Asian Games 2023: తొలిరోజే భారత్‌కు షాక్.. చైనాపై ఓటమితో 4వ స్థానం..

Asian Games 2023

చైనాలో జరుగుతోన్న ఆసియా క్రీడలు 2023 (Asian Games) లో తొలిరోజు భారత్ ఓటమితో ఆరంభించింది. మంగళవారం సాయంత్రం జరిగిన ఫుట్‌బాల్ మ్యాచ్‌లో చైనా 5-1 తేడాతో భారత్‌పై విజయం సాధించింది. టీమ్ ఇండియా నుంచి ఏకైక గోల్ వచ్చింది. ప్రవీణ్ ఈ గోల్ చేశాడు. ఈసారి కెప్టెన్ సునీల్ ఛెత్రీ మ్యాజిక్ ఫలించలేదు. ఈ ఘోర పరాజయం తర్వాత టీమ్ ఇండియా తన గ్రూప్‌లో నాలుగో స్థానానికి చేరుకుంది.

తొలి అర్ధభాగంలో ఇరు జట్లు సమంగా నిలిచాయి..

17వ నిమిషంలో చైనా గోల్ చేయడంతో ఈ మ్యాచ్‌లో భారత్‌కు పేలవమైన ఆరంభం లభించింది. అయితే తొలి అర్ధభాగంలో భారత్ నుంచి ఆర్. ప్రవీణ్ గోల్ చేయడంతో స్కోరు 1-1తో సమమైంది. కానీ రెండో అర్ధభాగం టీమ్‌ఇండియాకు అనుకూలించకపోవడంతో చైనా 51, 72, 76, 91 నిమిషాల్లో గోల్స్ చేసింది.

చైనాతో మ్యాచ్ కోసం భారత జట్టు:

గుర్మీత్ సింగ్ (గోల్ కీపర్), లాల్చునంగ, సందేశ్, ఆయుష్, సుమిత్, అమర్జీత్, రహీమ్ అలీ, రాహుల్, సునీల్ ఛెత్రి (కెప్టెన్), బి. మిరాండా, అబ్దుల్ అంజు.

ప్రత్యామ్నాయాలు: విశాల్ యాదవ్ (గోల్ కీపర్), శామ్యూల్ జేమ్స్, వి. బారెట్టో, రోహిత్ దాను, ధీరజ్ సింగ్, అజ్ఫర్ నూరానీ.

భారత్-చైనా మ్యాచ్ తర్వాత గ్రూప్-ఎ స్టాండింగ్..

చైనా- 1 మ్యాచ్, 3 పాయింట్లు

మయన్మార్- 1 మ్యాచ్, 3 పాయింట్లు

బంగ్లాదేశ్- 1 మ్యాచ్, 0 పాయింట్లు

భారత్- 1 మ్యాచ్, 0 పాయింట్లు

మరిన్ని క్రీడా వార్తల కోసం ఇక్కడ క్లిక్ చేయండి..