6 అడుగుల బుల్లెట్ వచ్చేశాడు.. ఇక అతన్ని మర్చిపోండి.. రీఎంట్రీ కష్టమే..!
Kris Srikkanth comments on Number 3 Place: శ్రీలంకతో జరుగుతోన్న తొలి టెస్ట్ మ్యాచ్లో లక్కీగా అవకాశం దక్కించుకున్న పడిక్కల్, అద్భుత సెంచరీతో ఆకట్టుకున్నాడు. ఈ క్రమంలో టీమిండియా మాజీ ప్లేయర్ క్రిష్ శ్రీకాంత్ కీలక వ్యాఖ్యలు చేయడం గమనార్హం.
Updated on: Aug 17, 2026 | 3:24 PM
Kris Srikkanth comments on Number 3 Place: శ్రీలంకతో జరుగుతున్న తొలి టెస్టులో భారత తుది జట్టు సంచలంగా మారింది. గాయంతో యువ బ్యాటర్ సాయి సుదర్శన్ తప్పుకోవడంతో ఆ స్థానంలో లక్కీ ఛాన్స్ కొట్టేసిన దేవదత్ పడిక్కల్ (Devdutt Padikkal Century) ఏకంగా భారీ శతకంతో చెలరేగడం ఇప్పుడు తీవ్ర చర్చనీయాంశమైంది. దీంతో 3వ స్థానం రేసులో అసలు సిసలు ట్విస్ట్ ఎదురైంది. శ్రీలంక (SL vs IND) పర్యటన కోసం తొలుత ప్రకటించిన 15 మంది సభ్యుల భారత జట్టులో సాయి సుదర్శన్ పేరు నిలిచింది. కానీ, బెంగళూరులోని బీసీసీఐ సెంటర్ ఆఫ్ ఎక్సలెన్స్ పరీక్షల్లో పూర్తి ఫిట్నెస్ నిరూపించుకోలేకపోవడంతో అతడు ఆఖరి నిమిషంలో జట్టు నుంచి వైదొలగాల్సి వచ్చింది. ఇలాంటి క్లిష్ట పరిస్థితుల్లో దాదాపు 2 ఏళ్ల నిరీక్షణ తర్వాత కర్ణాటక ఎడమచేతి వాటం బ్యాటర్ దేవదత్ పడిక్కల్ తుది జట్టులోకి వచ్చాడు. గాలే మైదానంలో జరుగుతున్న తొలి టెస్ట్ మ్యాచ్ మొదటి ఇన్నింగ్స్లోనే పడిక్కల్ పరుగుల సునామీ సృష్టించాడు. బాధ్యతాయుతమైన మూడో స్థానంలో దిగి 230 బంతులు ఎదుర్కొని, 15 బౌండరీలు, ఒక భారీ సిక్సర్తో ఏకంగా 167 పరుగులు సాధించి జట్టు మేనేజ్మెంట్ పెట్టుకున్న నమ్మకాన్ని నిలబెట్టాడు.
సాయి సుదర్శన్ స్థానానికి ముప్పు తప్పదా..?
పడిక్కల్ ఆడిన మెరుపు ఇన్నింగ్స్ భారత మాజీ కెప్టెన్, సెలెక్షన్ కమిటీ మాజీ ఛైర్మన్ కృష్ణమాచారి శ్రీకాంత్ ప్రశంసలు అందుకుంది. ఈ భారీ సెంచరీతో టీమిండియా టెస్ట్ జట్టులో సాయి సుదర్శన్ స్థానం తీవ్ర ప్రమాదంలో పడిందని శ్రీకాంత్ కుండబద్దలు కొట్టారు. చాలా కాలం తర్వాత వచ్చిన గోల్డెన్ అవకాశాన్ని పడిక్కల్ రెండు చేతులా ఒడిసిపట్టుకున్నాడని, రీఎంట్రీని ఘనంగా చాటుకున్నాడని ఆయన విశ్లేషించారు. భవిష్యత్తులో సాయి సుదర్శన్ పూర్తి ఫిట్నెస్ సాధించి అందుబాటులోకి వచ్చినా, పడిక్కల్ అద్భుత ఫామ్ను కాదని అతడికి తుది జట్టులో స్థానం కల్పించే సాహసం సెలెక్టర్లు చేయలేరని శ్రీకాంత్ స్పష్టం చేశారు.
పూజారా వారసుడు దొరికినట్లేనా..?
టీమిండియా టెస్టు క్రికెట్ చరిత్రలో నంబర్ త్రీ స్థానానికి ఎంతో ప్రత్యేకత ఉంది. సుదీర్ఘ కాలం పాటు నయా వాల్ చతేశ్వర్ పూజారా ఈ స్థానంలో పాతుకుపోయి ప్రత్యర్థి బౌలర్ల సహనానికి పరీక్ష పెట్టేవాడు. పూజారా నిష్క్రమణ తర్వాత శుభ్మన్ గిల్ కొన్నాళ్లు ఈ స్థానంలో మెరిసినా, ఆ తర్వాత కరుణ్ నాయర్ లాంటి ఇతర ఆటగాళ్లను సైతం మేనేజ్మెంట్ పరిశీలించింది. అయినా శాశ్వత పరిష్కారం దొరకలేదు. ఇప్పుడు గాలే టెస్టులో పడిక్కల్ చూపించిన మెచ్యూరిటీ, సుదీర్ఘ ఇన్నింగ్స్ ఆడే టెక్నిక్ చూస్తుంటే భారత్కు ఆ కీలక స్థానంలో సరైన బ్యాటర్ దొరికాడనే సంకేతాలు స్పష్టంగా కనిపిస్తున్నాయి.
సెలెక్టర్ల ముందు సరికొత్త సవాల్..
టెస్ట్ క్రికెట్ ఎప్పుడూ క్షణాల్లో సమీకరణాలను మార్చేస్తుంది. ఒకరి గాయం మరొకరి కెరీర్కు ఊపిరి పోస్తుందనడానికి పడిక్కల్ రీఎంట్రీ పెద్ద నిదర్శనం. మ్యాచ్ గమనాన్ని శాసించే మూడో స్థానంలో భారీ సెంచరీతో కదం తొక్కిన దేవదత్ను రాబోయే మ్యాచ్లలో పక్కన పెట్టడం జట్టు మేనేజ్మెంట్కు దాదాపు అసాధ్యం. ఈ క్రమంలో శ్రీలంక పర్యటన ముగిసే నాటికి భారత టెస్ట్ లైనప్లో మరిన్ని కీలక మార్పులు తప్పవని తెలుస్తోంది.
దేవదత్ పడిక్కల్ ప్రదర్శించిన బ్యాటింగ్ విన్యాసం భారత టెస్టు జట్టులో అంతర్గత పోటీని మరింత రసవత్తరంగా మార్చింది. రాబోయే మ్యాచ్లలో ఈ కర్ణాటక బ్యాటర్ ఇదే జోరు కొనసాగిస్తే, సాయి సుదర్శన్ తిరిగి స్థానం సంపాదించుకోవడానికి సుదీర్ఘ నిరీక్షణ తప్పకపోవచ్చు.
మరిన్ని క్రీడా వార్తల కోసం ఇక్కడ క్లిక్ చేయండి.
