Tokyo Olympics 2020 Highlights: టీటీలో 3వ రౌండ్‌లోకి ఎంటరైన మణికా బాత్రా; బాక్సింగ్‌లో సత్తా చాటిన మేరీకోమ్

అంచనాలతో టోక్యో ఒలంపిక్స్ లో అడుగు పెట్టిన బాక్సర్ మనీష్ కౌశిక్ ఓటమిపాలయ్యారు. 63 కేజీల విభాగంలో తొలిరౌండ్ లోనే ఓటమిపాలయ్యాడు. 63 కేజీల విభాగంలో గ్రేట్ బ్రిటన్‌కి చెందిన లూక్ మెక్‌కార్మక్‌తో జరిగిన మ్యాచ్‌లో 1-4 తేడాతో మనీష్ కౌశిక్ పరాజయం పొందాడు. నిజానికి మనీష్ పై భారీ అంచనాలు ఉన్నాయి.

టోక్యో ఒలంపిక్స్ లో భారత మెన్ హాకీ జట్టు.. చేజేతులారా ఓటమి కొని తెచ్చుకుంది. ఆస్ట్రేలియాతో జరిగిన పోటీలో భారత హాకీ జట్టు ఓటమిపాలైంది. పెనాల్టీ కార్నర్ రూపంలో అవకాశాలు వచ్చినా భారత క్రీడాకారులు అవి గోల్స్ కింద మలచడంలో విఫలమై భారీ మూల్యం చెల్లించుకున్నారు. ఆస్ట్రేలియా జట్టు ఏకంగా ఏడు గోల్స్ చేయగా.. భారత తరపున ఏకైక గోల్ ను దిల్ ప్రీత్ సింగ్ చేశాడు.

మొదటి లీగ్ మ్యాచ్ లో న్యూజిలాండ్ పై విజయం సాధించిన భారత జట్టు.. రెండో మ్యాచ్ లో ఆస్ట్రేలియా చేతిలో భారీ పరాజయం పొందింది. నిజానికి భారత జట్టుకు గోల్స్ చేసే పలు అవకాశాలు పెనాల్టీ కార్నర్ రూపంలో వచ్చాయి. ఆట ప్రారంభమైన రెండో నిమిషంలోనే పెనాల్టీ కార్నర్ రూపంలో భారత జట్టుకి గోల్ చేసే అవకాశం దక్కింది. అయితే వచ్చిన అవకాశాన్ని వినియోగించుకోవడంలో టీమిండియా ఆలస్యం చేసింది. తర్వాత అది గోల్ గా మలచినా లెక్కలోకి రాలేదు. అనంతరం ఆస్ట్రేలియా అద్భుతంగా పుంజుకుంది. భారత్ పై అన్ని విభాగాల్లో తిరుగులేని ఆధిపత్యాన్ని చూపిస్తూ.. ఆట మొదలైన 10 నిమిషాల్లోనే మొదటి గోల్ చేసింది. మొదటి క్యార్థర్ ముసిగేసమయానికి ఆస్ట్రేలియా 21వ, 23వ, 26వ నిమిషాల్లో గోల్స్ చేసి 4-0 తేడాతో భారీ ఆధిక్యంలోకి వెళ్లింది.

మూడో క్వార్టర్‌లో భారత జట్టు తరుపున దిల్‌ప్రీత్ సింగ్ ఒక్కడే, ఆట 34వ నిమిషంలో ఏకైక గోల్చేశాడు. మూడో క్వార్ట్రర్ లో ఆస్ట్రేలియా రెండు గోల్స్ , నాలుగో క్వార్ట్రర్ లో మరో గోల్ చేసి 7-1 తేడాతో భారత పై భారీ తేడా తో ఆస్ట్రేలియా విజయబావుటా ఎగరవేసింది.

టోక్యో ఒలింపిక్స్‌ రోయింగ్‌ విభాగంలో భారత్‌ శుభారంభం చేసింది. లైట్‌వెయిట్‌ డబుల్‌ స్కల్స్‌ రెపికేజ్‌లో రోవర్స్‌ అర్జున్‌ లాల్‌-అర్వింద్‌ సింగ్‌ జోడీ అద్భుత ప్రదర్శన చేసింది. దీంతో భారత్‌ సెమీఫైనల్‌కు అర్హత సాధించింది.

సానియా జోడీ ఓటమి..

మహిళల టెన్నిస్‌ విభాగంలో సానియా జోడీ ఓటమిపాలైంది. మహిళల డబుల్స్‌ తొలి రౌండ్‌లో సానియా మీర్జా-అంకిత రైనా జోడీ లిడ్‌మిలా-నదియా(ఉక్రెయిన్‌) జంట చేతిలో ఓడిపోయింది.

ఎయిర్‌ పిస్టల్‌ విభాగంలో నిరాశ..

మహిళల 10 మీ ఎయిర్‌పిస్టల్‌ విభాగంలో భారత్‌కు నిరాశ ఎదురైంది. మనుబాకర్‌, యశస్విని 12 వ స్ధానంలో నిలిచారు. దీంతో భారత్‌ ఫైనల్‌కు అర్హత సాధించలేకపోయింది.

మహిళల ఫ్లై వెయిట్ (48-51 కిలోలు) 32 వ రౌండ్‌లో భారత్ స్టార్ బాక్సర్ మేరీకోమ్ విజయం సాధించింది. డొమినికన్ రిపబ్లిక్‌కు చెందిన మిగ్యులినా హెర్నాండెజ్ గార్సియాను 4-1తో ఓడించి, తదుపరి రౌండ్‌లోకి ఎంటరైంది.

మహిళల సింగిల్స్ రౌండ్ లో మణికా బాత్రా 4-11, 4-11, 11-7, 12-10, 8-11, 11-5, 11-7తో ఉక్రెయిన్ క్రీడాకారిణి మార్గరైటా పెసోట్స్కా పై గెలిచింది దీంతో బాత్రా 3వ రౌండ్‌లోకి ప్రవేశించింది.

ఒలింపిక్స్ టేబుల్ టెన్నిస్ మెన్స్ సింగిల్స్‌లో ఇండియా ప్లేయర్ జ్ఞానేశ్వ‌రన్ స‌త్య‌న్ ఓడిపోయాడు. రెండో రౌండ్ మ్యాచ్‌లో త‌న కంటే త‌క్కువ ర్యాంక్ క్రీడాకారుడు, హాంకాంగ్‌కు చెందిన లామ్ సియు హాంగ్ చేతిలో 7-11, 11-7, 11-4, 11-5, 10-12, 9-11, 6-11 తేడాతో పరాజయం పాలయ్యాడు.

దీపక్ కుమార్, దివ్యన్ష్ పన్వర్ ఫైనల్‌కు చేరుకోలేకపోయారు. 624.7 పాయింట్లతో దీపక్ 26 వ స్థానంలో, 622.8 పాయింట్లతో దివ్యాన్ష్ పన్వర్ 32 వ స్థానంలో నిలిచారు. చైనాకు చెందిన యాంగ్ హొరాన్ 632.7 పాయింట్లతో ఒలింపిక్ రికార్డు సృష్టించాడు.

ఈ ఏడాది ప్రవేశపెట్టిన స్కేట్ బోర్డింగ్ క్రీడలో జపాన్‌కు చెందిన యుటో హారిగోమ్ తొలి బంగారు పతకాన్ని అందుకుని రికార్డు నెలకొల్పాడు.

మహిళల టెన్నిస్‌ ప్రపంచ నెంబర్‌ వన్‌ యాష్లే బార్టీకి ఊహించని షాక్‌ తగిలింది. సారా సోరిబ్స్‌తో జరిగిన లీగ్‌ మ్యాచ్‌లో 6-4, 6-3తో వరుస సెట్లలో యాష్లే బార్టీ ఓడిపోయింది. మరోవైపు ఒలింపిక్స్‌లో సింగిల్స్ నుంచి ఇంగ్లండ్‌ స్టార్‌ ఆండీ ముర్రే గాయం కారణంగా తప్పుకున్నాడు. అయితే, డబుల్స్‌కు మాత్రం అందుబాటులో ఉంటానని వెల్లడించాడు.

మహిళల డబుల్స్‌ టెన్సిస్‌లో తీవ్ర నిరాశే ఎదురైంది. సానియా- అంకితా రైనా జోడి తొలి రౌండ్‌లోనే ఇంటిదారి పట్టారు. ఉక్రెయిన్‌ జోడీతో జరిగిన డబుల్స్‌ మ్యాచ్‌లో 6-0, 6-7(0), 8-10తో ఓడిపోయి నిరాశ పరిచారు.

సెయిలింగ్‌లో ఒలింపిక్స్‌కు అర్హత సాధించిన తొలి భారతీయ మహిళ నేత్రా కుమనన్ లేజర్ రేడియల్ రేస్ పోటీలో బరిలోకి దిగనుంది.

మహిళల డబుల్స్ మొదటి రౌండ్‌లో సానియా మీర్జా / అంకితా రైనా ఉక్రెయిన్‌కు చెందిన లియుడ్మిలా కిచెనోక్ / నాడియా కిచెనోక్‌తో తలపడుతున్నారు.

భారత మహిళా షట్లర్‌ పీవీ సింధు తన తొలి మ్యాచ్‌లో విజయం సాధించి, ఒలింపిక్స్‌లో తన ప్రయాణాన్ని ఘనంగా ప్రారంభించింది. ఇజ్రాయెల్‌కు చెందిన క్సేనియా పోలికార్పోవాతో జరుగుతున్న సింగిల్స్‌ మ్యాచ్‌లో సింధు 27-1, 20-10తో వరుస సెట్లతో గెలిచింది. ఈ మ్యాచ్ కేవలం 29 నిమిషాల్లోనే ముగిసింది.

గ్రూప్ జేలో తన మొదటి మ్యాచ్‌లో పీవీ సింధు ఇజ్రాయెల్ క్రీడాకారిణితో తలపడుతోంది. సింధు ఈసారి పతకం సాధించాలనే పట్టుదలగా బరిలోకి దిగింది

మూడవ రోజు ఎయిర్ ఫిస్టల్‌లో ఫలితాలు భారత్‌కు అనుకూలంగా రాలేదు. కానీ, రోయింగ్‌లో మాత్రం శుభవార్త అందింది. అరవింద్ సింగ్, అరుణ్ లాల్ రోయింగ్‌లో సెమీ-ఫైనల్‌కు అర్హత సాధించారు.

మను బాకర్, దేస్వాల్ ఇద్దరూ ఫైనల్స్‌కు అర్హత సాధించలేకపోయారు. మను బాకర్ 575 పాయింట్లతో 12 వ స్థానంలో, దేస్వాల్ 574 పాయింట్లతో 13 వ స్థానంలో నిలిచారు.

మను బాకర్ – 98,95,94,95,98
యశస్విని దేస్వాల్ – 95,98,94, 97, 96,95

10 మీటర్ల ఎయిర్ పిస్టల్ క్వాలిఫైయింగ్ రౌండ్లో ప్రతీ షూటర్ 10 మీటర్ల దూరం నుంచి ఆరు సిరీస్‌లలో గురిపెట్టాలి. ప్రతి సిరీస్‌లో 10 షాట్లు ఉంటాయి. అత్యధిక పాయింట్లు సాధించిన ఎనిమిది మంది ఆటగాళ్లు ఫైనల్‌ చేరుకుంటారు. మిగిలిన ప్రయాణం ఇక్కడితో ముగుస్తుంది.