ఒకవేళ 3వ వన్డే జరిగి ఉంటే.. గెలిచే టీం ఇదే.. కివీస్ మాజీ దిగ్గజం ఇంట్రెస్టింగ్ కామెంట్స్..!

Ross Taylor Key Comments On Ind Vs Nz 3rd Odi

Ross Taylor Key Comments on IND vs NZ 3rd ODI: భారత్, న్యూజిలాండ్ మధ్య హామిల్టన్‌లోని సెడన్ పార్క్ వేదికగా జరగాల్సిన మూడో వన్డే మ్యాచ్ వర్షం కారణంగా పూర్తిస్థాయిలో రద్దు కావడంతో క్రికెట్ అభిమానులు నిరాశ చెందారు. మ్యాచ్ ప్రారంభానికి ముందే కురిసిన వర్షం వల్ల టాస్ వేయడానికి సుమారు రెండు గంటల ఆలస్యం ఏర్పడింది. అనంతరం, వరుసగా మూడోసారి టాస్ గెలిచిన శుభమన్ గిల్ బౌలింగ్ ఎంచుకున్నాడు. అయితే న్యూజిలాండ్ బ్యాటింగ్ ప్రారంభించే ముందే వర్షం మళ్లీ మొదలై, ఎంతకీ తగ్గకపోవడంతో ఎంపైర్లు మ్యాచ్‌ను రద్దు చేస్తున్నట్లు ప్రకటించారు.

ఈ పరిణామాలపై న్యూజిలాండ్ మాజీ మిడిల్ ఆర్డర్ బ్యాటర్ రాస్ టేలర్ స్పందించారు. సెడన్ పార్క్ రికార్డుల ప్రకారం, ఈ మైదానం చేజింగ్‌కు ఎక్కువగా అనుకూలంగా ఉంటుందని ఆయన పేర్కొన్నారు. మ్యాచ్ జరిగి ఉంటే టీమిండియాకు గెలుపు అవకాశాలు చాలా బలంగా ఉండేవని టేలర్ అభిప్రాయపడ్డారు. ఈ అవకాశాన్ని టీమిండియా కోల్పోయినప్పటికీ, మరోవైపు న్యూజిలాండ్‌కు సిరీస్‌ను దక్కించుకునే అవకాశం ఎగిరిపోయిందని ఆయన గుర్తు చేశారు. చివరి రెండు మ్యాచ్‌లు గెలిచి సిరీస్‌ను 2-2తో సమం చేయగలదే తప్ప, న్యూజిలాండ్‌కు సిరీస్ గెలిచే అవకాశం లేదని టేలర్ విశ్లేషించారు. కానీ టీమిండియాకు మాత్రం మిగిలిన రెండు మ్యాచ్‌లలో ఒకటి గెలిచినా సిరీస్ 3-1తో, లేదా రెండూ గెలిచినా 4-0తో సిరీస్‌ను కైవసం చేసుకునే అవకాశం ఉండేదని అన్నారు.

ఎక్కువమంది చదివినది: Video: 3.2 ఓవర్లలో 7 పరుగులు.. హ్యాట్రిక్‌తోపాటు 6 వికెట్లు.. టీమిండియా బౌలర్ నయా రికార్డ్ గుర్తుందా..?

ఈ నేపథ్యంలో, న్యూజిలాండ్ జట్టు బ్యాడ్ లక్ గురించి ప్రస్తావిస్తూ రాస్ టేలర్ కొన్ని కీలక వ్యాఖ్యలు చేశారు. “మేము వరుసగా టీ20లు, వన్డేలలో టాస్ ఓడిపోతున్నాము. చేజింగ్‌కు అనుకూలంగా ఉన్న మైదానాలపై టీమిండియా విజయం సాధిస్తుండటం తమకు ఏదీ కలిసి రాలేదు” అని రాస్ టేలర్ ఆవేదన వ్యక్తం చేశారు. వాతావరణ పరిస్థితులు, న్యూజిలాండ్ పిచ్‌లపై చేజింగ్ అనుకూలంగా ఉండటం భారత్‌కు బాగా కలిసొచ్చిందని ఆయన అన్నారు. సెడన్ పార్క్ వేదికగా జరిగే మూడో వన్డే వర్షం కారణంగా రద్దు కాకుండా ఉండి ఉంటే, విజయ అవకాశాలు టీమిండియాకే ఉండేవని మరోసారి స్పష్టం చేశారు. పిచ్ పరిస్థితులు సెకండ్ బ్యాటింగ్ చేసేందుకు అనుకూలంగా ఉండడంతో భారత్ వైపు విజయ అవకాశాలు ఉన్నప్పటికీ, ఒకవేళ న్యూజిలాండ్ ఈ పిచ్‌పై 250కి పైగా లక్ష్యం నిర్దేశించి ఉంటే తమ జట్టు న్యూజిలాండ్ పైచేయి సాధించే అవకాశాలు కూడా లేకపోలేదని రాస్ టేలర్ వివరించారు.

ఎక్కువమంది చదివినది: 149 ఏళ్ల టెస్ట్ క్రికెట్ చరిత్రలో తొలిసారి.. ప్రపంచ రికార్డుతో తొలి టీంగా జింబాబ్వే సంచలన రికార్డ్..!

అదే సమయంలో, టీమిండియా ఫాస్ట్ బౌలర్ల అద్భుత ప్రదర్శనను రాస్ టేలర్ కొనియాడారు. “టీమిండియా బౌలర్లు న్యూజిలాండ్ పిచ్‌లపై మంచి అవగాహనతో వచ్చినట్లు ఉన్నారు. ఖచ్చితమైన లైన్ అండ్ లెంగ్త్‌తో బంతులు వేస్తున్నారు. పిచ్‌లకు తగ్గట్టుగా వారి బౌలింగ్ ఉంది. విదేశాల్లో ఆడుతున్నామనే భావనతో కాకుండా స్వదేశంలో ఆడుతున్నామనే అంచనాలతో ఆడుతున్నారు. అందుకే టీమిండియా బౌలర్లు రాణించగలుగుతున్నారు” అని రాస్ టేలర్ అన్నారు. ఏది ఏమైనా, సిరీస్‌ను మాత్రం న్యూజిలాండ్ దక్కించుకునే అవకాశాలను కోల్పోయిందని ఆయన ముగించారు.