IND vs SL 2nd ODI: టాస్ గెలిచి బ్యాటింగ్ ఎంచుకున్న శ్రీలంక.. 26 ఏళ్ల జైత్రయాత్ర కొనసాగేనా? ప్లేయింగ్ XI ఇదే..
భారత్-శ్రీలంక వన్డే సిరీస్లో భాగంగా ఈరోజు కోల్కతాలోని ఈడెన్ గార్డెన్స్ మైదానంలో రెండో మ్యాచ్ జరుగుతోంది. ఈ మ్యాచ్లో శ్రీలంక టీం టాస్ గెలిచి, తొలుత బ్యాటింగ్ ఎంచుకుంది.
India Vs Sri Lanka Kolkata ODI: భారత్-శ్రీలంక వన్డే సిరీస్లో భాగంగా ఈరోజు కోల్కతాలోని ఈడెన్ గార్డెన్స్ మైదానంలో రెండో మ్యాచ్ జరుగుతోంది. ఈ మ్యాచ్లో శ్రీలంక టీం టాస్ గెలిచి, తొలుత బ్యాటింగ్ ఎంచుకుంది. దీంతో భారత్ తొలుత బౌలింగ్ చేయనుంది. ఈ మ్యాచ్లో శ్రీలంకతో టీమిండియా వరుసగా పదో వన్డే సిరీస్ను కైవసం చేసుకునే అవకాశం ఉంది. గత 26 ఏళ్లుగా శ్రీలంకతో వన్డే సిరీస్లో భారత జట్టు ఓడిపోలేదు. చివరి ఓటమి 1997లో జరిగింది. ఆ తర్వాత వరుసగా టీమిండియా తన జైత్రయాత్ర కొనసాగుతోంది.
ఈ మ్యాచ్లో మహేంద్ర సింగ్ ధోనీ రికార్డును కూడా విరాట్ కోహ్లీ బద్దలు కొట్టే అవకాశం ఉంది. భారత కెప్టెన్ రోహిత్ శర్మ కూడా ఇక్కడ తన తుఫాన్ బ్యాటింగ్ను కొనసాగించే అవకాశం ఉంది. ఈ మైదానంలో రోహిత్ వన్డేల్లో అతిపెద్ద వ్యక్తిగత ఇన్నింగ్స్ని ఆడాడు. 2014 నవంబర్లో ఇక్కడ శ్రీలంకపై రోహిత్ 264 పరుగులు చేశాడు.
టెండూల్కర్ తర్వాత విరాట్ శ్రీలంకపై టాప్ స్కోరర్గా నిలచే ఛాన్స్..
విరాట్ కోహ్లీ శ్రీలంకపై టాప్-2 స్కోరర్గా నిలిచే అవకాశం ఉంది. ప్రస్తుతం 2,333 పరుగులతో మూడో స్థానంలో కొనసాగుతున్నాడు. ఈ జాబితాలో సచిన్ టెండూల్కర్ (3,113 పరుగులు) మొదటి స్థానంలో, మహేంద్ర సింగ్ ధోని (2,383 పరుగులు) రెండో స్థానంలో ఉన్నారు. 51వ పరుగు చేసిన వెంటనే విరాట్ రెండో స్థానంలోకి వచ్చేస్తాడు.
రెండు జట్ల ప్లేయింగ్-11..
శ్రీలంక : అవిష్క ఫెర్నాండో, నువానీదు ఫెర్నాండో, కుసల్ మెండిస్ (కీపర్), చరిత్ అసలంక, ధనంజయ డి సిల్వా, దసున్ షనక (కెప్టెన్), వనిందు హసరంగా, చమిక కరుణరత్నే, దునిత్ వెల్లలాగే, లహిరు కుమార, కసున్ రజిత
భారత్ : రోహిత్ శర్మ(కెప్టెన్), శుభ్మన్ గిల్, విరాట్ కోహ్లీ, శ్రేయాస్ అయ్యర్, కేఎల్ రాహుల్(కీపర్), హార్దిక్ పాండ్యా, అక్షర్ పటేల్, మహ్మద్ షమీ, కుల్దీప్ యాదవ్, ఉమ్రాన్ మాలిక్, మహ్మద్ సిరాజ్
మరిన్ని క్రికెట్ వార్తల కోసం ఇక్కడ క్లిక్ చేయండి..