Instagram: యూత్‌ను ఆకట్టుకునే దిశగా ఇన్‌స్టాగ్రామ్‌ అడుగులు.. అందుబాటులోకి కొత్త ఫీచర్లు..
Instagram: ఇన్‌స్టాగ్రామ్‌ రీల్స్‌కు ఉన్న క్రేజ్‌ గురించి ప్రత్యేకంగా పరిచయం చేయాల్సిన పనిలేదు. ఈ క్రమంలోనే యూజర్లకు మరింత చేరువయ్యే ఉద్దేశంతో రీల్స్‌లో మరికొన్ని కొత్త ఫీచర్లను పరిచయం చేసింది. అవేంటంటే...
సోషల్‌ మీడియా దిగ్గజాల్లో ఒకటైన ఇన్‌స్టాగ్రామ్‌కు యూత్‌లో ఉన్న క్రేజ్‌ ఎలాంటిదో ప్రత్యేకంగా చెప్పా్ల్సిన పనిలేదు. యూజర్లను మరింత అట్రాక్ట్ చేసే ఉద్దేశంతో ఇన్‌స్టాగ్రామ్‌ తాజాగా కొత్త ఫీచర్లను తీసుకొచ్చింది.
ఇన్‌స్టాగ్రామ్‌ రీల్స్‌లో కొత్తగా సౌండ్‌ ఎఫెక్ట్స్‌ తీసుకొచ్చింది. దీంతో క్రియేటర్లు రీల్స్‌లో తమ స్వంత ఆడియో ఫైల్‌లను నేరుగా అప్‌లోడ్ చేసుకోవచ్చు. కెమెరా రోల్‌లో ఉన్న వీడియోల నుంచి మాత్రమే ఆడియోని రీల్స్ కోసం ఉపయోగించుకోవచ్చు.
ఇన్‌స్టాగ్రామ్‌ తీసుకొచ్చిన మరో కొత్త ఫీచర్‌ రీల్స్ నిడివి 90 సెకన్లకు పెంచడం. ఇప్పటి వరకు 15 సెకన్లు మాత్రమే రికార్డు చేసే వెసులుబాటు ఉంటే ఇప్పుడు దానిని 90 సెకన్లకు పెంచింది.
ఇన్‌స్టాగ్రామ్‌ స్టోరీస్‌కు మాత్రమే అందుబాటులో ఉన్న ఇంటరాక్టివ్ స్టిక్కర్లు ఇప్పుడు రీల్స్ వీడియోలలోనూ అందుబాటులోకి వచ్చింది. పోల్స్, క్విజ్‌లు, ఎమోజి స్లైడర్‌ల ద్వారా ఈ ఇంటరాక్టివ్ స్టిక్కర్లు ఉపయోగపడతాయి.
ఇన్‌స్టాగ్రామ్‌లో తీసుకొచ్చిన మరో కొత్త ఫీచర్‌ టెంప్లేట్‌. ఈ ఫీచర్‌తో సొంత రీల్స్‌ను క్రియేట్ చేసేటప్పుడు మరొక వీడియోను టెంప్లేట్‌గా ఉపయోగించుకోవచ్చు.