Telangana Rain Alert: తెలంగాణలో భారీ వర్షాలు.. రాష్ట్రంలోని ఈ జిల్లాల్లో కుండపోత వానలు
Telangana Rain Alert: తెలంగాణలో సోమవారం పలు ప్రాంతీల్లో భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ అధికారులు తెలిపారు. తెలంగాణలోని.
Telangana Rain Alert: తెలంగాణలో సోమవారం పలు ప్రాంతీల్లో భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ అధికారులు తెలిపారు. తెలంగాణలోని దాదాపు అన్ని జిల్లాల్లో ఉరుములు, మెరుపులతో కూడిన భారీ వర్షాలు కురుస్తాయని తెలిపారు. ముఖ్యంగా ఆదిలాబాద్, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, సిద్దిపేట, పెద్దపల్లి, కామరెడ్డి జిల్లాల్లోని పలు ప్రాంతాల్లో భారీ నుంచి అతి భారీ వర్షాలు పడతాయని ఐఎండీ అంచనా వేసింది.
ఇక మంచిర్యాల, కొమ్రంభీమ్ అసిఫాబాద్, జయశంకర్ భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మెదక్‌, రంగారెడ్డి, జోగులాంగ గద్వాల్ తదితర జిల్లాలోని కొన్ని చోట్ల మోస్తరు భారీ వర్షాలు కురిసే అవకాశముంది. సోమవారం నుంచి నుంచి మంగళవారం ఉదయం వరకు తెలంగాణలోని అన్ని జిల్లాల్లో పలు చోట్ల ఉరుములుఎ, మెరుపులతో కూడిన వర్షం కురియనున్నట్లు వాతావరణ శాఖ అధికారులు తెలిపారు. అయితే జూన్‌ 29 ఉదయం నుంచి జులై 1 ఉదయం వరకు.. రాష్ట్రంలోని పలు ప్రాంతాల్లో ఉరుములు మెరుపులతో కూడిన మోస్తరు వర్షాలు కురుస్తాయని హైదరాబాద్ వాతరణ కేంద్రం వెల్లడించింది. కాగా, ఆదివారం హైదరాబాద్‌లో భారీ వర్షం పడిన విషయం తెలిసిందే. కాప్రాలో 68 మి.మీ, అల్వాల్‌లో 21.8, సికింద్రాబాద్‌లో 20.8 మి.మీ.ల వర్షపాతం కురిసినట్లు అధికారులు వెల్లడించారు.