ఒప్పో ఎఫ్35 5జీ సిరీస్‌లో అదిరిపోయే ఫీచర్లు.. రెండు రోజులు బ్యాకప్ సహా మరెన్నో స్పెషాలిటీస్
స్మార్ట్‌ఫోన్ కొనుగోలు సమయంలో కెమెరా, డిస్‌ప్లే, పనితీరుతో పాటు బ్యాటరీ కూడా కీలకంగా మారింది. ఎక్కువసేపు ఫోన్‌ను ఉపయోగించే వారికి తరచూ ఛార్జింగ్ పెట్టాల్సిన అవసరం లేకుండా ఉండే మోడల్ కావాలి. ఈ అవసరాన్ని దృష్టిలో పెట్టుకుని OPPO F35 5G, F35 Pro 5G ఫోన్లలో ఏకంగా 8,000mAh బ్యాటరీని తీసుకొచ్చింది. దీంతో ఈ సిరీస్ అందరి దృష్టిని ఆకర్షిస్తోంది.
భారీ బ్యాటరీతో పాటు ప్రీమియం డిస్‌ప్లే, శక్తివంతమైన ప్రాసెసర్, అధిక మెగాపిక్సెల్ కెమెరాలతో OPPO కొత్త F35 సిరీస్‌ను తీసుకొచ్చింది. F35 5Gలో 120Hz AMOLED స్క్రీన్ ఉండగా, F35 Pro 5Gలో 144Hz AMOLED డిస్‌ప్లే అందించారు. 80W ఫాస్ట్ ఛార్జింగ్ సపోర్ట్‌తో వచ్చిన ఈ రెండు ఫోన్లు ధరకు తగ్గ ఫీచర్లతో ఆకట్టుకునేలా ఉన్నాయి.
144Hz AMOLED డిస్‌ప్లే..
OPPO F35 Pro 5Gలో 6.7 అంగుళాల 144Hz AMOLED డిస్‌ప్లే అందించారు. సాధారణ F35 5Gలో 6.5 అంగుళాల 120Hz AMOLED స్క్రీన్ ఉంది. అధిక రిఫ్రెష్ రేట్ కారణంగా స్క్రోలింగ్, వీడియోలు, గేమింగ్ సమయంలో విజువల్స్ మరింత స్మూత్‌గా కనిపిస్తాయి. ఫోన్‌కు అదనపు రక్షణగా మిలిటరీ గ్రేడ్ ప్రొటెక్షన్‌తో పాటు IP రేటింగ్‌ను కూడా అందించారు.
పనితీరు విషయానికి వస్తే F35 Pro 5Gలో MediaTek Dimensity 7360 MAX ప్రాసెసర్‌ను ఉపయోగించారు. F35 5Gలో Dimensity 6360 MAX చిప్‌సెట్ ఉంటుంది. కెమెరాల పరంగా రెండు మోడళ్లలోనూ వెనుక 50MP ప్రధాన కెమెరా, ముందు 50MP సెల్ఫీ కెమెరా ఉన్నాయి. Pro మోడల్‌లో అదనంగా 8MP అల్ట్రా వైడ్ కెమెరా లభిస్తుంది.
8,000mAh బ్యాటరీ..
ఈ సిరీస్‌లో అత్యంత ఆకర్షణీయమైన అంశం 8,000mAh బ్యాటరీ. ఒక్కసారి పూర్తిగా ఛార్జ్ చేస్తే రెండు రోజులకు పైగా బ్యాకప్ అందించేలా వీటిని రూపొందించారు. ఇంత భారీ సామర్థ్యం ఉన్నప్పటికీ 80W SuperVOOC ఫాస్ట్ ఛార్జింగ్ సపోర్ట్ ఉండటంతో ఛార్జింగ్ సమయం తగ్గుతుంది. ఎక్కువగా వీడియోలు చూసే, గేమ్స్ ఆడే, రోజంతా ఫోన్‌ను ఉపయోగించే వారికి ఈ బ్యాటరీ సామర్థ్యం ఉపయోగపడుతుంది.
ధర విషయానికి వస్తే OPPO F35 5G ప్రారంభ ధర రూ.38,999గా ఉంది. F35 Pro 5G ప్రారంభ ధర రూ.45,999గా నిర్ణయించారు. కొనుగోలుపై 10 శాతం వరకు బ్యాంక్ డిస్కౌంట్, ఎక్స్చేంజ్ ఆఫర్లు అందుబాటులో ఉన్నాయి. Flipkart, Amazon ద్వారా విక్రయాలు ప్రారంభం కానున్నాయి. భారీ బ్యాటరీతో పాటు వేగవంతమైన ఛార్జింగ్ కోరుకునే వారికి ఈ సిరీస్ ఆసక్తికరమైన ఎంపికగా నిలవనుంది.