Viral Video: తిక్క కుదిరిందా..? నువ్వు హారన్ కొడితే ఎదిటోళ్లకి అలానే ఉంటది మరి..

Horn Honking

ఏదైనా వాహనాల హారన్ ఎదుటివాళ్లకు వినిపించేలా ఉండాలి. అంతేకాని వారి గుండె ఆగిపోయేలా కాదు. అలా చేయడం న్యూసెన్స్. అంతేకాదు ఇతర వాహనదారులు తత్తరపాటుకు గురై ప్రమాదాలకు గరయ్యే అవకాశం ఉంటుంది. అందుకే ఇలా బిగ్గరగా హారన్ పెట్టుకుని వాహనదారులను విసిగిస్తున్నవారికి వినూత్నమైన పనిష్మెంట్ ఇచ్చారు.. కర్నాటక ట్రాఫిక్ పోలీసులు. డ్రైవర్‌ను అదే బస్సు ముందు కూర్చోబెట్టి హారన్ వినిపించారు. దీంతో సదరు డ్రైవర్ ఆ సౌండ్ భరింలేక అల్లాడిపోయాడు. గట్టిగా చెవులు మూసుకున్నాడు. నన్ను వదిలేయండి సార్ అని సాగిలపడ్డాడు. నువ్వు హారన్ కొట్టినప్పుడు ఎదుటివ్యక్తులు కూడా ఇలాంటి ఇబ్బందులకే గురవుతారు. అంత భారీ సౌండ్‌తో హారన్ కరెక్ట్ కాదని చేతలతో చెప్పారు పోలీసులు. దీంతో పోలీసులను ప్రశంసిస్తూ నెటిజన్స్ కామెంట్స్ పెడుతున్నారు.

అతడిని తను నడిపే బస్సు ముందే కూర్చొపెట్టి హారన్ కొట్టి బుద్ది చెప్పడం అదుర్స్ అని కొందరు వ్యాఖ్యానిస్తున్నారు. ఇలా అన్ని రాష్ట్రాల్లో చేస్తే బాగుంటుందని.. వాహనాల్లో ప్రయాణించే చిన్న పిల్లలు, ఓల్డేజ్ పీపుల్ శృతిమించిన హారన్ సౌండ్స్ కారణంగా చాలా ఇబ్బంది పడుతున్నారని.. పలువురు అభిప్రాయపడుతున్నారు. ఇంతకీ వీడియో మీ అభిప్రాయం ఏంటి..? పోలీసులు చేసిన పని కరెక్టే అని భావిస్తున్నారా..? కామెంట్ రూపంలో తెలియజేయండి..