Sleep Job: ఏసీ గదిలో నిద్రపోవడమే ఉద్యోగం.. నెలకు రూ. 26 వేల జీతం.. షరతులు వర్తిస్తాయి..
నిద్రను ఎవరు కోరుకోరు.! ఒత్తిడిని అధిగమించేందుకు ప్రతీ ఒక్కరూ కనీసం 7 గంటల పాటు ప్రశాంతంగా నిద్రపోవాలని అనుకుంటారు. ఈ మధ్యకాలంలో..
నిద్రను ఎవరు కోరుకోరు.! ఒత్తిడిని అధిగమించేందుకు ప్రతీ ఒక్కరూ కనీసం 7 గంటల పాటు ప్రశాంతంగా నిద్రపోవాలని అనుకుంటారు. ఈ మధ్యకాలంలో యువతకు నిద్ర కరువైంది. అయితే ఆ నిద్రే ఇప్పుడు మీకు డబ్బులు తెచ్చిపెడుతుంది. అవునండీ.! మీరు విన్నది నిజమే.. నిద్రపోతే చాలు ప్రతీ నెలా మీకు జీతం వచ్చేస్తుంది. ఆ జాబ్ కథేంటో ఇప్పుడు చూద్దాం..
జాతీయ మీడియాలో వచ్చిన కథనం ప్రకారం.. ఈ ఉద్యోగాన్ని మలేషియన్ యూనివర్సిటీ అందిస్తోంది. అక్కడ కొంతమంది పరిశోధకులు ఓ ప్రాజెక్ట్‌పై పని చేస్తున్నారు. దానిలో భాగంగా వారు నిద్రా విధానాలను తెలుసుకోవాలి. సో ఈ జాబ్‌కు అప్లై చేసుకునే అభ్యర్ధులు కేవలం నిద్రపోతే చాలు.. నెలకు రూ. 26,500 జీతం(భారత కరెన్సీలో) అందుతుంది.
దరఖాస్తు చేసుకునేవారికి కొన్ని షరతులు..
ఈ ఉద్యోగానికి సంబంధించిన పోస్టర్‌ను విశ్వవిద్యాలయం విడుదల చేసింది. అందులో అన్ని వివరాలను పేర్కొంటూ.. అభ్యర్ధుల వయస్సు 20 నుంచి 40 ఏళ్ల మధ్య ఉండాలని తెలిపింది. అలాగే దరఖాస్తు చేసుకునే వ్యక్తులకు నిద్ర రుగ్మతులు ఉండకూడదు.
ఈ పరిశోధన గురించి మరింత సమాచారాన్ని అందిస్తూ.. అధ్యయనం చేస్తోన్న మిస్ సఫా అనే పరిశోధకురాలు ఈ ఉద్యోగానికి దరఖాస్తు చేసుకున్న వ్యక్తులకు స్క్రీనింగ్ నిర్వహిస్తామని.. అలాగే పలు టెస్టులు కూడా చేస్తామని.. అవన్నింటిలోనూ క్వాలిఫై అయినవారిని మాత్రమే స్లీపింగ్ హోం(Sleeping Home)లోకి అనుమతి ఉంటుందని చెప్పుకొచ్చారు. కాగా, ఎంపికైన వ్యక్తులకు సకల సదుపాయాలు అక్కడ అందుబాటులో ఉంటాయన్నారు. కాగా, ఈ ప్రకటన కాస్తా సోషల్ మీడియాలో వైరల్ కావడంతో.. జనాల నుంచి విపరీతమైన స్పందన వచ్చింది. అంతే.! క్షణాల్లో రిజిస్ట్రేషన్‌ క్లోజ్ అయింది.