Viral News:100ఏళ్ల వృద్ధురాలి వింత కోరిక.. విన్న వెంటనే అరెస్ట్‌ చేసిన పోలీసులు..? ఏమైందంటే..
ఇదంతా ఎందుకు చేస్తున్నారని అక్కడి ప్రజలు పోలీసులను ప్రశ్నించగా, పోలీసులు చాలా గౌరవంగా ఆ మహిళకు సంకెళ్లు వేసి అధికారికంగా అరెస్టు చేశారు.
Viral News: మీరు కొన్ని వింత కోరికల గురించి వినే ఉంటారు. అనుకున్నది సాధించేందుకు కొందరు ఎంతకైనా తెగించేందుకు సిద్ధపడతారు. అయితే, అలాంటి ఓ వింత కోరిక కోరిన మహిళను పోలీసులు అరెస్ట్‌ చేశారు. అయితే, ఇది ఎలాంటి కోరికో మరీ..? వింటే మీరు కూడా షాక్‌ అవుతారు. ఆస్ట్రేలియాలో ఒక మహిళ తన 100వ పుట్టినరోజు సందర్భంగా ఒక విచిత్రమైన కారణంతో పోలీసులు అరెస్టు చేశారు. ఆమె తన పుట్టినరోజును ఓ నాటకీయ విధానంలో జరుపుకున్నారు. అందులో భాగంగానే పోలీసు అధికారులు వేడుకలను అడ్డుకున్నారు.ఆమెను అరెస్టు చేశారు.. దాంతో ఆ మహిళ కోరికను నెరవేర్చారు. విక్టోరియాలోని పోలీసులు అరెస్టు గురించి తమ ఫేస్‌బుక్ పేజీలో పోస్ట్ చేశారు.ఆ వృద్ధ మహిళ కోరికను నెరవేర్చడానికి పోలీసులు ఆమెకు సహాయం చేశామని చెప్పారు.
కొందరికి ప్రపంచాన్ని చుట్టేయాలనే ఉంటుంది. కొందరికి ఒళ్లంతా పచ్చబొట్టు వేయించుకోవాలనేది కోరిక. ఇంకొందరికీ ఆధ్యాత్మిక యాత్రలు చేయాలని ఉంటుంది. కానీ, ఆస్ట్రేలియాకు చెందిన జీన్ బికెంటన్ అనే మహిళ కల మాత్రం కచ్చితంగా విచిత్రమైనదనే చెప్పాలి. ఎందుకుంటే.. ఆమె తన 100వ పుట్టినరోజు సందర్భంగా తనను తాను అరెస్టు చేయాలని కోరింది. పోలీసులు ఆమె కోరికను నెరవేర్చడానికి చాలా ప్రేమ, గౌరవంతో ఆమెను అరెస్టు చేశారు. ఈ వింత ఘటన పలువురిని ఆశ్చర్యానికి గురి చేసింది.
జీన్ బికెంటన్ చాలా సంవత్సరాలు ఆర్మీ నర్సుగా పనిచేశారు. ఆమె తన జీవితంలో ఒక్కసారి కూడా అరెస్టు కాలేదు. ఈ కలను సాకారం చేసుకోవడానికి, తనను తాను అరెస్టు చేయాలనే కోరికను వ్యక్తం చేసింది. దీంతో పోలీసులు అక్కడికి వెళ్లి మహిళను అదుపులోకి తీసుకున్నారు. ఈ ఘటనను వివరిస్తూ విక్టోరియా పోలీసులు ఆ ఫోటోలను ఫేస్‌బుక్‌లో పోస్ట్ చేశారు.
ఇదంతా ఎందుకు చేస్తున్నారని అక్కడి ప్రజలు పోలీసులను ప్రశ్నించగా, పోలీసులు చాలా గౌరవంగా ఆ మహిళకు సంకెళ్లు వేసి అధికారికంగా అరెస్టు చేశారు. తన ఆనందాన్ని వ్యక్తం చేస్తూ, జీన్ బికెంటన్ తన అద్భుతమైన పుట్టినరోజు పార్టీలలో ఇదొకటి అంటూ చెప్పుకొచ్చారు. సోషల్ మీడియాలో మాత్రం ఈ ఘటనకు సంబంధించిన ఫోటోలు, వీడియోలు తెగ వైరల్‌ అవుతున్నాయి.
మరిన్ని ట్రెండింగ్ న్యూస్ కోసం ఇక్కడ క్లిక్ చేయండి