Viral Video: నడిరోడ్డుపై యువతి హాల్‌చల్‌.. వ్యక్తిని ఎగిరెగిరి కొడుతూ రచ్చ.. హ్యష్‌ట్యాగ్‌ ట్రెండింగ్‌!

Lucknow Girl

సోషల్ మీడియా ఎన్నో రకాల వైరల్ వీడియోలకు నిలయం.. రొమాంటిక్, షాకింగ్, పగ, ప్రతీకారం.. కంటెంట్ ఏదైనా కూడా సామాజిక మాధ్యమాల్లో హల్చల్ చేస్తుంటాయి. అలాంటి ఓ వీడియో గురించి ఇప్పుడు మాట్లాడుకుందాం. తాజాగా ఉత్తరప్రదేశ్‌కు చెందిన ఓ యువతి నడిరోడ్డుపై చేసిన రచ్చ ఇప్పుడు సోషల్ మీడియాను కుదిపేస్తోంది. #ArrestLucknowGirl అంటూ నెటిజన్లు హ్యష్‌ట్యాగ్‌ను ట్రెండ్ చేస్తున్నారు. అసలు ఈ ఘటన ఏ తేదీన జరిగిందో తెలియదు గానీ.. దానికి సంబంధించిన వీడియో నెట్టింట వైరల్ అవుతోంది.

ఉత్తరప్రదేశ్‌ రాజధాని లక్నోలో ఈ ఘటన చోటు చేసుకుంది. సిటీలోని అవధ్ ట్రాఫిక్ సిగ్నల్ వద్ద ఓ యువతి నడిరోడ్డుపై ఓ వ్యక్తిని చితక బాదుతున్నట్లు మీరు వీడియోలో చూడవచ్చు. ఆ యువతి కొడుతున్న వ్యక్తి క్యాబ్ డ్రైవర్ అని తెలుస్తోంది. అతడ్ని చెంప దెబ్బలు కొడుతుంటే.. ట్రాఫిక్ కానిస్టేబుల్, మిగతా జనాలు చూస్తూ ఉండిపోయారు. ఎగిరెగిరి మరీ చెంపదెబ్బలు కొడుతూ ఆ వ్యక్తి ఫోన్‌ను పగలగొట్టింది. ఆమెను ఆపేందుకు వచ్చిన వ్యక్తిని సైతం కొట్టింది. ఆ యువతి చేసిన రచ్చకు అక్కడంతా ట్రాఫిక్ జామ్ అయింది. తనను ఆ కారు ఢీకొట్టిందని.. అందుకే ఈ పని చేస్తున్నానని అడ్డుగా వచ్చిన అతడిని కాలర్ పట్టుకుని మరీ బాదేసింది. అక్కడున్న వారంతా ఆమె ‘badtameez’ అంటూ అరుస్తున్నా.. ఏదీ పట్టుకోకుండా కొడుతూనే ఉంది.

కాగా, ఈ ఘటనకు సంబంధించిన వీడియో ప్రస్తుతం సామాజిక మాధ్యమాల్లో వైరల్‌గా మారింది. దీనిని ‘Megh Updates’ అనే ఖాతా ట్విట్టర్‌లో అప్‌లోడ్‌ చేయగా.. క్షణాల్లో వైరల్‌గా మారింది. ఈ ఘటనపై లక్నో పోలీసులు సదరు యువతిపై ఎఫ్ఐఆర్ నమోదు చేసినట్లు కొన్ని వార్తలు వస్తున్నాయి. అలాగే ఆ యువతిని విమర్శిస్తూ నెటిజన్లు ట్విట్టర్‌లో #ArrestLucknowGirl అంటూ హ్యాష్‌ట్యాగ్‌ను ట్రెండ్ చేస్తున్నారు. ఇప్పటిదాకా 22 వేలకు పైగా ట్వీట్స్ చేశారు.

అసలేం జరిగింది..

సిగ్నల్ పడినా కూడా ఆమె క్రాస్ చేస్తున్నట్లుగా ఓ వీడియో వైరల్ అవుతోంది. ఆమె రావడాన్ని చూసిన క్యాబ్ డ్రైవర్ సడన్ బ్రేక్ ఇచ్చి ఆపాడు. సీసీ కెమెరాల్లో రికార్డు అయిన ఈ వీడియోను మీరు కూడా చూడండి..

ఆ వైరల్ వీడియోస్ ఇవే…