Second Hand Phone: సెకండ్ హ్యాండ్ ఫోన్లు కొనే విషయంలో జాగ్రత్త! దొంగిలించిన ఫోన్ తీసుకుంటున్నారా? ఇలా గుర్తించండి
మీరు పాత ఫోన్ను కొనుగోలు చేస్తుంటే.. ఇక్కడ పేర్కొన్న వెబ్సైట్లో ఫోన్ను తనిఖీ చేయండి. ఫోన్కు సంబంధించిన సరైన వివరాలు అందుబాటులో లేకుంటే, కొనుగోలు చేసే ముందు 100 సార్లు ఆలోచించండి.
డిపార్ట్మెంట్ ఆఫ్ టెలికమ్యూనికేషన్స్ (DoT) సంచార్ సాథీ పోర్టల్ను ప్రారంభించింది. దీని ద్వారా మీరు లేదా ఎవరైనా మీ పోగొట్టుకున్న లేదా దొంగిలించబడిన మొబైల్ ఫోన్ను భారతదేశం అంతటా బ్లాక్ చేయవచ్చు. ట్రాక్ చేయవచ్చు. పోగొట్టుకున్న మొబైల్లను ట్రాక్ చేయడం.. బ్లాక్ చేయడంతో పాటు, సెకండ్ హ్యాండ్ పరికరాల వెరిఫికేషన్ను కూడా పోర్టల్ సులభతరం చేస్తుందని కేంద్ర టెలికాం మంత్రి అశ్విని వైష్ణవ్ ప్రకటించారు. అటువంటి పరిస్థితిలో, మీరు కొత్త స్మార్ట్ఫోన్ను కొనుగోలు చేయబోతున్నట్లయితే మీరు ప్రభుత్వం ప్రారంభించిన ఈ సౌకర్యాన్ని సద్వినియోగం చేసుకోవాలని సూచించారు.
ఈ పోర్టల్ సైబర్ మోసాలను తగ్గిస్తుంది
సంచార్ సాథీ పోర్టల్లోని మొదటి భాగం సెంట్రల్ ఎక్విప్మెంట్ ఐడెంటిటీ రిజిస్టర్ (CEIR). మీ మొబైల్ ఫోన్ పోయినట్లయితే, మీరు ధృవీకరణ ప్రక్రియను పూర్తి చేయడానికి పోర్టల్ని సందర్శించవచ్చు. పోగొట్టుకున్న పరికరాన్ని బ్లాక్ చేయవచ్చు. చట్టాన్ని అమలు చేసే ఏజెన్సీలు, టెలికాం సర్వీస్ ప్రొవైడర్లతో కమ్యూనికేట్ చేయవచ్చు.
సంచార్ సాథీ “నో యువర్ మొబైల్” ఫీచర్ను కూడా అందిస్తోంది. ఇది వినియోగదారులు సెకండ్ హ్యాండ్ ఫోన్ని కొనుగోలు చేసే ముందు దాని ప్రామాణికతను ధృవీకరించడానికి అనుమతిస్తుంది. దీంతో పెరుగుతున్న సైబర్ మోసాల ట్రెండ్ తగ్గుతుందని కేంద్ర మంత్రి వైష్ణవ్ హామీ ఇచ్చారు.
TAFCO సౌకర్యం అంటే ఏంటి?
సంచార్ సాథీలో TAFCO సదుపాయం కూడా ఉంది. ఇది వ్యక్తులకు తెలియకుండా లేదా సమ్మతి లేకుండా వారి పేరుపై మొబైల్ నంబర్ రిజిస్టర్ చేయబడిందో లేదో ధృవీకరించడానికి అనుమతిస్తుంది. అన్ని టెలికాం నెట్వర్క్లలో క్లోన్ చేయబడిన మొబైల్ ఫోన్లను ట్రేస్ చేయడానికి పోర్టల్ ఫీచర్లను జోడించింది. ఇటీవల, కర్ణాటక పోలీసులు CEIR వ్యవస్థను ఉపయోగించి 2,500 పోగొట్టుకున్న మొబైల్ ఫోన్లను తిరిగి పొంది వాటి యజమానులకు తిరిగి ఇచ్చారు.
Note: ( ఇక్కడ ఇవ్వబడిన సమాచారం మీడియా ప్లాట్ఫారమ్లలో అందుబాటులో ఉన్న సమాచారం ఆధారంగా ఉంది. టీవీ9 NEWS దానిని ధృవీకరించలేదు.)
మరిన్న టెక్నాలజీ వార్తల కోసం