Video: ఏం వైస్ కెప్టెన్ ఏంటి సంగతి.. బుడ్డోడిని కెలికిన తిలక్ వర్మ.. ఆ తర్వాత ఏం జరిగిందంటే?

Vaibhav Sooryavanshi Video: దులీప్ ట్రోఫీ ఫైనల్‌ నేటి నుంచి మొదలైంది. ముందుగా బ్యాటింగ్ చేస్తోన్న ఈస్ట్ జోన్ అద్భుతమైన ఆరంభం అందుకోవడమే కాకుండా, భారీ స్కోర్ దిశగా దూసుకపోతుంది. తొలి వికెట్ కు 100 పరుగుల భాగస్వామ్యం నమోదైంది. అయితే, టీమిండియా సెన్సెషన్ వైభవ్ సూర్యవంశీ ఔటవడంతో సెంచరీ భాగస్వామ్యం బద్దలైంది. బుడ్డోడు సౌత్ జోన్ బౌలర్ మిలింద్ బౌలింగ్‌లో పెవిలియన్ చేరాడు. అయితే, అంతకు ముందు మైదానంలో జరిగిన పరిణామాలే వైభవ్ సూర్యవంశీ వికెట్ కోల్పోవడానికి కారణమయ్యాయని నెటిజన్లు భావిస్తున్నారు. ఈ క్రమంలో తెలుగబ్బాయి, వైభవ్‌కు మధ్య ఓ వివాదం చోటు చేసుకుంది. ప్రస్తుతం ఈ వీడియో తెగ వైరలవుతోంది.

గొడవ పడిన వైభవ్, తిలక్..

దులీప్ ట్రోఫీ ఫైనల్ సందర్భంగా తిలక్ వర్మ, వైభవ్ సూర్యవంశీ గొడవపడిన ఫుటేజ్ సోషల్ మీడియాలో వైరల్ అవుతోంది. మ్యాచ్ సమయంలో ఏం జరిగిందో తెలియదు కానీ, తిలక్ స్టంప్ మైక్ ద్వారా, “ఏంటి వైస్ కెప్టెన్?” అని అనడం వినిపించింది.

44 పరుగుల వద్ద వైభవ్ సూర్యవంశీ ఔట్..

Tilak Verma vs Vaibhav Suryavanshi. pic.twitter.com/YIDfgF0qps

— Ishan’s Fan (@Ishanworld32) September 6, 2026

తిలక్ వర్మతో వైభవ్ సూర్యవంశీ ఉన్న ఈ వీడియో, అతను ఔటవ్వడానికి కొద్ది క్షణాల ముందు చోటు చేసుకుంది. సూర్యవంశీ 37 బంతుల్లో 5 ఫోర్లు, 1 సిక్సర్‌తో 44 పరుగులు చేసి ఔటయ్యాడు.

దులీప్ ట్రోఫీ ఫైనల్ తొలి ఇన్నింగ్స్‌లో 44 పరుగులు చేసిన వైభవ్ సూర్యవంశీ, అభిమన్యు ఈశ్వరన్‌తో కలిసి ఓపెనింగ్ వికెట్‌కు సెంచరీ భాగస్వామ్యం నెలకొల్పి ఈస్ట్ జోన్‌కు బలమైన ఆరంభాన్ని అందించాడు. వీరిద్దరూ కలిసి తొలి వికెట్‌కు పూర్తి 100 పరుగులు జోడించిన సంగతి తెలిసిందే.

వైభవ్ సూర్యవంశీ రెడ్ బాల్ కెరీర్..

దులీప్ ట్రోఫీ ఫైనల్ వైభవ్ సూర్యవంశీ రెడ్ బాల్ కెరీర్‌లో 11వ మ్యాచ్ కాగా, ఫైనల్‌లో అతను ఆడిన తొలి ఇన్నింగ్స్ 16వది. ఈ కాలంలో అతను రెండు హాఫ్ సెంచరీలతో 381 పరుగులు సాధించాడు. వైభవ్ ఒక అర్ధశతకాన్ని రంజీ ట్రోఫీలో, మరొక అర్ధశతకాన్ని సెంట్రల్ జోన్‌తో జరిగిన దులీప్ ట్రోఫీ సెమీ ఫైనల్‌లో సాధించాడు.