ఒక రోజు రాత్రి తనకు నిద్ర పట్టక కాసేపు బాల్కనీలో గడపాలని బయటకు వెళ్లింది. హాయిగా చల్ల గాలిలో కాసేపు బాల్కనీలో కూర్చుందామని అనుకుంది. అయితే అక్కడ కనిపించిన దృశ్యం చూసి ఆమె భయంతో వణికిపోయింది. ఒక్కసారిగా ఆమెకు గుండె ఆగిపోయినంత పనైంది. భయంతో 10-15 సార్లు..హనుమాన్ చాలీసా చదువుకుంటూ ఇంట్లోకి వచ్చేసింది. వారి బాల్కనీకి ఎదురుగా ఉన్న చెట్టుపై ఆమెకు దెయ్యం కనిపించింది.
Ghost
Follow us on
దెయ్యం సినిమాలు చూసేవాళ్లు రాత్రంతా నిద్రపోరు. పగలు, రాత్రి అద్దంలో చూసుకోవాలంటే కూడా భయపడేవారూ ఉన్నారు. రీల్‌తో పాటు రియల్‌లోనూ దెయ్యం కనిపిస్తే, ఇంకేమైనా ఉంటుందా..? రాత్రి పూట ఇంటి బాల్కనీ దగ్గర దెయ్యం కనిపిస్తే ఎలా ఉంటుంది.. దెబ్బకు ప్యాంటు తడిసిపోతుంది. కొందరైతే దేవుడి గుడిలోకో, లేదంటే పూజా మందిరంలోకి పరిగెడతారు. మరికొందరు నిద్రమానుకుని ఇంట్లోకి దెయ్యం వస్తుందేమోనని భయంతో ఎదురు చూస్తారు. మరికొందరు దుప్పటి నిండా కప్పుకుని బయటకు చూసే సాహసం చేయరు. గాయత్రీ మంత్రం, హనుమాన్ చాలీసా, అనేక ఇతర మంత్రాలు పటిస్తుంటారు. దెయ్యాన్ని చూశామనే భయంతో జ్వరం వచ్చి నాలుగైదు రోజులు మంచానికే పరిమతమయ్యేవారు కూడా ఉన్నారు. దెయ్యాల గురించి రాయడం చాలా సులభం. వాటిని చూస్తే భయం అనుభవించిన వారికే తెలుస్తుంది. ఇప్పుడు ఓ మహిళ తన పరిస్థితిని సోషల్ మీడియాలో వెల్లడించింది. ఆమె చెప్పేది వింటుంటే ఓ పక్క నవ్వుకుంటారు. మరోవైపు, రాత్రిపూట అలాంటి సీన్‌ ఎదురైతే ఏంటి పరిస్థితి అని భయాందోళన వ్యక్తం చేస్తున్నారు.
ఈ వైరల్ వీడియోని అనిరుద్ధ జోషి అనే మహిళ తన ట్విట్టర్ ఖాతాలో షేర్ చేసింది. దీంతో ఆమెకు ఆ రాత్రంత నిద్రకరువైందని చెప్పింది. ఇంతకు ఆమెకు ఎదురైన సమస్య ఏంటంటే… ఒక రోజు రాత్రి తనకు నిద్ర పట్టక కాసేపు బాల్కనీలో గడపాలని బయటకు వెళ్లింది. హాయిగా చల్ల గాలిలో కాసేపు బాల్కనీలో కూర్చుందామని అనుకుంది. అయితే అక్కడ కనిపించిన దృశ్యం చూసి ఆమె భయంతో వణికిపోయింది. ఒక్కసారిగా ఆమెకు గుండె ఆగిపోయినంత పనైంది. భయంతో 10-15 సార్లు..హనుమాన్ చాలీసా చదువుకుంటూ ఇంట్లోకి వచ్చేసింది. వారి బాల్కనీకి ఎదురుగా ఉన్న చెట్టుపై ఆమెకు దెయ్యం కనిపించింది. చెట్టుకు వేలాడుతూ.. అజ్ఞాత స్త్రీ రూపం ఆమె దృష్టిని ఆకర్షించింది. అర్థరాత్రుళ్లు చెట్లప దెయ్యాలు ఉంటాయనే కథలు ఆమెకు గుర్తుకు వచ్చాయి. అలాగే చింత చెట్టుతో సహా పెద్ద పెద్ద చెట్లకు దెయ్యాలు వేలాడుతుంటాయనే కథలు గుర్తుకు వచ్చాయి. దాంతో ఆ మహిళ తమ బాల్కనీ వద్దనున్న చెట్టుకు వేలాడుతుంది దెయ్యంగా భావించి ఆ రాత్రంత నిద్రపోలేదు. హనుమాన్ చాలీసా వింటూ ఆమె తన భయాన్ని తగ్గించుకునే ప్రయత్నం చేసింది.
దెయ్యాల భయంతో రాత్రంతా గడిపిన మహిళ ఉదయం దెయ్యం ఉందో లేదో ఒక సారి చూడాలనుకుంది. ధైర్యం తెచ్చుకుని బాల్కనీకి వెళ్లింది. అయితే అక్కడ చూసిన దృశ్యం ఆమెకు నవ్వు తెప్పించింది. అక్కడ నైటీ ఆరేసి ఉండటం చూసి నివ్వెరపోయింది. కానీ, అంతకుముందు రాత్రి జరిగిన సంఘటన గుర్తొచ్చి ఆమెకు కోపం ఆగలేదు. ఎవరో నైటీని వింతగా ఆరేశారు. నైటీకి హ్యాంగర్ వేసి చెట్టుకు వేలాడదీశారు. రాత్రి సమయంలో మహిళ నైటీ మాత్రమే చూసింది. హ్యాంగర్ కనిపించలేదు. చూడలేదు. దాంతో ఆ మహిళ దెయ్యంగా భావించింది. రాత్రంతా తనను అంతలా భయపెట్టింది ఆరేసిన నైటీ అని తెలియక షాకయిపోయానంటూ మహిళ సోషల్ మీడియాలో ఓ వీడియో పోస్ట్ చేసింది.. నైటీని ఎవరైనా ఇలా ఆరబెడతారా అని సదరు మహిళ ఆ వీడియోలో ప్రశ్నించింది.
వైరల్ వీడియోపై చాలా మంది స్పందించారు. ట్విట్టర్‌లో పోస్ట్ చేసిన ఈ వీడియోను చాలా మంది చూశారు. ఇది 77 వేల కంటే ఎక్కువ వ్యూస్‌ సాధించింది. కెమెరా లేకుండా ఫ్రాంక్ చేయటం అంటే ఇదే అంటూ కొందరు వ్యాఖ్యానించగా, మీరు ఈ కథను బాగా అల్లారు.. ఇది నిజం కాదు, వీడియో కోసం ఇలా చేశారంటూ మరొకరు వ్యాఖ్యానించారు.
