Artificial Intelligence: మన భవిష్యత్తును ఏఐ ఎలా మార్చబోతుంది.. ఆశ్చర్యకరమైన విషయాలు!
మానవుడు సృష్టించిన ఆర్టిఫిషియల్ ఇంటెలిజెన్స్ ప్రస్తుతం ప్రపంచంలోని అన్ని రంగాల్లోకి ప్రవేశిస్తోంది. ఇది టెక్నాలజీ వేగంగా ప్రపంచాన్ని చుట్టేస్తుంది. రోజురోజుకూ అభివృద్ధి చెందుతూ కొత్త పుంతలు తొక్కుతుంది. ఇప్పుడే ఏఐ పనితీరు ఇలా ఉంటే రాబోయే రోజుల్లో ఇది ఎలా పనిచేస్తుంది. ఈ ఏఐ ప్రభావం మానవుల జీవితంపై ఎలాంటి ఇంప్యాక్ట్ చూపుతుంది. ఏఐ మన భవిష్యత్తును ఎలా మార్చుతుందో ఇప్పుడు మనం తెలుసుకుందాం.
టెక్నాలజీ రోజురోజుకూ చాలా వేగంగా అభివృద్ధి చెందుతోంది. అందులో మానవుడు సృష్టించిన సాంకేతికత శిఖరం ఆర్టిఫిషియల్ ఇంటెలిజెన్స్ ( AI) టాప్లో ఉంది. ప్రస్తుతం ఈ ఆర్టిఫిషియల్ ఇంటెలిజెన్స్ ప్రపంచంలోని అన్ని రంగాల్లో విస్తృతంగా ఉపయోగించబడుతోంది. సాధారణ ప్రజలు కూడా వారి దైనందిన జీవితంలో ఆర్టిఫిషియల్ ఇంటెలిజెన్స్ను ఉపయోగిస్తున్నారు. ఈ ఆర్టిఫిషియల్ ఇంటెలిజెన్స్ మానవ జీవితంలో ఒక ముఖ్యమైన అంశంగా మారిపోయింది, దీని పనితీరు ఇప్పుడే ఇలా ఉంటే భవిష్యత్తులో ఈ ఆర్టిఫిషియల్ ఇంటెలిజెన్స్ మానవ జీవితంలో ఎలాంటి మార్పులను తీసుకువస్తుందో వివరంగా పరిశీలిద్దాం.
భవిష్యత్తులో కృత్రిమ మేధస్సు మన జీవితాలను ఎలా మారుస్తుంది?
టైం సేవింగ్
మనిషి రూపొందించిన యంత్రాలు మనిషికంటే చాలా వేగంగా పనిచేస్తాయి. వీటిలో ఈ కృత్రిమ మేధస్సు కూడా ఒకటి. ఈ సాధనాలు మానవుల కంటే చాలా రెట్లు వేగంగా ఒక పనిని పూర్తి చేయగలవు. ఇది దోషరహిత, వేగవంతమైన పనులను చేయగల సామర్థ్యాన్ని కలిగి ఉంటుంది, అలాగే మనిషి చేయలేని చాలా పనులకు కూడా ఇది క్షణాల్లో పూర్తి చేస్తుంది. దీని వల్ల చాలా సమయం ఆదా అవుతుంది.
ఖచ్చితమైన సమాధానం
మానవుడి మెదడు లాగే ఈ ఏఐకు కూడా బ్రెయిన్ ఉంటుంది. కానీ అది కొన్ని చిప్ల రూపంలో ఉంటుంది. దీనిలో ఎంతైనా డేటాను ఉంచవచ్చు. గతంలో జరిగిన ఏదైనా విషయాన్ని గుర్తుచేసుకోవడానికి మనకు చాలా సమయం పడుతుంది. కానీ ఈ ఏఐ మాత్రం గంతలోని డేటాను విశ్లేషించి కొన్ని నిమిషాల్లోనే సరైన సమాధానం అందించే ప్రత్యేక సామర్థ్యాన్ని కలిగి ఉంటుంది. ఆ విధంగా వైద్య రంగంలో వ్యాధుల నిర్ధారణలో కృత్రిమ మేధస్సు చాలా ఉపయోగకరంగా ఉంటుందని చెబుతున్నారు.
కష్టమైన అధ్యయనాలను సులభతరం చేయడం
శాస్త్రవేత్తలు భూమి నుండి ఆకాశం వరకు ప్రపంచంలోని వివిధ అంశాలను నిరంతరం అధ్యయనం చేస్తున్నారు. ప్రతి అధ్యయనానికి కొంత సమయం అవసరం అయినప్పటికీ, కృత్రిమ మేధస్సు భవిష్యత్తులో ఇటువంటి అధ్యయనాలను చాలా సులభతరం చేస్తుందని నిపుణులు చెబుతున్నారు.
నిరంతరం పని
ఈ ఆర్టిఫిషియల్ ఇంటెలిజెన్స్ మానవుడిలా కాకుండా నిరంతరం పనిచేస్తూనే ఉంటుంది. ఇది రాత్రింబవళ్లు పనిచేసే ఫీచర్ కలిగి ఉంటుందని, దీని వల్ల ప్రజలు ఎటువంటి అంతరాలు లేకుండా నిరంతరం సేవలను పొందగలుగుతారని చెబుతున్నారు.
మరిన్ని సైన్స్ అండ్ టెక్నాలజీ వార్తల కోసం ఇక్కడ క్లిక్ చేయండి.