Viral Video: ఇవి హైదరాబాద్ పావురాలు మరీ.. ఎందులోనూ తగ్గేదెలా..! కదులుతున్న వాహనం నుంచి ధాన్యం చోరీ..

Pigeons Steal Grain

సోషల్ మీడియాలో మనల్ని నివ్వెరపరిచే, మళ్లీ మళ్లీ చూడాలనిపించే దృశ్యాలు అనేకం వైరల్‌ అవుతూ ఉంటాయి. ఇది కూడా అదే లైన్‌కి చెందిన సన్నివేశం. కదులుతున్న వాహనంలో పావురాలు గన్నీ బ్యాగుల్లోని ధాన్యాన్ని తింటున్న ఈ వీడియో సహజంగానే అందరినీ విస్మయానికి గురి చేసింది. స్మార్ట్ పావురాల గుంపు చేసిన తెలివైన పనికి సంబంధించిన వీడియో ఇది.. వాహనం వేగంగా కదులుతున్న సమయంలో కొన్ని పావురాలు తమ పొట్ట నింపుకునే పనిలో నిమగ్నమయ్యాయి. ఆ వెహికిల్‌ వేగంగావెళ్తున్నప్పటికీ అవి బ్యాలెన్స్ చేసుకుంటూ అందులో లోడ్‌ చేసిన సంచుల్లోంచి గింజలను వీలైనంత వరకు తినేందుకు ప్రయత్నించాయి…! పక్షులు ధాన్యాన్ని దొంగిలిస్తున్న ఈ వీడియో ఇప్పుడు వైరల్ అవుతోంది. పావురాలు చేసిన తెలివైన పని అందరి దృష్టిని ఆకర్షించింది. ఈ వీడియోని నెటిజన్లు ఎంతో ఆసక్తిగా చూస్తున్నారు.

ఈ వీడియోను @shibustuff ఇన్‌స్టాగ్రామ్ ఖాతాలో షేర్‌ చేశారు. వీడియోలో చూపించినట్టుగా రద్దీగా ఉండే రోడ్డులో బస్తాలతో నిండిన వాహనం వేగంగా వెళ్తోంది. ఈ క్రమంలోనే ఎక్కడి నుంచో వచ్చిన ఒక పెద్ద పావురాల గుంపు ఈ వాహనంపై దాడి చేసింది. అలా వాలిన పావురాలు సంచిలో ఉన్న ధాన్యాన్ని పొడుచుని తినడం మొదలుపెట్టాయి.. వాహనం కదులుతున్నప్పటికీ ఈ పక్షులు బ్యాగులోని ధాన్యాన్ని బ్యాలెన్స్ చేసుకుంటూ తింటున్న దృశ్యం ఆశ్చర్యం కలిగించింది. ఈ వీడియోలోని దృశ్యం హైదరాబాద్‌లోనే చిత్రీకరించినట్లు సమాచారం. వాహనం కదులుతుండగా, పావురాలు ఎగబడి గింజలు తింటున్న దృశ్యాన్ని చుట్టుపక్కలవారు తమ సెల్‌ఫోన్‌ కెమెరాల్లో బంధించారు. వీడియోని సోషల్ మీడియాలో అప్‌లోడ్‌ చేయటంతో వైరల్‌గా మారింది.

సహజంగానే ఈ వీడియో ఇప్పుడు నెటిజన్ల దృష్టిని ఆకర్షించింది. ఈ దృశ్యాన్ని అందరూ ఎంతో ఉత్సుకతతో చూస్తున్నారు. ఈ వీడియో వివిధ సోషల్ మీడియా ఖాతాలలో చక్కర్లు కొడుతోంది. కొందరు ఫన్నీగా రెస్పాన్స్ కూడా ఇచ్చారు. మరికొందరు ఆశ్చర్యం వ్యక్తం చేశారు. మరికొందరు హైదరాబాద్‌ పావురాలు అందుకే వెరీ స్మార్ట్‌ అంటూ ఫన్నీ కామెంట్స్‌ చేశారు..అయితే, ఆ పావురాల కష్టం పొట్ట నింపుకోవటానికే అంటూ మరికొందరు నెటిజన్లు వ్యాఖ్యనించారు.

మరిన్ని ట్రెండింగ్ న్యూస్ కోసం క్లిక్ చేయండి..