KL Rahul: ఎంఎస్ ధోని స్పెషల్ జాబితాలో చేరిన కేఎల్ రాహుల్.. ఆ రికార్డ్ ఏంటంటే?
India vs South Africa: దక్షిణాఫ్రికాతో జరుగుతున్న ఈ మ్యాచ్లో తొలి ఇన్నింగ్స్లో తొలి రోజు ఆట ముగిసే సమయానికి టీమిండియా 8 వికెట్లు కోల్పోయి 208 పరుగులు చేసింది. ఇక రెండో రోజు ఆట ప్రారంభించిన భారత్.. 65 ఓవర్లకు 8 వికెట్లు కోల్పోయి 232 పరుగులు చేసింది. ప్రస్తుతం క్రీజులో కేఎల్ రాహుల్ (89), మహ్మద్ సిరాజ్ (5) క్రీజులో నిలిచారు.
దక్షిణాఫ్రికాతో జరుగుతున్న తొలి టెస్టు మ్యాచ్లో కేఎల్ రాహుల్ అజేయ అర్ధ సెంచరీ సాధించి ప్రత్యేక రికార్డు సృష్టించాడు. భారత వికెట్ కీపర్ బ్యాట్స్మెన్ మహేంద్ర సింగ్ ధోనీ, రిషబ్ పంత్ రికార్డులను సమం చేయడం కూడా విశేషం.
ఈ మ్యాచ్లో, 6వ నంబర్లో బ్యాటింగ్ చేస్తోన్న కేఎల్ రాహుల్ 105 బంతుల్లో 10 ఫోర్లు, 2 సిక్సర్లతో అజేయంగా 70 పరుగులతో తొలిరోజు అజేయంగా నిలిచాడు. దీనితో పాటు, అతను మూడు ఫార్మాట్లలో ఒక విదేశీ పిచ్పై 50+ పరుగులు చేసిన మూడవ భారత వికెట్ కీపర్ బ్యాట్స్మెన్గా నిలిచాడు.
ఇంతకు ముందు భారత వికెట్ కీపర్ బ్యాట్స్మెన్ మహేంద్ర సింగ్ ధోనీ, రిషబ్ పంత్ మాత్రమే ఈ ఘనత సాధించారు. విదేశాల్లో జరిగిన వన్డే, టీ20, టెస్ట్ క్రికెట్లో పంత్, ధోనీ 50+ స్కోర్ల ప్రత్యేక రికార్డును లిఖించారు.
అంతకుముందు విదేశాల్లో జరిగిన వన్డే, టీ20 క్రికెట్లో వికెట్ కీపర్ బ్యాట్స్మెన్గా ఆడిన కేఎల్ రాహుల్ 50+ పరుగులు చేసి మెరిశాడు. టెస్టుల్లోనూ వికెట్ కీపర్గా ప్రమోట్ అయిన రాహుల్.. దక్షిణాఫ్రికాపై హాఫ్ సెంచరీ సాధించాడు. దీని ద్వారా ధోనీ-పంత్ పేరిట ఉన్న ప్రత్యేక రికార్డు జాబితాలో కేఎల్ రాహుల్ చేరిపోయాడు.
దక్షిణాఫ్రికాతో జరుగుతున్న ఈ మ్యాచ్లో తొలి ఇన్నింగ్స్లో తొలి రోజు ఆట ముగిసే సమయానికి టీమిండియా 8 వికెట్లు కోల్పోయి 208 పరుగులు చేసింది. ఇక రెండో రోజు ఆట ప్రారంభించిన భారత్.. 65 ఓవర్లకు 8 వికెట్లు కోల్పోయి 232 పరుగులు చేసింది. ప్రస్తుతం క్రీజులో కేఎల్ రాహుల్ (89), మహ్మద్ సిరాజ్ (5) క్రీజులో నిలిచారు.