను ఆశ్చర్యానికి గురిచేస్తోంది. భారతదేశంలో పెళ్లిళ్లలో కట్న,కానుకలు ఇవ్వడం అనేది సాధారణంగా అతిథుల ఇష్టం మీద ఆధారపడి ఉంటుంది. కానీ, ఇక్కడ వైరల్ అవుతున్న వీడియోలో మాత్రం పెళ్లిళ్లలో పూర్తిగా భిన్నమైన, ఆశ్చర్యకరమైన సంప్రదాయం కనిపిస్తుంది. అక్కడ డబ్బు ఇవ్వడం అనేది ఐచ్ఛికం కాదు, అతిథులకు అది తప్పనిసరి. ఈ వైరల్ వీడియో, కొరియా పెళ్లిళ్లలోని ఈ ప్రత్యేకమైన, విచిత్రమైన నగదు సంస్కృతిని ప్రపంచ దృష్టికి తీసుకువచ్చింది. అదేంటో పూర్తి వివరాల్లోకి వెళితే..
ప్రపంచవ్యాప్తంగా వివిధ దేశాల్లో పెళ్లిళ్లకు సంబంధించి ఎన్నో విభిన్నమైన సాంప్రదాయాలు ఉంటాయి. మన దేశంలో పెళ్లికి వెళ్లినప్పుడు మన వీలును బట్టి, ఇష్టపూర్వకంగా గిఫ్ట్లు లేదా నగదు చదివింపులు ఇస్తుంటాం. కానీ, దక్షిణ కొరియాలో మాత్రం పెళ్లి బహుమతుల విషయంలో అత్యంత కఠినమైన, ఆశ్చర్యకరమైన నిబంధనలు అమల్లో ఉన్నాయి. ఇటీవల ఇన్స్టాగ్రామ్లో వైరల్ అయిన ఒక వీడియో కొరియన్ వివాహ సంస్కృతిలోని ఈ వింత పద్ధతులను బయటపెట్టింది. కొరియా పెళ్లిళ్లలో నగదు బహుమతి ఇవ్వడం ఎంత వ్యాపార ధోరణితో కూడుకుని ఉంటుందో ఇక్కడ చూద్దాం.
సంబంధాన్ని బట్టి రేటు ఫిక్స్!:
కొరియాలో పెళ్లికి వెళ్లే అతిథి ఎంత నగదు ఇవ్వాలనేది వధూవరులతో వారికి ఉన్న సంబంధంపై ఆధారపడి ఉంటుంది.
సాధారణ పరిచయం/సహోద్యోగులు: కేవలం తెలిసి ఉండి, పెళ్లికి హాజరు కాకపోతే 50,000 KRW (కొరియన్ వోన్ – సుమారు రూ. 3,000) ఆన్లైన్లో పంపాలి.
పెళ్లికి హాజరైతే: ఒకవేళ నేరుగా పెళ్లికి వెళ్లి భోజనం చేయాలనుకుంటే కనీసం 100,000 KRW (సుమారు రూ. 6,000) ఇవ్వడం సామాజిక నియమం. ఎందుకంటే కొరియాలో ఒక్కొక్కరి పెళ్లి భోజనం ఖర్చు చాలా ఎక్కువగా ఉంటుంది.
సన్నిహిత మిత్రులు/బంధువులు: బాగా దగ్గరి వారైతే 200,000 KRW నుండి 500,000 KRW వరకు సమర్పించుకోవాలి.
హాల్ లోపలే ఏటీఎం మెషీన్లు!:
పెళ్లికి వచ్చే వారు ఒకవేళ డబ్బులు తేవడం మర్చిపోతే ఇబ్బంది పడకుండా ఉండేందుకు కొరియాలోని ప్రతి వెడ్డింగ్ హాల్ రిసెప్షన్ కౌంటర్ పక్కనే ఖచ్చితంగా ఏటీఎం మెషీన్లను ఏర్పాటు చేస్తారు. అతిథులు అక్కడికక్కడే డబ్బులు డ్రా చేసి, అక్కడే అందుబాటులో ఉండే తెల్లటి కవర్లలో పెట్టి, తమ పేరు రాసి కౌంటర్లో ఇవ్వాలి.
నగదు కవరు సమర్పించడం: వెడ్డింగ్ హాల్ ఎంట్రీ. పెళ్లి హాల్ లోపలికి వెళ్లగానే వరుడి తరఫున, వధువు తరఫున విడివిడిగా కౌంటర్లు ఉంటాయి. అతిథులు తమ నగదు కవరును అక్కడ ఉన్న సిబ్బందికి అందజేయాలి.
డబ్బులు లెక్కించడం: కౌంటర్ వెరిఫికేషన్. మనం ఇచ్చిన కవరును వారు వెంటనే తెరిచి, అందులో ఎంత నగదు ఉందో అక్కడే లెక్కించి ఒక పుస్తకంలో నమోదు చేసుకుంటారు.
భోజనం కూపన్ జారీ: ఫైనల్ స్టేజ్. మనం ఇచ్చిన నగదు వారు నిర్దేశించిన కనీస మొత్తం (కనీసం 1 లక్ష వోన్) ఉంటేనే, మనకు పెళ్లి విందు తినడానికి అర్హతనిచ్చే భోజనం కూపన్ ఇస్తారు. లేదంటే పెళ్లి చూసి భోజనం చేయకుండానే వచ్చేయాల్సి ఉంటుంది.
వీడియో ఇక్కడ చూడండి..
విచిత్రమైన సంస్కృతి: కొరియన్లు దీనిని ఒక వింత ఆచారంగా కాకుండా, పెళ్లి చేసుకునే జంటపై ఆర్థిక భారం పడకుండా అతిథులే భోజన ఖర్చులు పంచుకునే ఒక బాధ్యతగా భావిస్తారు.
సోషల్ మీడియాలో 2.5 మిలియన్లకు పైగా వ్యూస్ సాధించిన ఈ వీడియో, మన దేశంలోని సాంప్రదాయ పెళ్లిళ్లకు, కొరియాలోని ఈ కమర్షియల్ పెళ్లిళ్లకు ఉన్న వ్యత్యాసాన్ని చూపిస్తూ నెటిజన్లను విపరీతంగా ట్రోల్స్ చేస్తున్నారు.