ఒక్కసారిగా సమోసాను తినేస్తే రూ. 51,000 మీ సొంతం.. కానీ చిన్న ట్విస్ట్ ఉందండి.. మీరు ట్రై చేస్తారా ?

Gigantic Samosa

సమోసా! ఈ పేరు చెబితే చాలు… చాలా మందికి నోట్లో నీళ్లు ఊరడం ఖాయం..ఇక కళ్ల ముందు కనిపిస్తే.. ఒక్క క్షణం కూడా లేట్‌ చేయకుండా తినేస్తారు.. వేడి సమోసా తింటుంటే..ఆ టేస్టే వేరు గురూ..! ఒక్కసారిగా మినీ సమోసా అయితే గుట్టుక్కున నమిలి మింగేస్తాం..అలాంటివి మామూలు సమోసా అయితే ఏడెనిమిది దాకా లాగించేస్తారు… అయితే, ఇదిగో ఈ బడా సమోసాని చూడండి..ఎంత పెద్దదిగా ఉందో.. మీరు ఏ చివర, ఎక్కడ నుండి తింటారు? ఇంతపెద్ద సమోసాని ఒక్కరే తినడం కూడా అసాధ్యం. అయితే దీన్ని తయారు చేసిన మీరట్ స్వీట్ షాప్ మాత్రం ఒక్కరే ఈ బిగ్‌సమోసాని తినాలని షరతు విధించింది. దానికి సంబంధించిన వార్తను వ్యాపారవేత్త హర్ష గోయెంకా ట్వీట్ చేయడంతో ఇప్పుడీ సమోసా కాంపీటెషన్‌ వైరల్ అవుతోంది.

8 కేజీల బరువున్న ఈ సమోసాను ఒక్కరే తినలేం కదా? ఈ సమోసా మీరట్‌లోని కౌశల్ స్వీట్స్ అనే దుకాణంలో తయారు చేయబడింది. దీన్ని మొదట ఫుడ్ బ్లాగర్ చాహత్ ఆనంద్ ఇన్‌స్టాగ్రామ్‌లో షేర్ చేశారు. అంతేకాదు ఈ సమోసాకు సంబంధించిన వీడియో చూసిన వారి సంఖ్య సోషల్ మీడియాలో 5 లక్షలు దాటింది.

సమోసాలు తింటే ఆరోగ్యం కచ్చితంగా మెరుగవుతుందంటున్నారు కొందరు నెటిజన్లు. మీ జీవితంలో ఒక్కసారైన సమోసాలు తిన్నారా..? అంటూ మరికొందరు ప్రశ్నిస్తున్నారు. అయితే కౌశల్ స్వీట్స్ షో కోసం ఈ సమోసాను తయారు చేయలేదు. ఈ సమోసాను 30 నిమిషాల వ్యవధిలో ఒకరే తింటే రూ. 51,000 నగదు బహుమతిని ప్రకటించారు. అయితే, ఇలాంటి సమోసా తిన్న తర్వాత ఏదైనా అనారోగ్య సమస్య ఎదురైతే సదరు పోటీ దారుడి ఆస్పత్రి ఖర్చులు ఎవరు భరిస్తారంటూ నెటిజన్లు కామెంట్‌ చేస్తున్నారు.

మరిన్ని ట్రెండింగ్ న్యూస్ కోసం ఇక్కడ క్లిక్ చేయండి