Australian Open 2023: రిటైర్మెంట్ ప్రకటించిన సానియా మీర్జా .. ఆ కారణంతోనే అంటూ సోషల్ మీడియాలో పోస్ట్..
ఇండియా టెన్నిస్ స్టార్ ప్లేయర్ సంచలన నిర్ణయం తీసుకున్నారు. సానియా మీర్జా టెన్నిస్ నుంచి రిటైర్మెంట్ను ప్రకటించారు. మీర్జా ప్రొఫెషనల్ టెన్నిస్కు అధికారికంగా వీడ్కోలు పలికారు.
భారత టెన్నిస్ స్టార్ సానియా మీర్జా ఫ్యాన్స్కు షాకిచ్చింది. ఇండియా టెన్నిస్ స్టార్ ప్లేయర్ సంచలన నిర్ణయం తీసుకుంది. సానియా మీర్జా టెన్నిస్ నుంచి రిటైర్మెంట్ను ప్రకటించారు. మీర్జా ప్రొఫెషనల్ టెన్నిస్కు అధికారికంగా వీడ్కోలు పలికారు. ఈ విషయాన్ని సానియా సోషల్ మీడియా ఓ ఎమోషనల్ పోస్ట్ చేస్తూ ఈ విషయాన్ని ప్రకటించారు. ఆస్ట్రేలియన్ ఓపెన్ తర్వాత తన కొడుకుతో ఎక్కువ సమయం గడపాలనుకుంటున్నట్లు భారత టెన్నిస్ స్టార్ ఇన్స్టాగ్రామ్లో పోస్ట్ చేశారు. 30 ఏళ్ల క్రితం హైదరాబాద్కు చెందిన ఆరేళ్ల బాలిక తొలిసారిగా టెన్నిస్ కోర్టులో అడుగు పెట్టిందని, తన తల్లితో కలిసి వెళ్లిన సానియా.. టెన్నిస్ ఎలా ఆడాలో కోచ్ వివరించారని ఆయన అందులో రాసుకున్నారు. నేను టెన్నిస్ నేర్చుకోవడానికి చాలా చిన్న అనుకున్నాను అని సానియా మీర్జా రాశారు. నా కలల పోరాటం 6 సంవత్సరాల వయస్సులో ప్రారంభమైంది.
సానియా మీర్జా సోషల్ మీడియా పోస్ట్ ప్రకారం, 19 ఫిబ్రవరి 2023 నుంచి దుబాయ్లో ప్రారంభమయ్యే మొదటి గ్రాండ్ స్లామ్ ఆస్ట్రేలియన్ ఓపెన్ ఆఫ్ ది ఇయర్ తర్వాత సానియా మీర్జా తన కెరీర్కు వీడ్కోలు చెబుతున్నారు.
20 ఏళ్ల పాటు సానియా మీర్జా కెరీర్..
2013 నుంచే సానియా సింగిల్స్ ఆడటం మానేసింది. అప్పటి నుంచి ఆమె డబుల్స్లో మాత్రమే ఆడుతోంది. ఇండియన్ టెన్నిస్లో సానియా మీర్జా మహిళల టెన్నిస్కు ఓ దిక్సూచిగా నిలిచారు. సుదీర్ఘ కెరీర్లో ఎన్నో అరుదైన మైలురాళ్లను అధిగమించారు. డబుల్స్లో ప్రపంచ నెం.1 ర్యాంకును సైతం సాధించారు సానియా. దాదాపు 91 వారాల పాటు డబుల్స్లో సానియా మీర్జా నంబర్వన్గా కొనసాగి తన సత్తాను చాటుకున్నారు. గ్రాండ్ స్లామ్ టోర్నమెంట్కు చేరిన ఒపెన్ ఎరాకు చెందిన మూడవ మహిగా నిలిచారు సానియా. ఆసియా క్రీడలు, కామన్ వెల్త్ క్రీడలు, ఆఫ్రో-ఆసియా క్రీడల్లో ఆమె 14 పతకాలను సాధించిన సానియా వాటిలో 6 బంగారు పతకాలను సైతం గెలుచుకుంది.
Life update 🙂 pic.twitter.com/bZhM89GXga
— Sania Mirza (@MirzaSania) January 13, 2023
దుబాయ్లో తన చివరి టోర్నీ
2009లో ఆస్ట్రేలియన్ ఓపెన్ మిక్స్డ్ డబుల్స్లో సానియా మీర్జా విజేతగా నిలిచింది. దీని తర్వాత, 2012 సంవత్సరంలో, ఆమె ఫ్రెంచ్ ఓపెన్ మిక్స్డ్ డబుల్ను గెలుచుకున్నారు. కాగా, 2014లో యూఎస్ ఓపెన్ టైటిల్ గెలుచుకున్నారు. నిజానికి, గతంలో, సానియా మీర్జా ఆస్ట్రేలియా ఓపెన్ 2023 తన చివరి గ్రాండ్స్లామ్ అని స్పష్టం చేశారు. అలాగే, ఆస్ట్రేలియన్ ఓపెన్ తర్వాత, తాను దుబాయ్లో జరిగే టెన్నిస్ ఛాంపియన్షిప్లో పాల్గొంటానని.. ఇదే తన చివరి టెన్నిస్ టోర్నమెంట్ అని భారత వెటరన్ చెప్పింది. దుబాయ్ వేదికగా జరగనున్న టెన్నిస్ ఛాంపియన్ షిప్ తర్వాత సానియా మీర్జా టెన్నిస్ కు గుడ్ బై చెప్పనుంది.
మరిన్ని క్రీడా వార్తల కోసం