Viral: 5 స్టార్ హోటల్ అయితే.. దుస్తులు బయట ఆరబెట్టకూడదా? వైరల్ వీడియో
అనాకపల్లి అయినా, అమెరికా అయినా కొన్ని విషయాలు మారవు. అలాగే ఉంటాయి. మన ఆలోచనలు కూడా అలాగే ఉంటాయి. అయితే వీటిని కొందరు తప్పు పట్టే వారుంటే మరికొందరు మాత్రం మద్ధతు పలుకుతుంటారు. తాజాగా సోషల్ మీడియాలో జరిగిన ఓ సంఘటన ఇదే విషయాన్ని చెబుతోంది. ఇంతకీ ఏం జరిగిందో తెలియాలంటే ఈ స్టోరీలోకి వెళ్లాల్సిందే..
![Viral: 5 స్టార్ హోటల్ అయితే.. దుస్తులు బయట ఆరబెట్టకూడదా? వైరల్ వీడియో](https://images.tv9telugu.com/wp-content/uploads/2024/06/viral-video-30.jpg?w=1280)
అనాకపల్లి అయినా, అమెరికా అయినా కొన్ని విషయాలు మారవు. అలాగే ఉంటాయి. మన ఆలోచనలు కూడా అలాగే ఉంటాయి. అయితే వీటిని కొందరు తప్పు పట్టే వారుంటే మరికొందరు మాత్రం మద్ధతు పలుకుతుంటారు. తాజాగా సోషల్ మీడియాలో జరిగిన ఓ సంఘటన ఇదే విషయాన్ని చెబుతోంది.
వివరాల్లోకి వెళితే.. భారత్కు చెందిన కొందరు విహారయాత్ర నిమిత్తం దుబాయ్ వెళ్లారు. ఇందులో భాగంగానే అక్కడి లగ్జరీ హోటల్స్లో ఒకటైన పామ్ అట్లాంటిస్లో విడిదికి దిగారు. అయితే ఇదే సమయంలో ఆ కుటుంబంలో పెద్దావిడ ఉతికిన దుస్తులను బాల్కనీలో ఆరేసింది. దీనికి సంబంధించి వీడియో ప్రస్తుతం సోషల్ మీడియాలో వైరల్ అవుతోంది. పల్లవి వెంకటేష్ అనే వ్యక్తి ఈ వీడియోను ఇన్స్టాగ్రామ్లో షేర్ చేశారు.
వెంకటేష్ తన తల్లి బీచ్ రిసార్ట్లోని గది బాల్కనీలో దుస్తులు ఆరబెడుతుండగా ఉన్న వీడియోను షేర్ చేస్తూ.. ఈ అమ్మలు.. పామ్ అట్లాంటిస్లోనూ తమ పనులు వదలరు అంటూ రాసుకొచ్చారు. దీంతో ఈ వీడియో కాస్త నెట్టింట తెగ వైరల్గా మారింది. అయితే దీనిపై రిసార్ట్ నిర్వాహకులు సైతం స్పందించారు. ఇవి అమ్మలందరికీ ఉండే పనులే. అయితే మా హోటల్లో బస చేయడం మీకు నచ్చిందని ఆశిస్తున్నాం! మేము ప్రతి బాత్రూమ్లో దుస్తులు ఆరబెట్టుకోవడానికి ఏర్పాట్లు చేశాం. అక్కడే ఆరబెట్టుకోవచ్చు అని తెలిపారు.
వైరల్ వీడియో..
View this post on Instagram
దీంతో ప్రస్తుతం ఈ వీడియో సోషల్ మీడియాలో ట్రెండింగ్ అవుతోంది. పలువురు నెటిజన్లు ఈ వీడియోపై స్పందిస్తున్నారు. ఇలా చేయడం వల్ల మన గురించి అమర్యాదగా భావిస్తారని కొందరు కామెంట్ చేయగా.. మరికొందరు మాత్రం ఇలా చేయడంలో తప్పు ఏముంది. ఎక్కడికి వెళ్లినా మనం ఎలా ఉంటామో అలాగే ఉండాలి అంటూ కామెంట్స్ చేశారు.
మరిన్ని ట్రెండింగ్ వార్తల కోసం క్లిక్ చేయండి..