Viral: సోఫాలో నుంచి వింత శబ్దాలు.. భయం భయంగా పోలీసులకు ఫోన్ చేసిన వ్యక్తి.. చివరికి ఏం జరిగిందంటే!

Sofa

వాహనాల్లోనే కాదు… టైమ్ బాగోకపోతే సోఫాలో కూర్చున్నా పాము కాటేయొచ్చు. ఓ వ్యక్తి అప్పుడే కొత్తగా కొని తెచ్చుకున్న సోఫాలో భారీ సర్పం ఉండటం చూశాడు. కాసేపు సోఫాలో నుంచే ఆ పాము అతన్ని ముప్పు తిప్పలు పెట్టింది. లక్కీగా ఆ వ్యక్తి ముందే చూశాడు కాబట్టి సరిపోయింది. లేకపోతే.. అతడి పరిస్థితి ఎలా ఉండేదో.

అమెరికా ఫ్లొరిడాలో నివసిస్తున్న ఓ వ్యక్తి భయం భయంగా క్లియర్‌వాటర్ పోలీసులకు ఫోన్ చేశాడు. వణుకుతున్న స్వరంతో.. తన ఇంట్లోకి పాము దూరిందని చెప్పాడు. దీంతో పోలీసులు స్నేక్ రెస్క్యూ టీమ్‌తో అతడి ఇంటికి చేరుకున్నారు. వారికి పాము ఎక్కడికి వెళ్లిందో కనిపించలేదు. ఇటీవల అతడు కొనుగోలు చేసిన సోఫాలో ఆ పాము నక్కినట్లు డౌట్‌గా ఉందని చెప్పాడు.

సోఫా వెనుక చిన్న కన్నం ఉండటంతో.. ఆ పాము అందులోకి దూరి ఉంటుందని భావించారు. సోఫాను పైకెత్తి సోదా చేశారు. అతడు ఊహించిందే నిజమైంది. ఓ పాము సోఫాలోని స్ప్రింగ్‌ మధ్యలో నక్కి ఉంది. మొత్తానికి ఆ సోఫా క్లాత్‌ను తొలగించి బోవా కన్స్ట్రిక్టర్ ను బయటకు తీశారు. అయితే అది కాటేసే రకం పాము కాదట. దీనికి చిక్కిన జీవిని తోకతో చుట్టేసి ఊపిరి ఆడకుండా చేసి చంపేస్తుంది. ఆ తర్వాత అమాంతంగా మింగేస్తుంది. కాగా.. సోఫా నుంచి తీసిన పామును స్థానిక పెట్ షాప్‌‌కు తరలించారు. ఈ ఘటనకు సంబంధించిన ఫొటోలను పోలీసులు సోషల్ మీడియాలో షేర్ చేయడంతో క్షణాల్లో వైరల్ అయ్యింది