Orange Alert: తెలంగాణలో ఆరెంజ్ అలర్ట్.. అప్రమత్తంగా లేకపోతే అంతే సంగతులు.. అధికారుల హెచ్చరిక
ఉత్తర తెలంగాణకు వాతావరణశాఖ ఆరంజ్ (Orange Alert) హెచ్చరిక జారీ చేసింది. ఛత్తీస్‌గఢ్‌ నుంచి తెలంగాణ వరకు ఉపరితల ద్రోణి ఏర్పడిందని వాతావరణశాఖ అధికారులు వెల్లడించారు. ఫలితంగా ఉత్తర తెలంగాణలోని...
ఉత్తర తెలంగాణకు వాతావరణశాఖ ఆరెంజ్ (Orange Alert) హెచ్చరిక జారీ చేసింది. ఛత్తీస్‌గఢ్‌ నుంచి తెలంగాణ వరకు ఉపరితల ద్రోణి ఏర్పడిందని వాతావరణశాఖ అధికారులు వెల్లడించారు. ఫలితంగా ఉత్తర తెలంగాణలోని (North Telangana) పలు ప్రాంతాల్లో వర్షాలు(Rains) కురిశాయి. మరోవైపు.. రాష్ట్రంలో అధిక ఉష్ణోగ్రతలూ నమోదవుతున్నాయి. పగటి ఉష్ణోగ్రతలు పెరుగుతున్నందున ప్రజలు వడదెబ్బ తగలకుండా అప్రమత్తంగా ఉండాలని ఉత్తర తెలంగాణ ప్రాంతానికి వాతావరణశాఖ ఆరెంజ్ హెచ్చరిక జారీ చేసింది. పలు ప్రాంతాల్లో పగటి ఉష్ణోగ్రతలు పెరుగుతున్నాయని అధికారులు చెప్పారు. ఆ ప్రాంత ప్రజలు వడదెబ్బ తగలకుండా అప్రమత్తంగా ఉండాలని అధికారులు సూచించారు. అత్యవసరమైతే తప్ప బయటకు వెళ్లకూడదని, బయటకు వెళ్తే కనీస జాగ్రత్తలు పాటించాలని వివరించారు.
ఆగ్నేయ బంగాళాఖాతంలో ఏర్పడిన వాయుగుండం తుపానుగా మారే అవకాశముందని అమరావతి వాతావరణ కేంద్రం తెలిపింది. తీవ్ర వాయుగుండం ప్రభావంతో ఆంధ్రప్రదేశ్ లోని పలుచోట్ల ఓ మోస్తరు వర్షాలు కురిశాయి. చిత్తూరు, విశాఖపట్నం, ప్రకాశం, తూర్పుగోదావరి జిల్లాల్లోని పలు ప్రాంతాల్లో వర్షపాతం నమోదైంది. విశాఖ మన్యంలో వడగళ్ల వాన కురిసింది. నర్సీపట్నం, పాడేరు, కొయ్యూరు, హుకుంపేట, కోటవురట్ల మండలాల్లో ఈదురుగాలులతో వడగళ్లు పడ్డాయి. తోటలు, పంటపొలాలు దెబ్బతిన్నాయి. పలుగ్రామాల్లో రహదారులపై భారీ వృక్షాలు నేలకొరగడంతో వాహనాల రాకపోకలు నిలిచాయి.
Also Read
IPL 2022, MI vs DC: రోహిత్ సేనకు ఎదురుదెబ్బ.. తొలి మ్యాచ్‌కు దూరమైన యంగ్ బ్యాట్స్‌మెన్..
Hyderabad: సికింద్రాబాద్‌ టింబర్ డిపోలో భారీ అగ్నిప్రమాదం.. 11 మంది దుర్మరణం