IPL 2022 Orange Cap: టాప్-10లో చేరిన హార్దిక్.. అగ్రస్థానం నుంచి గిల్ డ్రాప్.. ఆరెంజ్‌ లిస్టులో ఎవరున్నారంటే?

Shubman Gill

ఐపీఎల్ 2022 (IPL 2022)లో భారత యువ బ్యాట్స్‌మెన్ శుభ్‌మన్ గిల్‌(Shubman Gill)అద్భుతంగా రాణిస్తున్నాడు. జట్టు మార్పుతో, గిల్ వైఖరిలో కూడా మార్పు వచ్చింది. కొత్త జట్టు గుజరాత్ టైటాన్స్ కోసం యువ బ్యాట్స్‌మెన్ నిలకడగా బ్యాటింగ్ చేస్తున్నాడు. 22 ఏళ్ల శుభ్‌మన్ గిల్ ఈ సీజన్‌లో ఓపెనింగ్ మ్యాచ్‌ల్లో అత్యధిక పరుగులు చేసిన ఆటగాడి రేసులో చేరడానికి ఇదే కారణం. అయితే, సోమవారం సన్‌రైజర్స్ హైదరాబాద్ (SRH vs GT) తో జరిగిన మ్యాచ్‌లో గిల్ తక్కువ పరుగులకే పెవిలియన్ చేరాడు. దీని కారణంగా అతను ఇప్పటికీ ఆరెంజ్ క్యాప్(IPL Orange Cap) రేసులో నిలిచాడు.

డీవై పాటిల్ స్టేడియంలో హైదరాబాద్, గుజరాత్‌లకు ఇరు జట్ల కెప్టెన్లు భారీ ఇన్నింగ్స్ ఆడారు. గుజరాత్ తరపున, మొదటి కెప్టెన్ హార్దిక్ పాండ్యా అజేయంగా 50 పరుగులు చేశాడు. దాని ఆధారంగా జట్టు స్కోరు 162 పరుగులకు చేరుకుంది. ఆ తర్వాత కెప్టెన్ కేన్ విలియమ్సన్ హైదరాబాద్ నుంచి 57 పరుగులతో ధీటుగా ఇన్నింగ్స్ ఆడి జట్టుకు విజయానికి పునాదిరాయిని సిద్ధం చేశాడు. అయితే, ఈ ఇన్నింగ్స్‌లు ఉన్నప్పటికీ, ఇద్దరు బ్యాట్స్‌మెన్ ఆరెంజ్ క్యాప్ రేసులో వెనుకబడ్డారు. హార్దిక్ 141 పరుగులతో 9వ స్థానంలో ఉండగా, విలియమ్సన్ 107 పరుగులతో 23వ స్థానంలో ఉన్నారు.

గిల్ ఆటతీరు..

ఇక శుభ్‌మన్ గిల్ విషయానికొస్తే.. కోల్‌కతా నైట్ రైడర్స్ నుంచి బయటకు వచ్చిన ఈ బ్యాట్స్‌మెన్ వరుసగా రెండు అద్భుతమైన ఇన్నింగ్స్‌లు ఆడి సెంచరీకి చేరువలో మిస్ అయ్యాడు. ఢిల్లీ క్యాపిటల్స్‌పై గిల్ 80 పరుగులు చేయగా, పంజాబ్ కింగ్స్‌పై 96 పరుగుల వద్ద ఔటయ్యాడు. అలాంటి పరిస్థితుల్లో గుజరాత్‌పై 39 పరుగులు చేసినా ఆరెంజ్ క్యాప్‌ను కైవసం చేసుకునేవాడు. అయితే, ఇన్నింగ్స్ మూడో ఓవర్‌లో కేవలం 7 పరుగులు మాత్రమే చేసి ఔటయ్యాడు. ఈ విధంగా, గిల్ ప్రస్తుతం 4 ఇన్నింగ్స్‌లలో 187 పరుగులు సాధించాడు. అతను క్వింటన్ డి కాక్ (188) తర్వాత రెండవ స్థానంలో ఉన్నాడు.

ఈ బ్యాట్స్‌మెన్స్ కూడా పోటీదారులే..

గిల్‌తోపాటు ఆరెంజ్ క్యాప్ కోసం మరికొందరు పోటీపడుతున్నారు. రాజస్థాన్ రాయల్స్‌కు చెందిన జోస్ బట్లర్ అగ్రస్థానంలో కొనసాగుతున్నాడు. అతను నాలుగు ఇన్నింగ్స్‌ల తర్వాత 218 పరుగులు చేశాడు. ఈ సీజన్‌లో ఇప్పటివరకు సెంచరీ చేసిన ఏకైక బ్యాట్స్‌మెన్‌గా నిలిచాడు. వీరితో పాటు లక్నో సూపర్ జెయింట్స్ ఓపెనర్ క్వింట్ డి కాక్ 188 పరుగులతో మూడో స్థానంలో ఉన్నాడు. ముంబై ఇండియన్స్ ఆటగాడు ఇషాన్ కిషన్ 175 పరుగులు చేయగా, రాజస్థాన్ ఆటగాడు షిమ్రోన్ హెట్మెయర్ 168 పరుగులు చేశాడు.

Also Read: IPL 2022 Purple Cap: వికెట్ల రేసులో దూసుకొస్తోన్న హైదరాబాద్ పేసర్.. అగ్రస్థానంలోనే చాహల్..

IPL 2022: వరుసగా రెండో మ్యాచ్‌ గెలిచిన సన్‌రైజర్స్‌ హైదరాబాద్‌.. కెప్టెన్‌ ఇన్సింగ్స్‌ ఆడిన విలియమ్సన్..