LSG vs RCB IPL Match Result: కీలకమైన ఎలిమినేటర్ మ్యాచ్లో రాయల్ ఛాలెంజ్ బెంగళూరు సత్తా చాటింది. అటు బ్యాటింగ్, ఇటు బౌలింగ్లో సమిష్టిగా రాణించి విజయాన్ని అందుకుంది. లక్నోను ఓడించి క్వాలిఫయర్-2కి చేరింది. బెంగళూరు బౌలర్లు కట్టడిగా బౌలింగ్ చేయడంతో లక్నో నిర్ణీత 20 ఓవర్లలో 193 పరుగులకే పరిమితం కావాల్సి వచ్చింది. దీంతో 14 పరుగుల తేడాతో బెంగళూరు విజయకేతనం ఎగరేసింది. శుక్రవారం రాజస్థాన్, బెంగళూరు మధ్య క్వాలిఫయర్-2 జరగనుంది. లక్నో బ్యాటింగ్ విషయానికొస్తే కేఎల్ రాహుల్ (79), దీపక్ హుడా (45) పరుగులతో రాణించారు. అయితే వీరిద్దరు పెవిలియన్ బాట పట్టడంతో స్కోర్ బోర్డ్ ఒక్కసారిగా నెమ్మించింది.
ఇక బెంగళూరు బౌలింగ్ విషయానికొస్తే.. మహ్మద్ సిరాజ్, హేజిల్వుడ్, వానిందు హసరంగ, హర్షల్ పటేల్ తలో వికెట్ పడగొట్టారు. అంతకు ముందు తొలుత బ్యాటింగ్ చేసిన బెంగళూరు బ్యాటర్లు దుమ్మురేపారు. నిర్ణీత 20 ఓవర్లలో 4 వికెట్ల నష్టానికి 207 పరుగులు సాధించింది. రాజత్ పాటిదార్ కేవలం 54 బంతుల్లో 12 ఫోర్లు, 7 సిక్స్లతో 112 పరుగులు చేసి అజేయంగా నిలిచాడు. జట్టు స్కోరు పెరగడంలో కీలక పాత్ర పోషించాడు. దినేష్ కార్తిక్ (37), విరాట్ కోహ్లీ (25) పరుగులు చేసి జట్టు స్కోర్ పెరగడంలో తమవంతు పాత్ర పోషించారు.
మరిన్ని ఐపీఎల్ కథనాల కోసం క్లిక్ చేయండి..