Trending: వామ్మో ఈ ఆంటీ మాముల్ది కాదు.. సెకన్ల వ్యవధిలో సైలెంట్‌గా…
కన్ను మూసి కన్ను తెరిచేసరికి మోసం. క్షణాల్లోనే దొంగతనం. మాయగాళ్లు, కంత్రీ లేడీలు రెచ్చిపోతున్నారు. క్షణాల వ్యవధిలో పర్సులు కొట్టేస్తున్నారు. ఏం జరిగిందో ఆలోచించేలోపు తమ పని కానిచ్చేస్తున్నారు. తాజాగా అలాంటి ఓ దొంగతనం వీడియో ఇప్పుడు నెట్టింట తెగ వైరల్ అవుతోంది.
ఒకప్పుడు దొంగల్ని పట్టుకోవడం కష్టతరంగా ఉండేది. ఎందుకంటే అప్పుడంత టెక్నాలజీ లేదు. ఎప్పుడు ఎటువైపు నుంచి వచ్చి దోచుకెళ్లారో తెలుసుకోవడం కష్టంగా ఉండేది. ఆ తర్వాతి కాలంలో ఫింగర్ ప్రింట్స్, ఇతర క్లూస్ ద్వారా దొంగల భరతం పట్టేవారు పోలీసులు. కానీ ఇప్పుడు గల్లీ.. గల్లీకి.. ప్రతి ఇంటికీ.. ప్రతి షాపుకు సీసీ కెమెరాలు పెట్టిస్తున్నారు. దీంతో చోర వీరులు ఇట్టే చిక్కుతున్నారు. లేడీ దొంగలు సైతం అడ్డంగా దొరికిపోతున్నారు. అలాంటి దొంగతనాలకు సంబంధించిన వీడియోలు ఇప్పుడు వైరల్ అవుతున్నాయి. వైరల్ అవుతున్న వీడియోలో ఒక మహిళ హ్యాండ్ బ్యాగ్ నుంచి చాకచక్యంగా పర్సు కొట్టేసింది ఓ మాయలేడీ.
వైరల్ అవుతున్న వీడియోలో, చాలా మంది వ్యక్తులు వస్తువులను కొనుగోలు చేయడానికి దుకాణం వద్దకు వచ్చారు. ఒక స్త్రీ తన భర్తతో కలిసి ఆ దుకాణం వద్దకు వచ్చి ఏదో కొంటోంది. ఇంతలో అక్కడికి ఆగమేఘాల మీద మరో ఆంటీ వచ్చింది. వయస్సు కాస్త ఎక్కువే. ఆమెను చూసి దొంగ అని ఎవరూ అనుకోరు. ఆమె రావడం రావడంతోనే పక్కనున్న మహిళ.. హ్యాండ్ బ్యాగ్ జిప్ ఓపెన్ చేసింది. ఆ తర్వాత షాపు అతన్ని కొన్ని వస్తువులు తీసుకురావాలని కోరింది. ఈ సమయంలోనే ఎవరూ లేరని నిర్ధారించుకుని తన పక్కనే ఉన్న మహిళ పర్సును తీసి తన బ్యాగ్‌లో పెట్టుకుంది. ఆ తర్వాత ఏమీ తెలియనట్లుగా దుకాణం నుంచి వెళ్లిపోయింది. ఈ తతంగమంతా సీసీ కెమెరాలో రికార్డయింది. వీడియో చూసిన నెటిజన్లు రకరకాల కామెంట్స్ పెడుతున్నారు. ఆ వీడియోపై మీరూ ఓ లుక్కేయండి.
మరిన్ని వైరల్ వార్తల కోసం క్లిక్‌ చేయండి.