WhatsApp: వాట్సాప్ నుంచి మరో కొత్త ఫీచర్.. ట్యాప్ అండ్ హోల్డ్ కి ఇక గుడ్ బై.. వివరాలు ఇవి..
వాట్సాప్ ఇప్పటి వరకూ వినియోగదారుడు ఏదైనా వీడియో రికార్డ్ చేయాలంటే ట్యాప్ అండ్ హోల్డ్ బటన్ వినియోగించేవారు. అయితే ఇప్పుడు దీనిని వాట్సాప్ పూర్తిగా అప్ డేట్ చేసి కొత్త ఫీచర్ ను తీసుకొచ్చింది. ట్యాప్ అండ్ హోల్డ్ స్థానంలో ప్రత్యేకంగా వీడియో మోడ్ ను ఆవిష్కరించింది.
వాట్సాప్ తన వినియోగదారులకు అత్యుత్తమ సేవలను అందించేందుకు ప్రయత్నిస్తోంది. ఈ క్రమంలో ఎప్పటికప్పుడు తనని తాను అప్ డేట్ చేసుకుంటూ ముందుకువెళ్తోంది. ఇదే క్రమంలో మరో అప్ డేట్ ను వినియోగదారులకు అందిస్తోంది. అదే వీడియో మోడ్ ఆప్షన్. దీని ద్వారా ఇతరులకు యాప్ నుంచే సులభంగా వీడియో తీసి పంపవచ్చు. ప్రస్తుతానికి ఆండ్రాయిడ్ యూజర్లకు మాత్రమే అందుబాటులో ఉన్న ఈ అప్ డేట్ సంబంధించిన పూర్తి వివరాలు ఇప్పుడు చూద్దాం..
ట్యాప్ అండ్ హోల్డ్ కి గుడ్ బై..
వాట్సాప్ ఇప్పటి వరకూ వినియోగదారుడు ఏదైనా వీడియో రికార్డ్ చేయాలంటే ట్యాప్ అండ్ హోల్డ్ బటన్ వినియోగించేవారు. అయితే ఇప్పుడు దీనిని వాట్సాప్ పూర్తిగా అప్ డేట్ చేసి కొత్త ఫీచర్ ను తీసుకొచ్చింది. ట్యాప్ అండ్ హోల్డ్ స్థానంలో ప్రత్యేకంగా వీడియో మోడ్ ను ఆవిష్కరించింది. దీని కోసం కొన్ని బగ్ లను యాప్లో ఫిక్స్ చేసింది. దీని ద్వారా వాట్సాప్ కాల్ నుంచి వీడియో మోడ్ కు ఎలా స్విచ్ అవుతున్నారో ఫోటో నుంచి వీడియో కి ఇలా స్విచ్ అయ్యే వెసులుబాటు కలుగుతోంది.
ఎలా పొందాలి..
ఇది అధునాతన ఫీచర్ ను మీరు పొందుకోవాలంటే గూగుల్ ప్లే స్టోర్ కి వెళ్లి మీ వాట్సాప్ ను అప్ డేట్ చేసుకోవాలి. ఆండ్రాయిడ్ 2.23.2.73 అప్ డేట్ ప్లే స్టోర్ లో అందుబాటులో ఉంది. మీరు ఈ ఫీచర్ ను వినియోగించుకోవాలంటే ప్లే స్టోర్ కి వెళ్లి అప్ డేట్ చేసుకోవాల్సిందే మరి..
మరిన్ని కొత్త ఫీచర్లు..
మరోవైపు వాట్సాప్ తన వినియోగదారులకు మరిన్ని కొత్త ఫీచర్లను అందించేందుకు ప్రణాళిక చేస్తోంది. ఐఓఎస్, ఆండ్రాయిడ్ వినియోగదారులకు ఇవి అందించేందుకు కసరత్తు చేస్తోంది. పిక్చర్ ఇన్ ప్లేస్ మోడ్, వ్యూ వన్స్ టెక్ట్స్, కాపానియన్ మోడ్, సెర్చ్ మెసేజెస్ బై డేట్, వాయిస్ నోట్స్ ఆన్ స్టేటస్, డెస్క్ టాప్ వెర్షన్ కి స్క్రీన్ లాక్, కాల్ టాబ్ వంటి అధునాతన ఫీచర్లను రానున్న అప్ డేట్లలో తీసుకువ్చే అవకాశం ఉంది. అలాగే కాలిస్టోగా, కొరియర్ ప్రైమ్, డామియన్, ఎక్సో 2, మోర్నింగ్ బ్రీజ్ వంటి కొత్త రకం ఫాంట్స్ కూడా పరిచయం చేసే అవకాశం ఉన్నట్లు చెబుతున్నారు.
మరిన్ని టెక్నాలజీ వార్తల కోసం క్లిక్ చేయండి..