Jaydev Unadkat: టీమ్ ఇండియాకు తిరిగి వచ్చే ఆలోచన చేయడం లేదు.. నా దృష్టంతా దానిపైనే..

Jaydev Unadkat (1)

భారత లెఫ్టార్మ్ ఫాస్ట్ బౌలర్ జయదేవ్ ఉనద్కత్ కేవలం 19 ఏళ్ల వయసులో టెస్టుల్లో అరంగేట్రం చేశాడు. అతను దక్షిణాఫ్రికాలో భారతదేశం తరఫున తన మొదటి టెస్ట్ మ్యాచ్ ఆడాడు. కానీ ఆ తర్వాత రెండో టెస్టు మ్యాచ్ ఆడలేకపోయాడు. దీని తర్వాత, అతను ఇండియా తరఫున ఏడు ODIలు, 10 టీ20 మ్యాచ్‌లు ఆడాడు. అతను 2018లో భారత్ తరఫున తన చివరి మ్యాచ్ ఆడాడు. అప్పటి నుంచి దేశవాళీ క్రికెట్‌లో నిలకడగా రాణిస్తున్నప్పటికీ టీమ్ ఇండియాలో పునరాగమనం చేయలేకపోయాడు. అతని కెప్టెన్సీలో ఉనద్కత్ సౌరాష్ట్ర రంజీ ట్రోఫీ విజేతగా కూడా నిలిచాడు.

గత రంజీ సీజన్‌లో 67 వికెట్లు తీశాడు. ఆ తర్వాత కూడా టెస్టు జట్టులోకి రాలేకపోయాడు. అప్పట్లో అతడికి అశ్విన్ మద్దతుగా నిలించాడు. ఈ విషయాన్ని ఉనద్కత్ గుర్తు చేసుకున్నాడు. గత రంజీ సీజన్‌లో ఉనద్కత్ అద్భుతంగా ఆడాడు. కోవిడ్ కారణంగా గత రెండేళ్లుగా రంజీ ట్రోఫీ జరగలేదు. ‘ప్రస్తుతం తాను టీమ్ ఇండియాకు తిరిగి వచ్చే ఆలోచన చేయడం లేదని, రంజీ ట్రోఫీలో ఆడుతూ అక్కడ బాగా రాణించడమే తన దృష్టి అని జయదేవ్ చెప్పాడు. ఈసారి రంజీ ట్రోఫీని రెండు దశల్లో నిర్వహించాలని బీసీసీఐ నిర్ణయించింది. దీంతో పలువురు క్రికెటర్లు సంతోషం వ్యక్తం చేస్తున్నారు.
ఉనద్కత్ మాట్లాడుతూ, “నేను చివరిసారిగా 2018లో నిదహాస్ ట్రోఫీలో భారత జట్టులో ఆడాను. ఇండియా Aతో నా చివరి పర్యటన 2016లో జరిగింది. నేను భారత జట్టు గురించి ఆలోచించడం లేదు, ఎర్ర బంతితో ఆడేందుకు ఎదురుచూస్తున్నాను. దయచేసి అది జరగనివ్వండి.”

Read Also.. IND vs WI: భారత పర్యటనలో వెస్టిండీస్‌దే పైచేయి అవుతుంది.. కరీబియన్ మాజీ కెప్టెన్ డారెన్ సామీ..