17 సిక్స్‌లు, 17 ఫోర్లు.. డబుల్ సెంచరీతో టీ20ఫార్మాట్‌కే దడపుట్టించిన జూనియర్ కాటేరమ్మ కొడుకు

Subodh Bhati

T20 Cricket: టీ20 క్రికెట్‌లో క్రికెట్ అభిమానులు ఆశ్చర్యపోయే అద్భుతమైన విజయాలు ఉన్నాయి. టీ20 ఇన్నింగ్స్‌లో 120 బంతులు ఉంటాయి. కాబట్టి ఒక బ్యాట్స్‌మన్ డబుల్ సెంచరీ చేయడం అద్భుతం లాంటిది. కాగా, టీ20 క్రికెట్‌లో డబుల్ సెంచరీ సాధించడంలో ఒక ప్రత్యేకమైన రికార్డును సృష్టించాడు. ఈ బ్యాట్స్‌మన్ కేవలం 79 బంతుల్లోనే 205 పరుగులు చేసి అజేయంగా నిలిచాడు.

టీ20 క్రికెట్‌లో డబుల్ సెంచరీ సాధించిన ఓ భారత బ్యాట్స్‌మన్ 79 బంతుల్లో 205 అజేయంగా నిలిచాడు. 2021లో ఇంటర్-క్లబ్ టీ20 మ్యాచ్‌లో సింబాపై ఢిల్లీ బ్యాట్స్‌మన్ సుబోధ్ భాటి 79 బంతుల్లో 259.49 స్ట్రైక్ రేట్‌తో 17 ఫోర్లు, 17 సిక్సర్లతో అజేయంగా 205 పరుగులు చేయడం గమనార్హం. ఆసక్తికరంగా, అతని 205 పరుగులలో 170 పరుగులు ఫోర్లు, సిక్సర్ల నుంచే వచ్చాయి.

జట్టు పరుగుల్లో 80 శాతం ఇతనివే..

మొదట బ్యాటింగ్ చేసిన ఢిల్లీ ఎలెవన్ జట్టు 20 ఓవర్లలో 1 వికెట్ నష్టానికి 256 పరుగులు చేసింది. సుబోధ్ భాటి ఇన్నింగ్స్ కారణంగా ఇంతటి భారీ స్కోన్ వచ్చింది. ఢిల్లీ ఎలెవన్ జట్టు పరుగులలో 80% సుబోధ్ భాటి ఒంటి చేత్తో సాధించాడు. సుబోధ్ భాటితో పాటు, ఢిల్లీ ఎలెవన్ జట్టులోని మిగతా ఇద్దరు బ్యాట్స్‌మెన్స్ కలిసి 31 పరుగులు చేశారు. సచిన్ భాటి 25 పరుగులు, కెప్టెన్ వికాస్ భాటి 6 పరుగులు చేశారు. ఢిల్లీ ఎలెవన్ జట్టు 20 అదనపు పరుగులు ఇచ్చింది. లక్ష్యాన్ని ఛేదించే క్రమంలో సింబా జట్టు 199 పరుగులకే కుప్పకూలింది. ఢిల్లీ ఎలెవన్ జట్టు 57 పరుగుల తేడాతో మ్యాచ్‌ను గెలుచుకుంది.

సుబోధ్ భాటి ఎవరు?

సుబోధ్ భాటి ఉత్తరప్రదేశ్ కు చెందినవాడు. సెప్టెంబర్ 29, 1990న ఉత్తరప్రదేశ్ లోని మోడిపూర్ లో జన్మించిన సుబోధ్ భాటి ఢిల్లీ తరపున దేశీయ క్రికెట్ ఆడాడు. అతను కుడిచేతి వాటం బ్యాట్స్ మాన్, మీడియం-పేస్ బౌలింగ్ లో కూడా ప్రత్యేకత కలిగి ఉన్నాడు. 10 ఫస్ట్-క్లాస్ మ్యాచ్ లలో, అతను 201 పరుగులు చేసి 22 వికెట్లు తీసుకున్నాడు. 29 లిస్ట్ ఎ మ్యాచ్ లలో, అతను 155 పరుగులు చేసి 44 వికెట్లు తీసుకున్నాడు. ఈ కాలంలో, సుబోధ్ భాటి 44 టి20 మ్యాచ్ లలో 52 వికెట్లు కూడా తీసుకున్నాడు. 139 పరుగులు చేశాడు.