Watch: హైవేపై ఘోర ప్రమాదం.. రెండు ట్రక్కులు ఢీకొనడంతో చెలరేగిన మంటలు.. డ్రైవర్ సజీవ దహనం

Two Trucks Collided

బికనీర్‌లోని మహాజన్ పోలీస్ స్టేషన్ పరిధిలోని భరత్‌మాల హైవేపై రెండు ట్రక్కులు ఢీకొనడంతో మంటలు చెలరేగాయి. ఘోర ప్రమాదంలో ట్రక్కు డ్రైవర్ సజీవ దహనమయ్యాడు. గురువారం ఉదయం బికనీర్‌లోని మహాజన్ పోలీస్ స్టేషన్ పరిధిలోని భరత్‌మాల హైవేపై రెండు ట్రక్కుల ఢీకొనడంతో మంటలు చెలరేగాయి. దీంతో రెండు ట్రక్కులు మంటల్లో చిక్కుకున్నాయి. ఒక ట్రక్కు డ్రైవర్ సజీవ దహనమయ్యాడు. ఈ ఘటనలో ముగ్గురు వ్యక్తులు తీవ్రంగా గాయపడ్డారు. గాయపడిన వారిని బికనీర్‌లోని పీబీఎం ఆస్పత్రికి తరలించి చికిత్స అందజేస్తున్నారు.

వాస్తవానికి, బికనీర్ జిల్లా గుండా వెళుతున్న జామ్‌నగర్-అమృత్‌సర్ ఎక్స్‌ప్రెస్ హైవేపై జైత్‌పూర్ ట్రక్కు చెడిపోవడంతో ట్రక్ డ్రైవర్, హెల్పర్ రిపేర్ చేయడంలో బిజీగా ఉన్నారు. ఇంతలో వెనుక నుంచి వచ్చిన లారీ బలంగా ఢీకొట్టింది. వెనుక నుంచి వస్తున్న లారీ అతివేగంతో ఆగి ఉన్న లారీని వెనుక నుంచి ఢీకొట్టడంతో రెండు ట్రక్కులు మంటల్లో చిక్కుకున్నాయి. ఈ సంఘటనలో వెనుక నుండి ఢీకొన్న ట్రక్కు డ్రైవర్ ట్రక్కు లోపల కాలిపోగా, బయట ఆగి ఉన్న ట్రక్కును రిపేర్ చేస్తున్న ట్రక్ డ్రైవర్, ఆపరేటర్‌తో సహా మరో ముగ్గురు వ్యక్తులు గాయపడ్డారు. వీరిలో ఇద్దరిని పీబీఎం ఆస్పత్రికి తరలించారు.

సంఘటన గురించి సమాచారం అందుకున్న మహాజన్ పోలీస్ స్టేషన్, ఫైర్‌సిబ్బందికి కాల్ చేశారు. అగ్నిమాపక దళం రెండు ట్రక్కుల మంటలను అదుచేశారు. ప్రస్తుతం, పోలీసులు క్రేన్‌లను పిలిచి రెండు ట్రక్కులను తొలగించడానికి చర్యలు చేపట్టారు. అయితే, సంఘటనతో హైవేపై పెద్ద సంఖ్యలో వాహనాలు నిలిచిపోయి ట్రాఫిక్‌కు అంతరాయం ఏర్పడింది.

మరిన్ని జాతీయ వార్తల కోసం క్లిక్ చేయండి..