పాకిస్తాన్ పాలిట యముడిలా మారిన టీమిండియా బౌలర్.. ఆసియా కప్ ఫైనల్లో చిరస్మరణీయ ప్రదర్శన.. ఆ హైదరాబాదీ ఎవరో తెలుసా?
ఈ మ్యాచ్‌లో పాకిస్తాన్ క్రికెట్ జట్టుకు యముడిలా తయారయ్యాడు. అత్యుత్తమ ప్రదర్శనతో ఆ టీంను చావుదెబ్బతీసి, టీమిండియా విజయానికి కీలకంగా మారాడు.
అతను బంతి పట్టుకుంటే ఆఫ్-స్పిన్‌తో వికెట్ల వేట.. బ్యాటుతో లోయర్ ఆర్డర్‌లో పరుగుల వరద.. ఫీల్డింగ్‌లో అద్భుతాలు చేశాడు. టీమిండియాలోకి ఎంట్రీ ఇచ్చిన తొలి మ్యాచులోనే అద్భుత ప్రదర్శన చేశాడు. అలాగే ఆసియా కప్ ఫైనల్లో పాకిస్థాన్ క్రికెట్ జట్టును చిత్తు చేయడంలో కీలక పాత్ర పోషించాడు. ఈరోజు అంటే ఆగస్టు 2న ఈ భారత క్రికెటర్ పుట్టినరోజు. ఆయనెవరో కాదు మన హైదరాబాద్‌ క్రికెటర్ అర్షద్ ఆయూబ్. 1958లో ఇదే రోజున జన్మించాడు.
అర్షద్ అయూబ్ 25 నవంబర్ 29 నుంచి 1987 వరకు ఢిల్లీలో వెస్టిండీస్‌తో జరిగిన టెస్ట్ మ్యాచ్‌లో అంతర్జాతీయ అరంగేట్రం చేశాడు. ఈ మ్యాచ్‌లో వెస్టిండీస్ జట్టు ఐదు వికెట్ల విజయాన్ని నమోదు చేసింది. అయితే వెస్టిండీస్ రెండో ఇన్నింగ్స్‌లో నాలుగు వికెట్లు తీసి సత్తాచాటాడు. ఇక అయూబ్ చిరస్మరణీయ ప్రదర్శన విషయానికొస్తే, 1988 లో ఢాకాలో పాకిస్థాన్‌తో జరిగిన ఆసియా కప్ ఫైనల్లో జరిగింది. ఈ మ్యాచ్‌లో అర్షద్ 9 ఓవర్లలో 21 పరుగులకు ఐదు వికెట్లు పడగొట్టాడు. అతని సూపర్ బౌలింగ్ కారణంగా, పాకిస్తాన్ జట్టు 142 పరుగులకే కుప్పకూలింది. ఈ టార్గెట్‌ను టీమిండియా 40.4 ఓవర్లలో 6 వికెట్లు కోల్పోయి ఛాంపియన్‌గా మారింది.
13 టెస్టులు, 32 వన్డేలు..
రైట్ ఆర్మ్ స్పిన్నర్ అర్షద్ అయూబ్ తన కెరీర్‌లో టీమిండియా తరపున 13 టెస్టు మ్యాచ్‌లు ఆడాడు. ఇందులో అతను 41 వికెట్లు పడగొట్టాడు. ఇన్నింగ్స్‌లో అతని అత్యుత్తమ ప్రదర్శన 50 పరుగులకు ఐదు వికెట్లుగా నమోదైంది. ఈ మ్యాచ్‌లో 104 పరుగులకు 8 వికెట్లు పడగొట్టాడు. అతను ఒక ఇన్నింగ్స్‌లో మూడుసార్లు ఐదు లేదా అంతకంటే ఎక్కువ వికెట్లు దక్కించుకున్నాడు. అలాగే 32 వన్డేల్లో 31 వికెట్లు తీశాడు. వాటిలో పాకిస్థాన్‌పై 21 పరుగులకు ఐదు వికెట్ల ప్రదర్శన ఎంతో విలువైనదిగా నమోదైంది. ఇవి కాకుండా, అర్షద్ అయూబ్ 98 ఫస్ట్-క్లాస్ మ్యాచ్‌లలో 361 వికెట్లు, 54 లిస్ట్ ఏ మ్యాచ్‌లలో 54 వికెట్లు పడగొట్టాడు.