Google Update: గూగుల్‌లో మరో ఇంట్రెస్టింగ్ అప్‌డేట్.. పాస్‌వర్డ్ లేకుండానే జీ మెయిల్.. యూట్యూబ్ ఓపెన్..
ప్రతి చోట గూగుల్ లాగిన్ చేయాల్సి రావడంతో చాలా మందికి పాస్ వర్డ్ సమస్య ఎదురవుతుంది. ఎందుకంటే ఒకవేళ మన పాస్ వర్డ్ మర్చిపోతే లాగిన్ అవ్వదు. అలాగే మన అవసరం తీరదు. దీంతో ఫర్గాట్ పాస్‌వర్డ్ ద్వారా పాస్‌వర్డ్‌ను రీసెట్ చేసుకోవాల్సి వస్తుంది. అయితే ప్రస్తుతం ఇలాంటి సమస్యల నుంచి బయటపడేయడానికి గూగుల్ ఓ కొత్త అప్‌డేట్‌తో మన ముందుకు వచ్చింది. వేలిముద్ర, ఫేస్ స్కాన్ లేదా స్క్రీన్ లాక్ పిన్‌తో గూగుల్ ఖాతాకు లాగిన్ చేయడంలో మీకు సహాయం చేయడానికి కంపెనీ ఇప్పుడు పాస్‌కీలను ఏకీకృతం చేస్తోంది.
ప్రస్తుతం భారతదేశంలో స్మార్ట్ ఫోన్ల వాడకం బాగా పెరిగింది. ముఖ్యంగా అన్ని ఫోన్లు ఆండ్రాయిడ్ ఆపరేటింగ్ సిస్టమ్‌తో పని చేస్తున్నాయి. ఈ ఆపరేటింగ్ సిస్టమ్‌కు గూగుల్ మద్దతును ఇస్తుంది. ముఖ్యంగా మన పీసీలు, ల్యాప్‌టాప్‌ల్లో కూడా గూగుల్ వాడకం పెరిగింది. అంటే మెయిల్స్, యూట్యూబ్, డాక్యుమెంట్స్ ఇలా ప్రతిదానికి గూగుల్ అవసరమవుతంది. అయితే ప్రతి చోట గూగుల్ లాగిన్ చేయాల్సి రావడంతో చాలా మందికి పాస్ వర్డ్ సమస్య ఎదురవుతుంది. ఎందుకంటే ఒకవేళ మన పాస్ వర్డ్ మర్చిపోతే లాగిన్ అవ్వదు. అలాగే మన అవసరం తీరదు. దీంతో ఫర్గాట్ పాస్‌వర్డ్ ద్వారా పాస్‌వర్డ్‌ను రీసెట్ చేసుకోవాల్సి వస్తుంది. అయితే ప్రస్తుతం ఇలాంటి సమస్యల నుంచి బయటపడేయడానికి గూగుల్ ఓ కొత్త అప్‌డేట్‌తో మన ముందుకు వచ్చింది. వేలిముద్ర, ఫేస్ స్కాన్ లేదా స్క్రీన్ లాక్ పిన్‌తో గూగుల్ ఖాతాకు లాగిన్ చేయడంలో మీకు సహాయం చేయడానికి కంపెనీ ఇప్పుడు పాస్‌కీలను ఏకీకృతం చేస్తోంది. మీరు పాస్‌వర్డ్ లేకుండా ఒకే గూగుల్ ఖాతాతో నమోదు చేసుకున్న జీమెయిల్, యూట్యూబ్‌ను యాక్సెస్ చేయవచ్చు. అయితే ఈ అప్‌డేట్ ఫీచర్‌ను ఎలా ప్రారంభించాలో? ఓ సారి తెలుసుకుందాం.
ముందుగా గూగుల్‌లో పాస్‌కీలను మాన్యువల్‌గా ప్రారంభించాలి. మీరు జీమెయిల్‌ను ఉపయోగిస్తుంటే, మీ ప్రొఫైల్ ఫోటో వద్ద క్లిక్ ఖాతా సెట్టింగ్స్‌ను ఓపెన్ చేయాలి. అలాగే సెక్యూరిటీ వద్ద క్లిక్ చేసి, పాస్‌కీలను క్లిక్ చేయాలి. ఈ ఫీచర్ ఆండ్రాయిడ్, ఐఓఎస్ రెండింటిలోనూ పనిచేస్తుంది. మీరు దీన్ని కీబోర్డ్‌లో విలీనం చేసిన వేలిముద్ర స్కానర్‌తో విండోస్ పీసీల్లో కూడా ఉపయోగించవచ్చు. లేకపోతే, పెన్ డ్రైవ్‌లా పనిచేసే బాహ్య పాస్‌కీలు అందుబాటులో ఉన్నాయి. మీరు అలా చేస్తే మీరు సైన్ ఇన్ చేసినప్పుడు గూగుల్ మీ పాస్‌వర్డ్ లేదా రెండు దశల ధ్రువీకరణ కోసం అడగదు. పాస్‌వర్డ్‌లకు పాస్‌కీలు మరింత అనుకూలమైన, సురక్షితమైన ప్రత్యామ్నాయమని గూగుల్ వివరిస్తుంది. అవి అన్ని ప్రధాన ప్లాట్‌ఫారమ్‌లు, బ్రౌజర్‌లలో పని చేస్తాయి. ముఖ్యంగా వినియోగదారులు వారి వేలిముద్ర, ముఖ గుర్తింపు లేదా స్థానిక పిన్‌తో వారి కంప్యూటర్ లేదా మొబైల్ పరికరాన్ని అన్‌లాక్ చేయడం ద్వారా సైన్ ఇన్ చేయడానికి అనుమతిస్తాయి. అలాగే భద్రతా పరంగా చూసినా పాస్‌కీలు సైబర్‌టాక్‌లను కొంతవరకు నిరోధించగలవు. మన పరికరంలోనే మాత్రమే పాస్‌కీలు నిల్వ చేయకుండా మనం వాడే ఇతర పరికరాల కోసం బహుళ పాస్‌కీలను సృష్టించవచ్చు. అలాగే మీరు మొదటిసారి కొత్త పరికరంలో సైన్ ఇన్ చేయాలనుకుంటే లేదా వేరొకరి పరికరాన్ని తాత్కాలికంగా ఉపయోగించాలనుకుంటే మీరు మీ ఫోన్‌లో నిల్వ చేసిన పాస్‌కీని ఉపయోగించవచ్చు. మీరు లాగిన్ చేసే డివైజ్‌లో మరొక పరికరం నుంచి పాస్‌కీని ఉపయోగించడం ఎంపికను ఎంచుకుని ప్రాంప్ట్‌లను అనుసరిస్తే సరిపోతుంది. అయితే, ఈ ఎంపిక ఇంకా అందుబాటులో లేదు.
మరిన్ని టెక్నాలజీ వార్తల కోసం క్లిక్ చేయండి..