IND Vs WI: హిట్ మ్యాన్ రీఎంట్రీతో స్టార్ ఓపెనర్కు నో ఛాన్స్.. భారత్-విండీస్ తుది జట్టు ఇదే
IND Vs WI: భారత్, వెస్టిండీస్ మధ్య సెప్టెంబర్ 27న తిరువనంతపురంలో తొలి వన్డే జరగనుంది. రోహిత్ శర్మ తిరిగి జట్టులోకి రావడంతో యశస్వి జైస్వాల్కు తుది జట్టులో చోటు దక్కుతుందా అనే ఆసక్తి నెలకొంది. శుభ్మన్ గిల్, విరాట్ కోహ్లీ, కేఎల్ రాహుల్, రుతురాజ్ గైక్వాడ్ వంటి ఆటగాళ్లతో టీమిండియా బలంగా కనిపిస్తోంది.
IND Vs WI: భారత క్రికెట్ జట్టు త్వరలో వెస్టిండీస్తో తలపడేందుకు సిద్ధమైంది. ఇరు జట్ల మధ్య మూడు మ్యాచ్ల వన్డే సిరీస్లో భాగంగా తొలి మ్యాచ్ సెప్టెంబర్ 27న తిరువనంతపురంలో జరగనుంది. ఈ మ్యాచ్ కోసం ఇప్పటికే రెండు జట్లు వేదికకు చేరుకున్నాయి. స్టార్ బ్యాటర్ శ్రేయస్ అయ్యర్ ప్రస్తుతం జపాన్లో జరిగే ఆసియా క్రీడల జట్టుతో బిజీగా ఉండటం వల్ల ఈ సిరీస్కు అందుబాటులో లేడు. అయినప్పటికీ సెలక్టర్లు అత్యంత పటిష్టమైన స్క్వాడ్ను ఎంపిక చేశారు. రుతురాజ్ గైక్వాడ్, ఆకిబ్ నబీ, నమన్ ధీర్ వంటి యువ ఆటగాళ్లతో పాటు, అనుభవజ్ఞుడైన రవీంద్ర జడేజా కూడా వన్డే జట్టులోకి రీఎంట్రీ ఇచ్చారు.
రోహిత్ శర్మ రాకతో జైస్వాల్కు నో ఛాన్స్
బలమైన జట్టు అందుబాటులో ఉన్నప్పటికీ కొంతమంది స్టార్ ఆటగాళ్లకు తొలి వన్డే తుది జట్టులో స్థానం దక్కడం సందేహంగా మారింది. ముఖ్యంగా అద్భుతమైన ఫామ్లో ఉన్న యశస్వి జైస్వాల్ బెంచ్కే పరిమితం అయ్యే అవకాశాలు కనిపిస్తున్నాయి. కెప్టెన్ రోహిత్ శర్మ, శుభ్మన్ గిల్ ఓపెనర్లుగా బరిలోకి దిగడం ఖాయం కాగా, మూడో స్థానంలో విరాట్ కోహ్లీ ఆడనున్నాడు. దీంతో టాప్ ఆర్డర్లో యశస్వి జైస్వాల్కు చోటు దక్కడం కష్టంగా మారింది. ఇప్పటివరకు ఆడిన 6 వన్డేల్లో 71.25 సగటుతో 285 పరుగులు చేసిన జైస్వాల్ వంటి ఫామ్ ఉన్న ఆటగాడు ఉండటం ఆశ్చర్యకరమే.
నంబర్-4 స్థానంలో రుతురాజ్ గైక్వాడ్కు ఛాన్స్?
శ్రేయస్ అయ్యర్ గైర్హాజరీలో ఖాళీ అయిన నంబర్-4 స్థానంలో ఎవరికి అవకాశం దక్కుతుందనే ఉత్కంఠ నెలకొంది. ఈ పొజిషన్లో రుతురాజ్ గైక్వాడ్ను ఆడించే అవకాశాలు ఎక్కువగా ఉన్నాయి. గైక్వాడ్ ఇప్పటివరకు 9 వన్డేల్లో 228 పరుగులు సాధించాడు. ఇక వికెట్ కీపర్గా కేఎల్ రాహుల్ ఐదో స్థానంలో బరిలోకి దిగనుండగా, ఆల్ రౌండర్ల కోటాలో నితీశ్ కుమార్ రెడ్డి, రవీంద్ర జడేజా జట్టుకు అదనపు బలాన్ని చేకూర్చనున్నారు.
భారత తుది జట్టు(అంచనా)
వెస్టిండీస్తో జరగనున్న తొలి వన్డే మ్యాచ్ కోసం టీమిండియా అంచనా వేసిన తుది జట్టు వివరాలు ఇలా ఉన్నాయి: రోహిత్ శర్మ (కెప్టెన్), శుభ్మన్ గిల్, విరాట్ కోహ్లీ, రుతురాజ్ గైక్వాడ్, కేఎల్ రాహుల్ (వికెట్ కీపర్), నితీశ్ కుమార్ రెడ్డి, రవీంద్ర జడేజా, కుల్దీప్ యాదవ్, మహ్మద్ సిరాజ్, ప్రసిద్ధ్ కృష్ణ, గురునూర్ బ్రార్.
మరిన్ని క్రికెట్ వార్తల కోసం ఇక్కడ క్లిక్ చేయండి..