Huzurabad Result: హుజూరాబాద్ విజయం ఈటల రాజేందర్‌దే.. బీజేపీది కాదన్న కాంగ్రెస్ నేత పొన్నం
హుజూరాబాద్ ఉప ఉన్నికల ఫలితాలపై కాంగ్రెస్ మాజీ ఎంపీ పొన్నం ప్రభాకర్ తనదైన శైలిలో స్పందించారు. హుజూరాబాద్‌లో ముందుగా ఊహించిన ఫలితాలే వచ్చినట్లు పేర్కొన్నారు.
Huzurabad Election Result: హుజూరాబాద్ ఉప ఉన్నికల ఫలితాలపై కాంగ్రెస్ మాజీ ఎంపీ పొన్నం ప్రభాకర్ తనదైన శైలిలో స్పందించారు. హుజూరాబాద్‌లో ముందుగా ఊహించిన ఫలితాలే వచ్చినట్లు పేర్కొన్నారు. ఇది ఈటల రాజేందర్ విజయమే తప్ప.. బీజేపీ విజయం కాదని అభిప్రాయపడ్డారు. ఈ ఎన్నికలు బీజేపీ విజయంగా బండి సంజయ్ గొప్పలు చెప్పుకోవడం విడ్డూరమన్నారు. ఈటల రాజేందర్‌ను కేబినెట్ నుంచి బర్తరఫ్ చేసిన తీరు సరికాదని నియోజకవర్గ ప్రజలు భావించినట్లు పేర్కొన్నారు. అలాగే హుజూరాబాద్ పోరు టీఆర్ఎస్ ప్రభుత్వం వర్సస్ ఈటల రాజేందర్ సానుభూతిగా జరిగిందని ఆయన వ్యాఖ్యానించారు.
బీజేపీ నేతలు దుబ్బాకలో పనిచేసినట్లు.. హుజూరాబాద్‌లో ఈటల రాజేందర్ కోసం గట్టిగా పనిచేయలేదని పొన్నం ప్రభాకర్ విమర్శించారు. ఈటల రాజేందర్ కూడా బీజేపీ పేరు చెప్పి ఓట్లు అడగలేదన్నారు. కాంగ్రెస్ అధిష్టానం ఇకనైనా బహిరంగ సభల ద్వారా ఓట్లు వస్తాయనుకుంటే పొరబాటేనన్న విషయాన్ని గుర్తించాలన్నారు. నియోజకవర్గ స్థాయిలో పార్టీ బలోపేతానికి చర్యలు తీసుకోవాలని సూచించారు.
Also Read..
Badvel By Election: బద్వేల్ ఉప ఎన్నికల్లో బీజేపీదే నైతిక విజయంః పనతల సురేష్