Test Record: సచిన్ 200 మ్యాచ్‌ల ప్రపంచ రికార్డ్ అవుట్.. 167వ టెస్టులోనే సంచలనం సృష్టించిన ఇంగ్లాండ్ బ్యాటర్

Test Record: ఇంగ్లాండ్ క్రికెట్ దిగ్గజం జో రూట్ మరో చారిత్రాత్మక రికార్డును తన పేరిట లిఖించుకున్నాడు. పాకిస్థాన్‌తో జరుగుతున్న తొలి టెస్టులో సచిన్ టెండూల్కర్ పేరిట ఉన్న ప్రపంచ రికార్డును అత్యంత తక్కువ మ్యాచ్‌ల్లోనే సమం చేశాడు. టెస్టుల్లో 68వ హాఫ్ సెంచరీతో ప్రపంచ క్రికెట్‌లో సరికొత్త సంచలనం సృష్టించాడు. హెడింగ్లే వేదికగా పాకిస్థాన్‌తో జరుగుతున్న తొలి టెస్టు మ్యాచ్‌లో ఇంగ్లాండ్ కెప్టెన్ జో రూట్ అద్భుతమైన ఇన్నింగ్స్‌తో రాణించాడు. మొదటి ఇన్నింగ్స్‌లో బ్యాటింగ్ చేస్తూ 10 ఫోర్ల సహాయంతో 66 పరుగులు సాధించాడు. ఈ పరుగులతో టెస్ట్ క్రికెట్ చరిత్రలోనే అత్యధిక హాఫ్ సెంచరీలు చేసిన బ్యాటర్‌గా క్రికెట్ దేవుడు సచిన్ టెండూల్కర్ పేరిట ఉన్న ప్రపంచ రికార్డును సమం చేశాడు. సచిన్ తన సుదీర్ఘ టెస్టు కెరీర్‌లో 200 మ్యాచ్‌లలో 68 హాఫ్ సెంచరీలు సాధిస్తే, జో రూట్ కేవలం 167వ టెస్టులోనే ఈ అరుదైన మైలురాయిని చేరుకోవడం విశేషం.

రెండో ఇన్నింగ్స్‌లో సచిన్‌ను దాటేసే గోల్డెన్ ఛాన్స్

సచిన్ టెండూల్కర్ రికార్డును సమం చేసిన జో రూట్‌కు ఇదే మ్యాచ్ రెండో ఇన్నింగ్స్‌లో ఆ రికార్డును పూర్తిగా బద్దలు కొట్టే గొప్ప అవకాశం దక్కింది. రెండో ఇన్నింగ్స్‌లో మరో ఫిఫ్టీ సాధిస్తే టెస్ట్ క్రికెట్‌లో అత్యధిక హాఫ్ సెంచరీలు (69) చేసిన ఏకైక బ్యాటర్‌గా చరిత్ర సృష్టిస్తాడు. ప్రస్తుత రూట్ ఫామ్ చూస్తుంటే సచిన్ సాధించిన రికార్డులను ఒక్కొక్కటిగా తిరగరాసేలా కనిపిస్తున్నాడు. ప్రపంచంలో మరే బ్యాటర్ కూడా ఇన్ని తక్కువ మ్యాచ్‌ల్లో ఈ స్థాయిలో స్థిరంగా పరుగులు సాధించలేదు.

ఎక్కువమంది చదివినది: వైభవ్ సూర్యవంశీ కంటే నేనే తోపు అన్నాడు.. కట్‌చేస్తే.. మైదానంలోనే పరువు పోగొట్టుకున్నాడుగా..!

టెస్ట్ క్రికెట్‌లో అత్యధిక ఫిఫ్టీల జాబితా

ప్రస్తుతం టెస్ట్ క్రికెట్ చరిత్రలో అత్యధిక హాఫ్ సెంచరీలు చేసిన ఆటగాళ్ల జాబితాలో జో రూట్, సచిన్ టెండూల్కర్ చెరో 68 ఫిఫ్టీలతో అగ్రస్థానంలో కొనసాగుతున్నారు. రూట్ కేవలం 167 మ్యాచ్‌ల్లోనే ఈ మైలురాయిని అందుకోగా, సచిన్ 200 మ్యాచ్‌ల్లో దీనిని సాధించాడు. రాబోయే రోజుల్లో రూట్ ఈ రికార్డులో స్పష్టమైన ఆధిపత్యం చెలాయించే అవకాశాలు మెండుగా ఉన్నాయి.

ఎక్కువమంది చదివినది: SL vs IND: 7 ఇన్నింగ్స్‌లో ఒకే ఒక్క హాఫ్ సెంచరీ.. వేటుకు సిద్ధమైన గంభీర్?

మాస్టర్ బ్లాస్టర్ 51 సెంచరీలపైనే కన్ను

కేవలం ఫిఫ్టీల రికార్డే కాకుండా సచిన్ టెండూల్కర్ పేరిట ఉన్న 51 టెస్ట్ సెంచరీల రికార్డును కూడా రూట్ లక్ష్యంగా చేసుకున్నాడు. ప్రస్తుతం జో రూట్ ఖాతాలో 41 టెస్ట్ సెంచరీలు ఉన్నాయి. అత్యధిక టెస్ట్ సెంచరీల జాబితాలో ప్రస్తుతం మూడో స్థానంలో ఉన్న రూట్, సౌతాఫ్రికా దిగ్గజం జాక్ కలిస్ (45 సెంచరీలు) సాధించిన రికార్డుకు సమీపంలో ఉన్నాడు. ప్రస్తుతం మైదానంలో ఆడుతున్న ఆటగాళ్లలో సచిన్ శతకాల రికార్డును బద్దలు కొట్టే సామర్థ్యం ఒక్క జో రూట్‌కు మాత్రమే ఉందనడంలో ఎలాంటి సందేహం లేదు.

మరిన్ని క్రికెట్‌ వార్తల కోసం ఇక్కడ క్లిక్‌ చేయండి..